Спорт
Мората објасни зошто сака да ја напушти Шпанија
Експлозивното интервју на Алваро Мората за шпанските медиуми крена доста прашина во пресрет на полуфиналето на Евро.
Шпанецот го очекува тежок дуел со Франција и битка за пласман во финалето, но по изјавите на Мората за „Мундо депортиво“, атмосферата во таборот на „фуриите“ беше нарушена.
Имено, Мората изјави дека „ова може да му биде последен турнир на кој настапува за Шпанија“.
Потоа објасни што го тера да размислува така.
„Тешко ми е да бидам среќен во Шпанија. Посреќен сум надвор од Шпанија, без никаква дилема. Тоа сум го кажал многупати. Пред сè, ме почитуваат луѓето надвор од земјата. Во Шпанија нема почит кон никого“, истакна Мората.
Тој сепак ќе има можност да игра против Франција бидејќи беа погрешни наводите дека добил жолт картон на последниот меч со Германија.
„Тие рекоа дека плачев на теренот затоа што добив жолт картон. Каква глупост! Плачев затоа што мојата земја и јас како нејзин капитен се пласиравме во полуфиналето. Никогаш не би критикувал некој што плаче поради тоа. Но, би ме критикувале дури и ако си ја отсечам раката за да го освојам Евро“, изјави Мората.
„Се обидувам да уживам во турнирот, кој може да ми биде последен во националниот тим, а во иднина ќе видиме што ќе се случи. Можеби еден ден ќе им недостигам. Секој ден, моментот на моето заминување е поблиску, затоа уживам, затоа ќе плачам што и да се случило, добро или лошо“.
Алваро призна дека тој и неговата сопруга, кои имаат три сина и една ќерка, размислуваат да ја напуштат Шпанија.
„Не е сè така убаво. И покрај фокусот на Евро, сè уште размислувам и не знам дали е најдобро за мене да останам во Шпанија. Реков дека умирам да го земам трофејот со ‘Атлетико“, но не знаеш дали вреди сè“, заврши капитенот на Шпанија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Рикиардо би можел да го напушти тимот по ГП во Сингапур
Возачот на РБ, јуниорскиот тим на Ред Бул, Даниел Рикиардо изјави дека не е сигурен дали ќе остане во тој тим до крајот на сезоната во Формула 1 по трката во Сингапур.
Договорот на Рикиардо истекува на крајот од сезоната, но има шпекулации дека по неделната трка во Сингапур, тој би можел да биде заменет со Лиам Лосон во последните шест трки од сезоната на тимот РБ.
„Знам како е и како оди и знаев дека ќе има некои датуми и датуми оваа година, без разлика дали е летниот распуст или сега по Сингапур. Мислам дека има уште многу неизвесност. Ќе видиме како ќе помине викендот Ќе дадам се од себе, за се што имам секогаш има за што да се борам, планот е да се обидам да стигнам до подиумот“, изјави Рикиардо.
35-годишниот австралиски возач се врати во Формула 1 кон средината на минатата сезона со РБ, но не успеа да се врати во добра форма и сега е 14-ти во генералниот пласман кај возачите, со 10 поени помалку од тимскиот колега Јуки Цунода.
Запрашан дали трката во Сингапур може да биде негова последна, со оглед на условите на договорот, Рикиардо рече дека не мисли така.
„Но, јас исто така не сакам да почнам овде и да бидам адвокат. Би одговорил на прашањето – не, но знаеме како функционира овој спорт. Не сакам да кажам дека останувам и „100 проценти се обложувам на тоа Она што е лудо во врска со овој спорт е дека ако сум на подиумот овој викенд, веројатно ќе бидам еден од најпопуларните“, рече тој.
Рикиардо додаде дека работите брзо се менуваат во Формула 1, дека е свесен дека ситуацијата се вжештува, но дека ќе се концентрира на своите перформанси и ќе даде се од себе.
Големата награда на Сингапур се вози во недела од 14 часот.
Спорт
Карвахал се закани со штрајк: фудбалерите никој ништо не ги прашува
Дани Карвахал, легендата на Реал Мадрид и на шпанската репрезентација, клучен играч за освојување на европските титули за клубот и репрезентацијата, откри дека фудбалерите планираат радикален протест поради зголемениот број на натпревари.
„Штрајкот поради премногу натпревари во текот на сезоната е опција, можност што ние играчите ја разгледуваме. Никој ништо не не прашува, воопшто не ни обрнуваат внимание и затоа мораме да го кренеме гласот“, изјави тој за популарната радио емисија „Тоемпо де Хуего“.
Играчите во врвните клубови и репрезентации се револтирани што и онака пренатрупаниот распоред на натпревари е зголемен оваа сезона. На пример, Реал на Карвахал одигра 55 натпревари минатата сезона.
Поради новиот формат на Лигата на шампионите и на клупското СП, би можеле да одиграат над 70 натпревари Ако на тоа се додаде дека репрезентацијата на Карвахал од минатото до ова лето одиграа дури 18 натпревари, јасно е зошто е шпанскиот ас е уште еден од низатта фудбалери кои јавно го искажаа своето незадоволство.
Спорт
Флик: Можеме да ја освоиме Лигата на шампионите
Барселона го започнува овогодинешното учество во Лигата на шампионите со гостувањето во Монте Карло кај Монако.
Каталонците одлично го започнаа шпанското првенство, во првите пет натпревари имаат исто толку победи.
Германскиот стручњак Ханси Флик смета дека неговиот тим може да оди до крај во елитното европско натпреварување.
„Верувам дека можеме да стигнеме до титулата во Лигата на шампионите. Тоа е секогаш цел на најголемите клубови. Лигата на шампионите е најсилното натпреварување во светот, а јас сум убеден дека Барса може да игра и да ги победи сите“, изјави Флик.