Спорт
НБА плеј-оф: Јута ги елиминираа Вестбрук и Тандер! (видео)
Дебитантот Донован Мичел постигна 38 поени за да помогне Јута џез да ја добие серијата од првото коло од плеј-офот против Оклахома сити тандер по 96:91 победата за вкупни 4:2 и за дуел со прворангираните Хјустон во второто коло.
Расел Вестбрук имаше се…


Дебитантот Донован Мичел постигна 38 поени за да помогне Јута џез да ја добие серијата од првото коло од плеј-офот против Оклахома сити тандер по 96:91 победата за вкупни 4:2 и за дуел со прворангираните Хјустон во второто коло.
Расел Вестбрук имаше седум тројки за да забележи 46 поени и 10 скока за Тандер, но седмиот натпревар со над 40 поени не донесе победа за Тандер, кои се сметаа за фаворити во овој дуел.
Од другата страна, Мичел имаше вкупно 171 поени во шесте натпревари, што е трет најдобар скор за еден дебитант. Карим-Абдул Џабар (тогаш познат како Лју Алкиндор) имаше 216 во 1970, а Вилт Чембрлен имаше 1999 во 1960 година.
Кајл Лаури собра 24 поени, а Торонто имаше помош од клупата за победа над Вашингтон визардс со 102:92 и за 4:2 победа во серијата во „Капитал уан“ арената. Репторси, кои се први носители на Истокот, ќе играат со подобриот од дуелот Кливленд-Индијана.
Демар Дерозан имаше 16 поени, а Јонас Валанчиунас 14 поени и 12 скока за Торонто да стигне до единствената гостинска победа, додека за Визардс, Бредли Бил имаше 32 поени.
Вториот дуел на Истокот е израмнет, откако Индијана пејсерс со 121:87 ги „растурија“ Кливленд за израмнување на 3:3. Виктор Оладипо имаше 28 поени, 13 скока и 10 асистенции за да обезбеди „мајсторка“ во Кливленд.
НБА ПЛЕЈ-ОФ
(4:2) Јута – Оклахома сити 96:91
(2:4) Вашингтон – Торонто 92:102
(3:3) Индијана – Кливленд 121:87
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Брајтон платија 35 милиони за 18-годишниот Костулос

Англискиот фудбалски клуб Брајтон го договори трансферот на 18-годишниот напаѓач на Олимпијакос, Хараламбос Костулос за 35 милиони евра.
Костулас во четвртокот помина медицински прегледи и се очекува да потпише петгодишен договор што ќе стапи на сила на 1 јули, објави Би-Би-Си.
Овој трансфер го сруши претходниот рекорд за износот на надоместокот што еден грчки клуб го доби за својот играч, кој го држеше Олимпијакос кога Вулверхемптон плати 16,6 милиони фунти за Даниел Поденс во 2020 година.
Костулас, кој игра за младинската репрезентација на Грција (до 21 година), го имаше своето деби за првиот тим на Олимпијакос во 2024 година, откако помина низ младинската академија на клубот од Пиреја.
Минатата година, тој беше стандарден првотимец во тимот на Олимпијакос кој ја освои престижната младинска Лига на шампиони на УЕФА, победувајќи ги Интер и Баерн на патот до финалето, а во мечот за титулата го совладаа Милан.
Во текот на последната сезона во грчкото првенство, тој постигна седум гола во 22 лигашки натпревари.
Спорт
Тудор го потпиша договорот со Јувентус

Игор Тудор го потпиша новиот договор со Јувентус. Хрватот успеа да избори пласман во Лигата на шампуионите, што беше единствената цел кога го презеде тимот од Тијаго Моа.
Тудор потпиша договор со Јувентус до 2027 година. Но, со опција за продолжување за уште една година.
Игор Тудор е поранешен играч великанот од Торино, во минатото тој беше на клупата, но како помошник на Андреа Пирло.
Останува надежта дека со Тудор ќе се обезбеди некаков вид стабилност, со оглед на тоа што Јувентус смени четири тренери во претходните шест години.
Спорт
Севилја има нов тренер

Аргентинскиот тренер Матијас Алмеида е новиот шеф на стручниот штаб на фудбалскиот клуб Севилја.
Клубот од Андалузија минува низ турбелентен период. Смени седум тренери за три години, а тоа се одрази и на резултатите, бидејќи во тие три сезони, Севиља не беше пласирана подобро од 12-то место, а минатата сезона на две кола пред крајот обезбеди опстанок.
Затоа, не е ни чудо што клубот се одлучи за нов тренер, за Аргентинецот Матијас Алмеида. Еден од најдобрите задни играчи за врска во еден период, кој во богата кариера играше за шампионите Лацио, Парма, Интер, а европската кариера ја започна во Севилја.
Ученикот на Даниел Пасарела ја започна својата тренерска кариера каде што ја започна и заврши својата кариера како игра, во Ривер Плата.
Во меѓувреме, тој ги водеше Банфилд, Гвадалахара, Сан Хозе, а последните три години беше на клупата на АЕК, со кој ја освои двојната круна веќе во првата сезона