Тенисерот број еден во светот Јаник Синер ќе ја брани титулата на Австралија Опен, како што стојат работите во моментов. Судот за спортска арбитража (CAS) го објави својот работен календар до 11 февруари следната година, а случајот на Синер го нема на тој список.

Да потсетиме, пред два месеци, Светската антидопинг агенција (ВАДА) поднесе жалба на одлуката на Агенцијата за интегритет на тенис (ITIA), со оглед на тоа што Синер беше лесно казнет за два позитивни допинг тестови во март (одземање на АТП поени и парична заработка од Индијан Велс).

Италијанецот беше позитивен на допинг-тестот на Мастерсот во Индијан Велс каде загуби во полуфиналето од Карлос Алкараз и поради ова ВАДА бара негова суспензија од една до две години.

Сепак, се чини дека засега нема ништо од тоа и останува да видиме кога неговиот случај ќе се најде на дневен ред. Синер оваа година доминираше во светскиот тенис и ја заврши сезоната како неприкосновен играч број еден во светот. Освои два Грен слем турнири, Австралија Опен и УС Опен (Ролан Гарос и Вимблдон ги освои Алкараз), завршниот Мастерс во Торино, а сето тоа го зачини со одбрана на титулата во Дејвис купот со италијанскиот тим.

Матијс Тел беше претставен како важно засилување и проект на Баерн, но кај Винсент Компани нема место во тимот, па разделбата е блиску.

Во претходните две сезони Тел и покрај тоа што имаше само 19 години редовно добиваше шанса, особено кај Томас Тухел. Работите се сменија со доаѓањето на новиот тренер. Венсан Компани смета дека младиот Французин не му е потребен.

Од почетокот на сезоната, Тел има само четири настапи во Бундеслигата, од кои еден во второто коло против Фрајбург. Оттогаш не игра разделбата е извесна што потврди и спортскиот директор на Баерн:

„Разговараме со играчите, како и со стручниот штаб, бидејќи за нас е важно момците да преземат добри чекори во развојот на нивните кариери“, изјави Фројнд.

Баерн би можел да го испрати Тел на позајмица, а договорот на Французинот со клубот од Минхен истекува во 2029 година.

Винисиус Жуниор поради повреда не играше за Реал против Ливерпул, во средата. Реал загуби на „Енфилд“ со 2:0.

Бразилецот и покрај тоа што не играше успеа да предизвика скандал и реакција од Ла Лига. Тој со објавата на Инстаграм сакаше да покаже колку му е тешко што не е со тимот на „Енфилд“.

Винисиус се снимил како го гледа натпреварот во својот дом во Мадрид и го објавил на споменатата социјална мрежа. На екранот на неговиот телевизор јасно се гледа логото на ТНТ Спортс од Бразил. Ова предизвика реакција од Ла Лига, која на Реал му испрати официјална жалба за однесувањето на својот ас.

„За време на натпреварот помеѓу Ливерпул и Реал, Винисиус објави фотографија на Инстаграм како го следи натпреварот. На екранот се гледа логото на ТНТ Спортс. Ова е пиратерија. Кога некој ги гледа натпреварите од Лигата на шампионите од Шпанија, тоа мора да се направи преку Мовистар канал, кој ги плаќа правата за споменатото натпреварување во оваа земја“, стои во дописот од Ла Лига испратен до Реал.