Спорт
Ливерпул пак загуби поени, само реми со Вест хем! (видео)
Предноста на Ливерпул на врвот на Премиер лигата се „стопи“ на само три поени по второто реми во два меча за „црвените“, овојпат на гостувањето кај Вест хем од 1:1.
Ливерпул дојде во водство во 22. минута, кога Џејмс Милнер го најде Садио Мане, откако претходно беше во офсајд, им донесе значајна предност на гостите. Но, само шест минути подоцна, Вест хем одиграа една „трик“ акција од слободен удар, по која Мајкл Антонио со прецизен удар успеа да го совлада Алисон.
Со ремито, второ по тоа со Лестер во средата, Ливерпул останува прв на табелата со 62 поени, три повеќе од Манчестер сити со 59 на второто место. Доколку актуелниот шампион Сити го победи Евертон во среда, привремено ќе се врати на првото место поради подобрата гол разлика.
За Вест хем, поенот е добредојден бидејќи доаѓа по два убедливи порази (од Бурнемаут и Вулверхемптон) и сега тие се на 12. место со 32 поени.
Sadio Mane scores.
West Ham United 0 – 1 Liverpool#WHULIV #Liverpool
pic.twitter.com/0LIfUjQ5B0— Bada (@BADAOLUWAFEMI) February 4, 2019
GOOAAAL WEST HAM EQUALIZE. #WHULIV #LIVERPOOL #WESTHAM pic.twitter.com/zRihOY2qga
— Maestro Messi (@Messischip) February 4, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата ќе гласа за укинување на ВАР од следната сезона
Преставници на клубовите од англиската Премиер лига следниот месец ќе гласаат за укинување на ВАР, пишува The Athletic. За да се укине ВАР потребно е најмалку две третини од клубовите да гласаат за таа опција. Во случајот со Премиер лигата, тоа значи 14 од 20 клубови.
ВАР (Видео помошник судија) беше воведен во Премиер лигата во 2019 година, но беше предмет на бројни контроверзии. Во кои случаи може да се вклучи и какви одлуки се носат со негово користење се постојани прашања во англискиот фудбал. Предлогот е направен на иницијатива на Вулверхемптон.
Видео проверките ја успорија играта, па често се трошеше многу време за проверка и цртање линии. Сето тоа предизвикува фрустрации кај навивачите и затоа се предлага да се укине ВАР. Исто така, ВАР не ги елиминираше судиските грешки бидејќи лошите одлуки се носат и по прегледување на видеата.
Спорт
Првиот асистент на Клоп ќе го предводи Салцбург
Тренерот на Ливерпул, Јирген Клоп заедно со своите соработници го напушта клубот. В недела последен пат Клоп со својот стручен штаб ќе ги води „црвените“.
Јирген Клоп по девет години на „Енфилд“ реши да паузаира една сезона. За разлика од него, неговиот прв асистент Пеп Лајндерс веќе знае каде ќе биде наредната сезона.
Лајндерс денеска потпиша тригодишен договор со Ред Бул Салцбург.
41-годишниот Холанѓанецот пристигна во Ливерпул во 2018 година и со клубот ги освои сите можни трофеи.
Лајндерс е четврти тренер на Салцбург за само една година. На крајот од претходниот шампионат клубот се раздели со Матијас Џејсли, диригентската палка ја презеде Герхард Штрубер, но по слабите резултати во првенството (три бода помалку од Штурм) си замина, па сезоната ќе ја заврши Онур Цинел.
Спорт
Еден од клучните играчи го напушта Баер Леверкузен
Шампионот на Германија Баер Леверкузен успеа да го задржи тренерот Чаби Алонсо, вундеркиндот Флоријан Вирц, но по се изгледа ќе остане без еден од клучените играчи.
Десниот бек Џереми Фримпонг има неверојатна сезона. На 44 натпревари постигна 13 гола и забележа 12 асистенции.
Неговата откупна клаузула е 40 милиони евра и тој автоматски ќе биде слободен доколку некој клуб ја активира.
За холандскиот репрезентативец има голем интерес. Прв во редот Манчестер јунајтед, а 40 милиони се подготвени да потрошат и Арсенал, Баерн и ПСЖ.