Спорт
Мурињо: заслуживме победа, Клоп: не ни досудија пенал!
Жозе Мурињо вели дека му е мака да ги слуша критичарите на Манчестер јунајтед и не му е грижа дали некој смета дека неговиот клуб ја заслужил 2:1 победата над Ливерпул.
Маркус Рашфорд со два гола ја обезбеди победата по која Јунајтед се одвои на пет по…


Жозе Мурињо вели дека му е мака да ги слуша критичарите на Манчестер јунајтед и не му е грижа дали некој смета дека неговиот клуб ја заслужил 2:1 победата над Ливерпул.
Маркус Рашфорд со два гола ја обезбеди победата по која Јунајтед се одвои на пет поени пред Ливерпул и ја засили втората позиција на табелата. Мурињо, кој честопати оваа сезона беше критикуван поради неговата дефанзивна ориентација, тврди дека неговиот тим бил постојано под контрола и дека ја заслужува победата.
„Можеме да ги поделиме полувремињата – Јунајтед во првото полувреме, а Ливерпул во второто, но според мое мислење, нашето полувреме беше со голови и опасност. Во второто полувреме, а можеби тие во студиото имаат поинакво мислење, Ливерпул ја контролираше топката, но ние ја контролиравме играта без топка. Постојано бевме во контрола. Против Ливерпул ако играш лошо и ја имаш топката имаш проблеми. Тие не поставија во дефанзивна позиција, но контролата беше наша. Не ми е грижа ако некој мисли дека не ја заслуживме победата. Уморни сме, имаме меч во вторник, така што не можам да се грижам за тоа што велат луѓето. Момците се среќни, јас сум среќен“, вели Мурињо, кој нема време за одмор бидејќи следува реваншот во осминафиналето на ЛШ против Севилја откако првиот меч во Шпанија заврши 0:0.
Од другата страна, Јирген Клоп тврди дека Ливерпул не добиле „чист пенал“ при стартот на Маруан Фелаини над Садио Мане.
„Тоа беше чист пенал и во таква ситуација ни беше потребна вистинска одлука. Но, натпреварот го загубивме поради одбраната. Не можеме постојано да ги губиме дуелите во воздух против Ромелу Лукаку. Двата гола ни ја отежнаа работата. Тешко е да се вратиш против Јунајтед“, објаснува Клоп.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Брајтон платија 35 милиони за 18-годишниот Костулос

Англискиот фудбалски клуб Брајтон го договори трансферот на 18-годишниот напаѓач на Олимпијакос, Хараламбос Костулос за 35 милиони евра.
Костулас во четвртокот помина медицински прегледи и се очекува да потпише петгодишен договор што ќе стапи на сила на 1 јули, објави Би-Би-Си.
Овој трансфер го сруши претходниот рекорд за износот на надоместокот што еден грчки клуб го доби за својот играч, кој го држеше Олимпијакос кога Вулверхемптон плати 16,6 милиони фунти за Даниел Поденс во 2020 година.
Костулас, кој игра за младинската репрезентација на Грција (до 21 година), го имаше своето деби за првиот тим на Олимпијакос во 2024 година, откако помина низ младинската академија на клубот од Пиреја.
Минатата година, тој беше стандарден првотимец во тимот на Олимпијакос кој ја освои престижната младинска Лига на шампиони на УЕФА, победувајќи ги Интер и Баерн на патот до финалето, а во мечот за титулата го совладаа Милан.
Во текот на последната сезона во грчкото првенство, тој постигна седум гола во 22 лигашки натпревари.
Спорт
Тудор го потпиша договорот со Јувентус

Игор Тудор го потпиша новиот договор со Јувентус. Хрватот успеа да избори пласман во Лигата на шампуионите, што беше единствената цел кога го презеде тимот од Тијаго Моа.
Тудор потпиша договор со Јувентус до 2027 година. Но, со опција за продолжување за уште една година.
Игор Тудор е поранешен играч великанот од Торино, во минатото тој беше на клупата, но како помошник на Андреа Пирло.
Останува надежта дека со Тудор ќе се обезбеди некаков вид стабилност, со оглед на тоа што Јувентус смени четири тренери во претходните шест години.
Спорт
Севилја има нов тренер

Аргентинскиот тренер Матијас Алмеида е новиот шеф на стручниот штаб на фудбалскиот клуб Севилја.
Клубот од Андалузија минува низ турбелентен период. Смени седум тренери за три години, а тоа се одрази и на резултатите, бидејќи во тие три сезони, Севиља не беше пласирана подобро од 12-то место, а минатата сезона на две кола пред крајот обезбеди опстанок.
Затоа, не е ни чудо што клубот се одлучи за нов тренер, за Аргентинецот Матијас Алмеида. Еден од најдобрите задни играчи за врска во еден период, кој во богата кариера играше за шампионите Лацио, Парма, Интер, а европската кариера ја започна во Севилја.
Ученикот на Даниел Пасарела ја започна својата тренерска кариера каде што ја започна и заврши својата кариера како игра, во Ривер Плата.
Во меѓувреме, тој ги водеше Банфилд, Гвадалахара, Сан Хозе, а последните три години беше на клупата на АЕК, со кој ја освои двојната круна веќе во првата сезона