Спорт
Мисијата исполнета: Прекрасни голови и Македонија во Лига Ц и во плеј-офот! (галерија+видео)
Македонската фудбалска репрезентација го исполни ветеното и го освои првото место во групата 4 од Лигата Д во Лигата на нации на УЕФА, откако пред малубројната публика на „Филип Втори“ го совлада аутсајдерот Гибралтар со 4:0.
До петтата победа во шесте…


Македонската фудбалска репрезентација го исполни ветеното и го освои првото место во групата 4 од Лигата Д во Лигата на нации на УЕФА, откако пред малубројната публика на „Филип Втори“ го совлада аутсајдерот Гибралтар со 4:0.
До петтата победа во шесте меча во Лигата на нации, Македонија дојде со смирена игра против неатрактивниот противник без капитенот Горан Пандев, кој паузираше поради жолти картони.
Енис Барди во 27. минута покажа каков фудбалски мајстор е постигнувајќи го вториот гол во два меча за Македонија со совршен удар од многу тешка ситуација, удар кој не би го одбраниле и голмански величини.
Победата ја обезбеди Илија Несторовски, откако голгетерот на Палермо создаде многу шанси од кои две ги искористи – во 67. минута, кога по нафрлање на Ристовски со глава го совлада голманот и во 80. минута, кога постигна уште еден фантастичен гол од работ на шестнаесетникот. За „крај“, неговиот соиграч Александар Трајковски во 94. минута со уште еден гол стави печат на триумфот.
За потврда на првото место беше доволен и поен, и сега е дефинитивно и конечно – Македонија следната сезона ќе настапува во Лига Ц со далеку посилни противници, а ќе има и многу поголеми шанси за пласман на Европското првенство во 2020 година.
Покрај квалификациските натпревари по групи (кои ќе бидат одредени по крајот на Лигата на нации), момците ќе имаат шанса и преку плеј-офот со другите победници во Лига Д – засега се сигурни Грузија (група 1), Белорусија (група 2) и Косово или Азербејџан (група 3) да бараат „втор пат“ до Евро 2020. Една од овие четири репрезентации има сигурно место на ЕП.
ЛИГА НА НАЦИИ, ЛИГА Д, ГРУПА 4
Македонија – Гибралтар 4:0
Лихтенштајн – Ерменија 2:2
Конечна ТАБЕЛА: 1.Македонија 15, 2.Ерменија 10, 3.Гибралтар 6, 4.Лихтенштајн 4
Фото: ЕПА
Golaaaazooooo @enisbardhi10 pic.twitter.com/GiN5rnmu33
— Enis Bardhi Fans (@BardhiFans) November 19, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Синер и Алкарас рутински славеа над Ѓоковиќ, односно Фриц

Двајцата најдобри тенисери во светот, Карлос Алкараз и Јаник Синер се пласираа во финалето на турнирот „Шест Кралеви“ во Ријад. Турнирот е егзибиција, не е во калнедарот на АТП, а во полуфиналето Алкараз и Синер беа супериорни против Тејлор Фриц, односно Новак Ѓоковиќ.
Јаник Синер во два сета со 6:4, 6:2 го победи Ѓоковиќ. Најдобриот на сите времиња, Новак Ѓоковиќ нема решение за Синер. Италијанецот ја забележа седмата последовна победа против Ѓоковиќ.
Она што треба да го загрижи Ѓоковиќ што нема никакво решение за играта на Синер. Италијанецот направи брејк во вториот гем, а откако го доби првиот сет, со брејк го отвори вториот, а уште еден брејк направи во петтиот гем, со што птактично и го реши мечот.
Исто како и Синер и Карлос Алкараз славеше со 6:4, 6:2 во дуелот со Тејлор Фриц.
Овој меч имаше речиси ист тек како и дуелот Синер-Ѓоковиќ. Алкараз во првиот сет направи брејк во петтиот гем, во истиот гем му го одзеде сервисот на противникот и во вториот сет, а потоа направи брејк и во седмиот гем.
Спорт
(Видео) Меси може да остане без вилата од 11 милиони евра

Лионел Меси би можел да се соочи со рушење на неговата вила на Ибица вредна 11 милиони евра, поради контроверзиите околу имотот од 16.000 квадратни метри. Имено, вилата е изградена на заштитено земјиште без потребните дозволи.
Меси го купи имотот во 2022 година, но оттогаш се соочи со низа проблеми, вклучувајќи го и вандализмот од страна на климатските активисти минатата година.
Имотот лоциран во Сант Жозеп де Са Талаја на западниот брег на Ибица, Меси го купи од швајцарскиот бизнисмен Филип Амон. Сепак, во текот на изградбата биле прекршени правилата за урбанистичко планирање бидејќи ѕвездата на Интер Мајами во моментов нема важечка дозвола за употреба или потребните одобренија за вила на заштитено земјиште.
Според „AБЦ“, делумно рушење на вилата „не е исклучено“ ако ситуацијата не се реши.
Во август 2024 година, климатските активисти од групата „Футуро Вегетал“ упаднаа во имотот и го вандализираа, боејќи го црвено и црно и споделувајќи фотографии на социјалните мрежи.
Двајца членови на групата држеа транспарент на кој пишуваше „Помогнете ѝ на планетата, изедете ги богатите, укинете ја полицијата“, во она што се верува дека е протест против владините политики што ја влошуваат климатската криза.
Тие ги објаснија своите постапки во објава на социјалната мрежа „X“: „Ја обоивме нелегалната вила на Меси на Ибица. Вилата е нелегална градба што фудбалерот ја купи за претерана сума од 11 милиони евра. Додека ова се случува, само на Балеарските Острови помеѓу 2 и 4 лица починаа како директен резултат на топлотниот бран. Најбогатиот, еден отсто од населението е одговорен за истата количина емисии на јаглерод како и најсиромашните две третини… Потребна ни е радикална промена во системот за да се соочиме со климатската криза.“
Spanish eco and climate change activists from Futuro Vegetal have vandalized Lionel Messi’s Ibiza home.
Via @OliLondonTV pic.twitter.com/Ru0bhlLddi
— Visegrád 24 (@visegrad24) August 6, 2024
Спорт
Ленокс Луис ги избра петте најдобри боксери на сите времиња

Ленокс Луис се смета за еден од најголемите имиња во тешка категорија во историјата на боксот. Иако има два порази со нокаут во кариерата, тој успеа да им се одмазди на двајцата борци кои го победија, постигнувајќи вкупно 41 професионална победа. За време на неговата импресивна кариера, поранешниот освојувач на златен олимписки медал се соочи со некои од најголемите легенди во тешка категорија, а неговата борба со Мајк Тајсон е сè уште еден од најпрофитабилните мечеви на сите времиња, пишува „Bloody Elbow“.
Во неодамнешно видео објавено на Инстаграм, Луис го откри својот личен список на петте најдобри боксери во историјата. Интересно е што тој не вклучи ниту еден боксер против кого се натпреварувал, како што се Мајк Тајсон или Евандер Холифилд, иако забележа дека би „се ставил во иста соба со тие борци“.
На врвот на својата листа, Луис очекувано го стави Мухамед Али, чиј прекар „Најголемиот“ совршено го опишува неговото наследство. Заедно со Али, листата вклучува уште четири легенди кои ги дефинираа своите епохи:
Џек Џонсон – првиот црн светски шампион во тешка категорија (1908 – 1915).
„Чудото“ Марвин Хаглер – легендарен борец во средна категорија кој ги победил великаните како Томас Хернс и Роберт Дуран.
Џорџ Форман – поранешен двократен светски шампион во тешка категорија и освојувач на златен олимписки медал.
Џо Луис – сопственик на најдолгото владеење со титулите во историјата на боксот, кое траело 11 години и 8 месеци.