Спорт
Меси со нов хет-трик – двојна круна за Барса, втора лига за Депортиво (видео)
Фановите на Депортиво Ла Коруња полека се соочуваат со реалноста на втората шпанска лига следната сезона, откако не успеаја да издржат за реми против Барселона, губејќи со 2:4 благодарение на „магичниот“ хет-трик на Лионел Меси вреден двојна круна.
Мес…
Фановите на Депортиво Ла Коруња полека се соочуваат со реалноста на втората шпанска лига следната сезона, откако не успеаја да издржат за реми против Барселона, губејќи со 2:4 благодарение на „магичниот“ хет-трик на Лионел Меси вреден двојна круна.
Меси на најдобар начин ја запечати 25. титула на каталонскиот гигант во Шпанија, со што Барселона е втор најдобар тим во историјата, зад Реал Мадрид со 33 титули. Ова е прв шампионски трофеј на Блауграна од 2016 година и трет во последните четири години, откако само лани титулата отиде кај „Лос бланкос“.
Тимот на Кларенс Сидорф губеше со 0:2 по 38 минути игра, но имаше импресивен кам-бек за да докаже дека гостувањата на Барселона во Галиција никогаш не се лесни. Кутињо во седмата минута и Меси во 38. минута донесоа предност за Блауграна, но Депор врати на 1:2 пред крајот на полувремето преку Лукас Перез.
Емре Чолак во 64. минута израмни, пред, како и многупати оваа сезона, Лео Меси да го реши мечот со два гола во 82. и во 85. минута, комплетирајќи го хет-трикот за да стигне до 31 гол во Ла лига оваа сезона, со што се израмни со Мо Салах од Ливерпул во трката за „златната копачка“ за најдобар стрелец во европските лиги.
Messi Hat-ric #fcblive pic.twitter.com/Ofj6VyIT3Q
— Messİnho (@i_Messinho) April 29, 2018
Со поразот, Депор останува на 18. место со 28 поени, дури 12 помалку од 17-пласираниот Леванте со само три кола до крајот на шампионатот, со што се загубени и теоретските шанси за опстанок. Покрај Депортиво, во Сегунда одат и Лас Палмас и Малага.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Антони ќе ира за Бетис, а плата ќе зема во Манчестер јунајтед
Крилниот напаѓач на Манчестер јунајтед, Антони ќе му биде позајмен на Бетис. Шпанските медиуми пишуваат дека клубовите постигнале договор.
„Мундо Депортиво“ тврди дека клубот од Севилја нема да има право да го откупи Бразилецот за кого клубот од „Олд Трафорд“ потроши повеќе од 90 милиони евра во 2022 година кога донесе од Ајакс.
Виљареал, исто така, наводно бил заинтересиран за доведување на 24-годишниот фудбалер.
Според ововј извор, „црвените ѓаволи“ ќе продолжат да плаќаат добар дел од платата на Антони, која е 200.000 фунти недеелно, а во договорот за трансфер ќе има клаузула, според која Бетис ќе плаќа пенали доколку Бразилецот не добие соодветна минутажа.
Идејата е Атони да го замени Асан Диао на таа позиција, откако 19-годишниот Сенегалец, член на шпанската младинска репрезентација, за 12 милиони евра му се приклучи на Комо.
Антони не е омилен меѓу навивачите на Јунајтед. За клубот одигра 82 натпревари и постигна 11 гола во првите две сезони, од кои пет на 44 натпревари во Премиер лигата.
Сезонава нема постигнато гол на седум натпревари во Премиер лигата, а постигна гол само против третолигашот Барнсли во Лига купот, кога Јунајтед триумфираше со 7:0.
Спорт
(Видео) „Виола“ ја продолжи лошата серија – Торино освои бод на „Артемио Франки“
Серијата на Фиорентина од десет натпревари без пораз, во која забележа девет победи и едно реми, заврши на 15 декември минатата година со пораз од Болоња. „Виола“ оттогаш е во голема резултатска криза, на последните шест натпревари од можните 18 осовои само два бода.
Фиорентина во првиот меч од денешната програма во Серија А, во рамките на 21.коло одигра 1:1 со Торино.
Фиорентина во еден момент беше лидер во Серија А, а по ремито со Торино падна на седмата позиција на табелата, има 17 поени помалку од лидерот Наполи. Серијата лоши резултати ја компромитира позицијата на тренерот Рафаеле Паладино.
Мојсе Кен ги доведе „виолетовите“ во водство во 38. минута, со што само пот врди дека се наоѓа во одлчична форма. Пет минути претходно, Торино остана со фудбалер помалку на теренот, поради два жолти картоно беше исклучен Дембеле.
Фиорентина напаѓаше во вториот дел, не успеа да постигне гол, туку му дозволи на пртивникот да замине непоразен од „Артемио Франки“.
Пјетро Комуцо направи кардинална грешка во 70. минута , наместо соиграчот го проигра Гидас Гнеитис. Литванецот го искористи подарокот и го постави конечниот резултат.
Спорт
Ѓоковиќ објасни зошто не дал интервју н теренот по победата над Лехечка
Српскиот тенисер Новак Ѓоковиќ, по победата над Јиржи Лехечка (3:0) во четвртото коло на Австралија опен, не даде интервју на теренот. Го зеде микрофонот од Џим Куриер и кратко им се заблагодари на навивачите. На прес-конференцијата откри зошто постапил така.
Иако првично се мислеше дека причината е непријателската публика, набрзо беше утврдено дека Ѓоковиќ бил лут на каналот „Nine“, кој ги пренесува натпреварите од првиот Грен слем сезонава.
Поконкретно, новинарот на каналот, Тони Џонс, кој за време на неговото вклучување од претходниот меч на Ѓиковиќ, против Чехот Махач, се сврте кон обожавателите на Новак и почна да се шегува, на непримерен нчин.
„Новак е преценет, тој е минато.. Исфрлете го“, рече Џонс и додаде: „Мило ми е што не можат да ме слушнат“.
Затоа реагираше Ѓоковиќ.
„Би сакал да кажам зошто не дадов интервју. Пред неколку дена, познат спортски новинар кој работи за официјалната телевизија на Австралија опен „nine“ ги исмеваше српските навивачи и ме навредуваше. Тој одлучи да не се извини јавно, ниту тоа го направи каналот „Nine“. Поради тоа решив да не дадам изјава на теренот. Немам ништо против Џим Куриер. Едноставно не беше вистинскиот момент за да кажам на теренот зошто го напарвива тоа. Му оставам на каналот „Nine“ да го направи она што мисли дека е правилно“, рече Ѓоковиќ.
Тој потврди дека публиката нема никаква врска со тоа.
„Па, не, ништо посебно. На секој меч се случува нешто различно. Веќе објаснив зошто не дадов интервју, тоа не е поради публиката туку поради каналот „Nine““, додаде Новак, кој потврди дека нема да дава изјави за овој ТВ канал додека тој и неговите навивачи не добијат извинување.
Ѓоковиќ откри дека за проблемот разговарал и со Крег Тајли, директорот на турнирот.