Спорт
Мик Шумахер како тато – стана Ф3 шампион!
Синот на седумкратниот Ф1 шампион, Мик Шумахер (Према Пауертим) е крунисан за шампион во Формула 3 на една трка пред крајот откако беше втор на втората трка во Хокенхајм, каде што Јури Випс лесно стигна до победата.
Мик го започна викендот со 49 поени …


Синот на седумкратниот Ф1 шампион, Мик Шумахер (Према Пауертим) е крунисан за шампион во Формула 3 на една трка пред крајот откако беше втор на втората трка во Хокенхајм, каде што Јури Випс лесно стигна до победата.
Мик го започна викендот со 49 поени предност пред најблискиот ривал, Ден Тиктам, возачот со поддршка на Ред бул, и требаше да не загуби 15 поени од него за да ја освои титулата. Бидејќи Германецот беше втор на стартот, а Тиктам на 15. место, само инцидент можеше да го спречи тинејџерот да стигне до трофејот.
19-годишниот Мик беше во сензационална форма во втората половина од шампионатот и има осум победи во текот на сезоната за да има совршено испраќање од Ф3, бидејќи сите очекувања се дека следната сезона ќе вози во Формула 2, последниот чекор пред Формула 1. Ова е реприза на првиот успех на неговиот татко, бидејќи Михаел беше Ф3 шампион во 1990 година.
.@SchumacherMick is the 2018 @fiaf3europe CHAMPION !!!!!!! ???????? pic.twitter.com/16MhKhgOf6
— PREMA (@PREMA_Team) October 13, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Пулишиќ ќе го продолжи договорот со Милан

Американскиот фудбалер Кристијан Пулишиќ се согласил да го продолжи договорот со челниците на Милан, објави италијанскиот весник „Газета дело Спорт“.
Како што тврди „Газета“, 26-годишниот капитен на репрезентацијата на Соединетите Американски Држави ја прифатил понудата да потпише нов договор до јуни 2029 година со зголемување на годишната плата од четири на пет милиони евра.
Пулишиќ е најдобар стрелец на Милан оваа сезона со 16 постигнати голови на 45 натпревари во сите натпреварувања.
Пред Милан, американскиот играч од средниот ред играше за Челзи и Борусија Дортмунд.
Во дресот на САД, тој постигна 32 гола на 78 натпревари.
Спорт
Алекс Баена се договорил со Атлетико

Фудбалскиот клуб Атлетико Мадрид планира големи летни инвестиции. Алекс Баен од наредната сезона се сели на „Метрополитано“ во Мадрид.
Извори од Мадрид блиски до Атлетико денес открија дека Баена веќе бара куќа во шпанската престолнина, дека ја договорил платата и сега чека клубовите да се договорат за обештетувањето.
Баена има 23 години, ја мина Академијата на Виљареал, но стигна до првиот тим преку Џирона, каде што играше како позајмен играч во сезоната 2021/22.
Во меѓувреме, Баена стана член на шпанската репрезентација, а според статистичките податоци, тој е еден од најдобрите плејмејкери во Ла Лига, иако игра на левата страна во редот за врска.
Тој ќе биде идеален во системот 4-4-2 на Диего Симеоне. Атлетико и минатото лето преговараше за неовиот трансфер, но тогаш клубовите не се договорија. Претходно се шпекулираше дека Виљареал очекува отштета од 50 милиони евра за неговиот потпис, што Атлетико очигледно е подготвен да го плати.
Но, Баена не е единственото бомбастично засилување, бидејќи се споменува дека Атлетико Мадрид наскоро ќе го официјализира трансферот на напаѓач. Анхел Кореа е на излезна врата, Антоан Гризман е во години, а Симеоне сака уште едно големо име покрај Хулијан Алварез, бидејќи Александар Серлот е решение од клупата.
Не е познато за кого се работи, но медиумите пишуваат дека Атлетико наскоро ќе објави со кој играч постигнале договор.
Спорт
Монако му нуди тригодишен договор на Миротиќ

Монако блеска оваа сезона во Евролигата, тие се на чекор до пласман на завршниот турнир, но во Кнежевството веќе размислуваат за засилувања за следната сезона.
Монако води со 2:0 во плејоф серијата од елитното натпреварување против Барселона и уште една победа би им обезбедила пласман на завршниот турнир во Абу Даби.
За следната сезона, според медиумите, прва желба е крилниот центар на Армани Милано, Никола Миротиќ.
Миротиќ не му донесе успех на Армани оваа сезона, но беше лидер на тимот на Еторе Месина.
Црногорецот со шпански пасош има договор со Миланезите уште една година, но има опција со која би можел да ја раскине соработката.
Како што објави новинарот Чема де Лукас, Монако е подготвен да му понуди тригодишна соработка на Миротиќ, кој оваа сезона постигнува 17,7 поени со 6,4 скока и две асистенции по натпревар.