Спорт
ЛШ: „Луда“ минута и чудесен пресврт на Звезда за пласман во ЛШ (видео)
Српскиот шампион, Црвена звезда успеа да се пласира во групната фаза на Лигата на шампионите првпат од воведувањето на овој формат на натпреварување откако успеа да направи чудесен пресврт во Салцбург и да извлече 2:2 реми, кое беше доволно по ремито б…

Српскиот шампион, Црвена звезда успеа да се пласира во групната фаза на Лигата на шампионите првпат од воведувањето на овој формат на натпреварување откако успеа да направи чудесен пресврт во Салцбург и да извлече 2:2 реми, кое беше доволно по ремито без голови во Белград.
На Црвена звезда и се приклучија и Бенфика и ПСВ Ајндховен со убедливи победи во вторите мечеви од баражот за да ги комплетираат сите 32 клубови кои оваа година ќе играат елитен европски фудбал и ќе делат од богатиот „колач“.
Звезда имаше неочекувано голема поддршка на „Ред бул арената“ од над 9.000 навивачи, но тоа не ги спречи домаќините бргу да стигнат до позитивен резултат. Моанес Дабур во 45. минута ја искористи грешката на Савиќ за да донесе водство, а ситуацијата изгледаше безилзезна за Звезда кога во 48. минута тој го постигна вториот гол (овојпат од пенал) за 2:0 водство на австрискиот шампион, кој ја елиминираше Шкендија во претходното коло.
Меѓутоа, „црвено-белите“ не се предадоа и на сцена стапи Бен! Во 65. минута, по нафрлање на Дегенек, Французинот беше сам пред голот и не згреши, а само 60 секунди подоцна, повторно комбинација Дегенек-Бен за шок на домашните навивачи.
За Звезда ова, секако, е најголемиот успех во европските натпреварувања по сезоната 1991/92, кога како актуелни европски шампиони испаднаа во натпреварите по групи во Купот на шампиони.
ЛИГА НА ШАМПИОНИ, БАРАЖ, 2.НАТПРЕВАР
ПАОК (Грц) – Бенфика (Пор) 1:4, прв натпревар 1:1, вкупно 2:5
ПСВ Ајндховен (Хол) – БАТЕ Борисов (Блр) 3:0, прв натпревар 3:2, вкупно 5:2
Салцбург (Авт) – Црвена звезда (Срб) 2:2, прв натпревар 0:0, вкупно 2:2, Звезда оди понатаму поради гол во гости.
УЧЕСНИЦИ ВО ЛИГА НА ШАМПИОНИ 2018/19
Реал Мадрид (Шпа), Атлетико Мадрид (Шпа), Барселона (Шпа), Валенсија (Шпа)
Баерн Минхен (Гер), Борусија Дортмунд (Гер), Шалке (Гер), Хофенхајм (Гер)
Манчестер сити (Анг), Манчестер јунајтед (Анг), Ливерпул (Анг), Тотенхем (Анг)
Јувентус Торино (Ита), Наполи (Ита), Интер (Ита), Рома (Ита)
Пари Сен-Жермен (Фра), Монако (Фра), Лион (Фра)
Порто (Пор), Бенфика Лисабон (Пор)
Локомотив Москва (Рус), ЦСКА Москва (Рус)
Ајакс Амстердам (Хол), ПСВ Ајндховен (Хол)
Шахтјор Доњецк (Укр), АЕК Атина (Грц), Јанг Бојс Берн (Шва), Викторија Плзен (Чеш)
Клуб Бриж (Бел), Галатасарај Истанбул (Тур), Црвена звезда Белград (Срб)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Падна најстариот рекорд во брзо лизагање
Третиот ден од првата етапа од Светскиот куп во брзо лизгање донесе соборување на најстариот рекорд, во трката на 500 метри за жени, кој беше на сила точно 12 години.
Холанѓанката Фемке Кок ја помина оваа патека за 36 секунди и 09 стотинки и беше 27 стотинки побрза од Ли Санг Ква од Јужна Кореја, која го постави рекордот во 2013 година, на истата патека, која се смета за најбрза во светот.
Кок започна солидно, но 10 стотинки побавно од претходниот рекорд во првите 100 метри, па практично леташе по мразот во остатокот од трката. Оставајќи ги сите сопернички зад себе за најмалку половина секунда.
Американската ветеранка Ерин Џексон, олимписка победничка во оваа дисциплина, го освои второто место, со резултат од 36,58, додека младата Корејанка Ли На Хјун (19) го освои третото место, речиси една секунда зад победничката, 37,03.
Спорт
Кејн: Овој состав е еден од најдобрите во англиската историја
Капитенот на фудбалската репрезентација на Англија, Хари Кејн, изјави дека актуелниот состав е еден од најдобрите во историјата на „Гордиот Албион“ и дека ќе биде еден од фаворитите на Светското првенство следната година.
„Изградивме нешто и имавме одлична година со новиот тренер (Томас Тухел), а сега се радуваме на она ѓто не чека во 2026 година. Мислам дека ова е најдобриот тим што некогаш сме го имале. Кога ќе го погледнете почетниот состав и клупата, мислам дека ќе бидеме еден од фаворитите на Светското првенство. Мораме да го прифатиме тоа. Тоа се случува веќе неколку турнири и е составен дел од играта“, рече Кејн по натпреварот со Албанија за британскиот ИТВ.
Фудбалерите на Англија ја победија селекцијата на Албанија со 2:0 во Тирана, во последниот натпревар од осмото коло од квалификациите за Групата К за Светското првенство.
Англија ја заврши групната фаза со сите осум победи, со максимални 24 бода, со гол-разлика од 22:0.
Двата гола во победата над Албанија ги постигна 32-годишниот Кејн, кој сега има учинок од 78 гола за репрезентацијата на 112 одиграни натпревари.
Foto/ EPA
Спорт
Нестварно е во каква форма игра Ерлинг Халанд
Ерлинг Халанд продолжи да ги поместува границите и да ги руши сите можни рекорди.
Норвежанецот е најзаслужен за пласманот на својата репрезентација на Светското првенство, прво од 1998 година, бидејќи е убедливо најдобриот стрелец во квалификациите со дури 16 постигнати гола на осум натпревари.
Халанд веќе постигна 32 гола во сите натпреварувања за Сити и Норвешка оваа сезона, а сè уште е ноември.
Постои уште еден неверојатен факт, Халанд одигра 48 натпревари за репрезентацијата и постигна 55 гола.
Верувале или не, Халанд има ист број голови за Норвешка како и Килијан Мбапе за Франција, единствената разлика е што на Французинот му беа потребни 94 натпревари, речиси двојно повеќе од Норвежанецот.
Не е ни чудо што медиумите денес пишуваат за фактот дека Норвешка ќе биде потенцијално изненадување на Светското првенство следното лето.
Foto/ EPA

