„Денеска имавме чест да потпишеме меморандум за соработка и договор за спонзорство со најтрофејниот македонски клуб во одбојка, ОК Струмица – Никоб.

Одбојкарскиот клуб Струмица Никоб е гордоста на Струмица и на Македонија и ќе направиме сѐ што е во рамките на нашите можности како генерални спонзори да му помогнеме на клубот да ги има сите услови за да може да се натпреварува на елитното натпреварување во европската Лига на шампионите, изјави сопственикот на Групацијата Никоб, Кирил Лазаров.

Во моментот го заокруживме процесот на обезбедување врвна опрема и квалитетни дресови, тренирки и друг вид опрема според стандардите што ги бара европската Лига на шампионите, понатаму го помогнавме клубот да биде домаќин на врвен меѓународен турнир во Струмица, во кој клубот го заврши со многу добар скор и практично тоа беше еден показател во каква форма се играчите.

Она на што најмногу се гордеам се засилувањата оваа сезона, која заедно со клубот ги обезбедивме, така што сме спремни македонската и клупската одбојка да ја претставиме во најдобро светло во Европа.

Денес го потпишавме меморандумот за соработка и договорот за спонзорство и ги промовиравме домашниот и гостинскиот клубски дрес, кој е одраз на стандардите што ги наметнува Европската одбојкарска федерација.

Одбојката е спорт што во Европа и светот станува сѐ попопуларен, а ние како општествено одговорна компанија сакаме овој спорт да биде пример дека е навистина репрезентативен и потребен за секој млад човек што сака да се развива во здрава и стабилна личност. Ќе продолжиме да го поддржуваме спортот како компанија бидејќи сметаме дека спортот е оној што обединува и ги неутрализира сите негативности што знае општеството да ги обремени младите луѓе, резимира првиот човек на Никоб, Кирил Лазаров.

Претседателот на ОК Струмица Никоб, Владо Милев, кој е клупски играч и македонски репрезентативец, се заблагодари до сопственикот на Никоб за посветеноста, но и за храброста да инвестира во спортот и во одбојката во целина. Одбојката е прекрасен спорт, кој во Европа е циклусно популарен, но во светот овој олимписки спорт е навистина ценет и респектиран, особено кај младата популација.

Со Никоб како спонзори немаме да имаме предизивици и се надеваме на добар резултат во Европа, но и во нашето првенство. Потребен е стабилен спонзор, кој ќе ни помага. Имаме неколку врвни одбојкарски имиња со кои се засиливме оваа сезона. Тоа се Русите Александар Злобин, Максим Михаилов, Алексеј Лободин, колумбиецот Јоан Јараба и Канаѓанецот со македонски корени, Деан Глобочки.

Сите доаѓаат од врвни клубови со одличен скор зад себе. На турниот во Струмица, по повод 75 години клубска историја на ОК Струмица, игравме со Раднички Крагуевац од Србија, ОК Црна Гора и ОК Крајова од Романија. Остваривме втор резултат и прокниживме две победи. Тоа ни даде слика во каква кондиција е клубот.

На 20 септември почнуваме со првиот натпревар во Лигата на шампионите на Европа во Холандија и играме со холандскиот шампион Драисма Динамо од Апелдоорн. Се надеваме на победа и ги повикуваме сите наши што живеат во Холандија и во Европа и да дојдат и да ни дадат поддршка, која многу ќе ни значи“.

ПР-текст