Спорт
Нелсон: Кро Кап изгледа најде подобри дроги
Пред мега-мечот меѓу Мирко Филиповиќ и Рој Нелсон, Американецот не го штедеше својот хрватски ривал.
Нелсон во 2011 година го нокаутираше Кро Кап, а Хрватот ќе добие шанса за реванш на 25 мај на „Вембли“, и „Биг Кантри“ вели дека бил изненаден што го „…


Пред мега-мечот меѓу Мирко Филиповиќ и Рој Нелсон, Американецот не го штедеше својот хрватски ривал.
Нелсон во 2011 година го нокаутираше Кро Кап, а Хрватот ќе добие шанса за реванш на 25 мај на „Вембли“, и „Биг Кантри“ вели дека бил изненаден што го „извадиле Филиповиќ од нафталин“, а мораше да го „пецне“ и за двегодишната допинг-суспензија.
„Се изненадив когам и кажаа дека ќе се борам со Кро Кап, но јас никогаш не одбивам борба. Секогаш барам реванш, но иако не добив во мојата кариера, добро што на некој друг ќе му дадам шанса. Дефинитивно Кро Кап напредуваше последните години, најверојатно бидејќи најде подобри суплементи. Во целата моја кариера единствена причина зошто некој сакаше да се бори со мене, беше поради тоа што веруваа дека имаат шанса, или беа на нешто. Но, тоа не е мој проблем“, вели Нелсон.
Кро Кап одговори преку Фејсбук.
„Драги Рој, не мораш да се грижиш за стимулансите. Единствениот ‘посебен додаток’ ми се два тешки и крвави тренинзи секој ден. Така пет дена во неделата. Ќе бидам тестиран, како и сите други пред борбата и по борбата. Подобро барам некој друг изговор откако ќе го претепам тоа безобразно дупе. И дај те молам, обричи ја таа одвратна брада, изгледај како професионалец со минимум почит“, напиша Филиповиќ.
Нелсон не застана тука, и одговори преку видео на Инстаграм.
„Еве се подготвувам за допинг-тест, бидејќи, знаете, некои луѓе не користат допинг“, изјави Нелсон, по што објави и фотографија под која напиша „Величенствена брада и грива“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Тројца фудбалери ги кочат трансфер активностите на Јувентус

Славниот клуб од Торино, Јувентус, не може да продолжи со активностите во преодниот рок сè додека не се отпушти тројцата фудбалери.
Даглас Луис, Тимоти Веа и Душан Влаховиќ се на листата за заминување, објавува „Газета дело Спорт“.
Српскиот напаѓач е на листата на желби на Милан, но сè уште нема конкретни чекори во врска со неговиот трансфер. И 25-годишниот централен напаѓач не брза, верува дека ќе се појави вистинската опција. Најголемиот проблем претставува платата која во наредната сезона ќе му припадне на Влаховиќ. Станува збор за сума од 12 милиони евра, ниту еден клуб не може да му понуди толкава плата.
Тимоти Веа сака да се пресели во Марсеј. Олимпик понуди 15.000.000 евра, Јувентус, бара најмалку 20 милиони за реализација на трансферот.
И Даглас Луис има амбиција повторно да се обиде во Премиер лигата. Фенербахче неодамна се распрашуваше за него, но играчот од средниот ред ја одби можноста да оди во Турција. Во исто време, тој не се појави на почетокот на подготовките, но во меѓувреме им се придружи на своите соиграчи.
Медиумите шпекулираат дека Јувентус му го понудил Бразилецот на Њукасл во замена за Сандро Тонали.
Фото/ Принскрин
Спорт
Манчестер јунајтед заинтересиран за Воткинс и Шешко

Манчестер јунајтед, откако ги засили крилните позиции во нападот со Матеуш Куња и Брајан Мбуемо, се пушти во потрага по класична „деветкс“. Клубот ќе се фокусира на ѕвездите на Астон Вила и Лајпциг, репрезентативците на Англија и Словенија, Оли Воткинс и Бенјамин Шешко.
Британските медиуми истакнуваат дека Воткинс и Шешко се на врвот на листата на желби на „Црвените ѓаволи“, доколку клубот од „Олд Трафорд“ одлучи да доведе напаѓач во летниот преоден рок.
Се наведува и дека челниците на Манчестер јунајтед се согласуваат дека клубот мора да се ослободи од неколку играчи, но се додава дека тоа можеби нема да се случи пред крајот на преодниот рок на 1 септември.
Астон Вила бара 60 милиони фунти за Воткинс, што е премногу за Манчестер јунајтед. Воткинс има договор со клубот од Бирмингем до 2028 година.
Би-Би-Си објави дека бројни европски клубови се заинтересирани за Шешко. Шешко одигра 45 натпревари во сите натпреварувања за Лајпциг минатата сезона и постигна 21 гол. Се претпоставува дека Лајпциг за него бара помеѓу 70 и 75 милиони евра.
Фото/ Принскрин
Спорт
Милосављев од наредната сезона се сели во Кјелце
Голманот на германскиот првак, Фуксе Берлин, Дејан Милосављев, по истекот на договорот ќе се пресели во Полска. Од сезоната 2026/2027, поранешниот голман на Вардар ќе ги брани боите на Кјелце.
Како што пишува „handball-planet.com“, новиот клуб на српскиот голман, повторно гради силен тим, но во тој тим веројатно ќе го нема семејството Душебајев. Алекс и Даниел и нивниот татко Талант се на мета на Кил.
Милосављев е во Берлин од 2019 година, дојде во тимот откако ја освои европската титула со Вардар.
Минатата сезона, „Лисиците“ го продолжија договорот со првата ѕвезда на тимот, Матијас Гидсел, до 2029 година, и се чини дека во буџетот немаат доволно пари за да го продолжат договорот и со голманот.
Кјелце е во пад со години, по два настапи во финалето на Лигата на шампионите, сезоната пред минатата беше елиминиран во четвртфиналето, а претходната сезона веќе во првата нокаут рунда.
Веќе две години, тимот на Талант Дујшебаев го губи приматот во Полска од Висла од Плоцк. Ова лето, најголемото засилување е словенечкиот ас Алекс Влах од Алборг. Хрватскиот репрезентативец Лука Ловре Кларица, десен бек на Загреб, заедно со Милосављев, ќе пристигне следното лето.
Foto/ EPA