Спорт
Лудило на Енфилд! Ливерпул едвај со Палас, Оле со седма победа во низа за Јунајтед (видео)
Ливерпул ги надмина сите проблеми за да стигне до неверојатна, но и тешка 4:3 победа над Кристал палас за да остане на првото место на Премиер лигата, додека Оле Гунар Солксјер и во седмиот натревар на клупата на Манчестер јунајтед стигна до седмата по…
Ливерпул ги надмина сите проблеми за да стигне до неверојатна, но и тешка 4:3 победа над Кристал палас за да остане на првото место на Премиер лигата, додека Оле Гунар Солксјер и во седмиот натревар на клупата на Манчестер јунајтед стигна до седмата победа.
Андрос Таунзенд во 34. минута го шокираше „Енфилд“ за да донесе водство за Кристал палас во 34. минута, пред Ливерпул да направи целосен пресврт во второто полувреме. Мо Салах и Роберто Фирмино „удрија“ на стартот на полувремето за „црвените“ да поведат со 2:1, пред Џејмс Томкинс во 65. минута да израмни на 2:2.
Салах со вториот гол во мечот во 75. минута пак ги донесе Ливерпул во водство, за во последните десет минути да се случи „лудница“. Прво Џејмс Милнер успеа да заработи два жолти картони и да ги остави лидерите со 10 играчи, пред прво Мане во 93. минута да зголеми на 4:2, а Палас врати во 95. минута преку Макс Маер.
Манчестер јунајтед пак, сврза пет победи во низа во Премиер лигата, откако со 2:1 го совлада Брајтон на „Олд Трафорд“. Погба (од пенал) и Маркус Рашфорд донесоа 2:0 водство за „ѓаволите“, пред Брајтон да намалат на 2:1 во второто полувреме.
Евертон продолжи со лошите игри, откако беше поразен со 2:1 кај Саутемптон, додека Њкасл освои важни поени во 2:0 победата над Кардиф.
ПРЕМИЕР ЛИГА, 23. КОЛО
Бурнемаут – Вест хем 2:0
Ливерпул – Кристал палас 4:3
Манчестер јунајтед – Брајтон 2:1
Њукасл – Кардиф 2:0
Саутемптон – Евертон 2:1
Ватфорд – Барнли 0:0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.