Спорт
ЛЕ: Шкендија утна два пенали, па беше казнета од Розенборг
Македонскиот шампион Шкендија не успеа да се пласира во натпреварите по групи во Лига Европа, откако пропушти неверојатна шанса да го „нокаутира“ норвешкиот Розенборг на „Филип Втори“ во Скопје.
Тетовци од Норвешка пристигнаа со пораз од 3:1 во првиот …


Македонскиот шампион Шкендија не успеа да се пласира во натпреварите по групи во Лига Европа, откако пропушти неверојатна шанса да го „нокаутира“ норвешкиот Розенборг на „Филип Втори“ во Скопје.
Тетовци од Норвешка пристигнаа со пораз од 3:1 во првиот натпревар, така што им требаше „чиста“ победа од 2:0 за пласман понатаму и беа во совршена шанса да го направат тоа, откако двапати им беше досуден пенал, но Бесарт Ибраими и Изаир Емини не беа прецизни од белата точка.
Прв шанса да донесе водство за тетовци имаше Ибраими во 20. минута, кога неговиот удар од белата точка заврши во дирекот! Офанзивата на Шкендија продолжи, но прво Емини, а потоа и Тотре немаа среќа. Во 49. минута, дојде редот на Емини да биде „трагичар“, откако неговиот удар од белата точка заврши во рацете на голманот Андре Хансен.
Наместо победа и пласман во ЛЕ, за Шкендија следуваше шок и Евен Ховланд во 69. минута донесе водство за гостите. Региниусен во 84. минута само „стави сол на раната“ со уште еден гол за убедлива, но незаслужена победа на Норвежаните.
Пласман во ЛЕ нема ниту за српскиот Партизан, по тешкиот 3:0 пораз на гостувањето кај Бешикташ благодарение на двата гола на португалскиот ветеран Пепе. Првиот меч во Белград заврши 1:1.
ЛИГА ЕВРОПА, БАРАЖ, ВТОР НАТПРЕВАР
Шкендија (Мкд) – Розенборг (Нор) 0:2, прв натпревар 1:3, вкупно 1:5
Бешикташ (Тур) – Партизан (Срб) 3:0, прв натпревар 1:1, вкупно 4:1
Фото: ЕПА
ЛЕ: Тричко со три асистенции, АЕК Ларнака во Лига Европа (видео)
ЛЕ: Дуделанж е првиот клуб од Луксембург во Лига Европа, Аталанта испадна на пенали! (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Детали го делат Бенитез од клупата на Панатинаикос

Трофејниот шпански стручњак Рафаел Бенитез (65) треба да го преземе грчкиот тим Панатинаикос во наредните денови, откако че бидат дефинирани деталите за идната соработка.
Великанот од Атина е во потрага по тренер по заминувањето на Португалецот Руи Виторија, кој беше отпуштен на 15 септември, еден ден откако „зелените“ загубија од Кифисија со 3:2.
Во меѓувреме, Панатинаикос значително ја подобри играта и резултатите под водство на привремениот тренер Христос Контис и забележа голема победа во Лигата на Европа против Јанг Бојс (4:1), но во клубот, и покрај очигледниот напредок, бараат ново, по можност звучно име за клупата.
Според грчките медиуми, изборот паднал на тренерот кој ја освои Лигата на шампионите со Ливерпул во 2005 година, две титули во Ла Лига и Купот на УЕФА со Валенсија и Лигата на Европа со Челзи.
Истите извори наведуваат дека Бенитез пристигнал во Атина со приватен авион во четврток наутро за финални преговори со челниците на клубот и најверојатно за потпишување на договорот.
Наводно, Панатинаикос му нуди дури пет милиони евра само за едногодишна соработка.
Спорт
Џексон Хејс ќе добие пасош на Словенија

Центарот на Лос Анџелес Лејкерс, Џексон Хејс (25), откри дека е во процедура за добивање словенечки пасош за во иднина да може да игра со Дончиќ и во репрезентацијата.
Хејс е член на Лејкерс од 2023 година, претходно играше за Њу Орлеанс.
Наскоро би можел да биде опција за селекторот на Словенија, Александар Секулиќ, кој бара играч на позицијата „пет“ по повлекувањето на Џош Нибо за последниот Евробаскет.
Нибо, да потсетиме, поради повреда, не доби дозвола од својот клуб Милано да игра за Словенија, што ги принуди челниците на КС Словенија да најдат посигурно решение за наредните години.
Изборот падна на Хејс, со кого неговиот соиграч Лука Дончиќ ги водеше преговорите.
„Лука е мој човек. Работиме заедно за да добиеме словенечки пасош и да можеме да играме за Словенија следното лето“, ги изненади Хејс новинарите по натпреварот со Далас.
Хејс со тоа би бил четвртиот странец во последните неколку години во дресот на Словенија, по Ентони Рандолф, Мајк Тоби и Џош Нибо.
Словенија беше европски шампион во 2017 година со Рандолф.
Спорт
(Видео) Бецеки казнет за инцидентот со Маркез во Индонезија

По речиси две недели оо контроверзниот инцидент на Големата награда на Индонезија, судиите на Мото ГП ја донесоа конечната одлука да го казнат возачот на Априлија, Марко Бецеки.
Марко Бечеки е казнет со двоен долг круг, кој ќе мора да го одработи на неделната трка на Големата награда на Австралија.
Станува збор за судирот што се случи во седмата кривина, во првиот круг од трката на патеката „Мандалика“, кога Бецеки го собори Марк Маркез. Иако судиите веднаш започнаа истрага, тие не можеа да ја слушнат верзијата на Бецеки за несреќата бидејќи Италијанецот заврши во медицинскиот центар на самата патека.
Затоа, беше одлучено дека одлуката ќе биде донесена по неговото сослушување во Австралија, каде што Бецеки денес ја даде својата изјава.
Судиите се повикаа на членот од правилата, кој се однесува на „дејствија што создаваат опасни ситуации и доведуваат до несреќа“, и истакнаа дека Бецеки е во центарот на вниманието по втор пат оваа сезона поради инцидент.
Тој беше казнет за прв пат во Аргентина поради контакт со Фабио Квартараро.
Веднаш по инцидентот, возачот од Римини ја призна својата грешка и му се извини на Маркез, а потоа двајцата се сретнаа во медицинскиот центар. Маркез подоцна се огласи на социјалните мрежи за да ги повика фановите да не го обвинуваат Италијанецот, велејќи дека ваквите ситуации се дел од спортот.
A costly miscalculation 😔
Bezzecchi reflects on the collision with @marcmarquez93 that landed him a double LLP ahead of Sunday ⚠️#AustralianGP 🇦🇺 pic.twitter.com/IpBKk6CDlT
— MotoGP™🏁 (@MotoGP) October 16, 2025
На „Филип Ајленд“, Бецеки повторно застана пред камерите и ја повтори својата одговорност:
„Не се обидував да го престигнам. Тој силно сопираше, погрешно ја проценив ситуацијата. Тоа беше моја вина“, рече Бецеки, додавајќи дека сè уште чувствува голема болка во грбот.
Бечеки ја искористи можноста да го посочи проблемот со чакалот покрај патеката „Мандалика“, кој, според него, придонел за сериозноста на повредите.