Спорт
Нема „копи-пејст“ за Рома, Ливерпул ќе се надигрува со Реал за европскиот трон (видео)
Ливерпул на 26 мај ќе се судри со Реал Мадрид за титулата во Лигата на шампиони на УЕФА, пресметка на два гиганти на европскиот фудбал, откако „Црвените“ не дозволија сензација на гостувањето кај Рома на „Олимпико“, губејќи со 4:2, за со домашната побе…
Ливерпул на 26 мај ќе се судри со Реал Мадрид за титулата во Лигата на шампиони на УЕФА, пресметка на два гиганти на европскиот фудбал, откако „Црвените“ не дозволија сензација на гостувањето кај Рома на „Олимпико“, губејќи со 4:2, за со домашната победа од 5:2 да одат во финалето во Киев.
Ова е прво поголемо остварување на Јирген Клоп на клупата на Ливерпул, и славниот тим од „Енфилд“ ќе има шанса да се бори за најголемата клупска титула на светот која по шести пат треба да заврши во халата на славните во Ливерпул. Мечот во Киев ќе биде осмо финале од ЛШ/Купот на шампиони за „Црвените“, откако го загубија последното пред 11 години од Милан.
Од друга страна ќе биде моќниот Реал Мадрид, кој го посвети целиот фокус оваа сезона на натпреварувањето, елиминирајќи ги ПСЖ, Јувентус и Баерн Минхен за да имаат шанса да се борат за 13-та титула во Европа.
Пред натпреварот, тренерот на Рома, Еузебио ди Франческо изјави дека би сакал како на компјутер да направи „копи-пејст“ на реваншот во четврт-финалето против Барселона, кога Рома надополни 4:1 негатива со 3:0 победа. Меѓутоа, „волчицата“ реално беше далеку од овој подвиг, посебно против Ливерпул, кој ги искористи сите свои шанси во нападот.
Садио Мане по само девет минути игра ги замолче навивачите на Рома, но надежта се врати шест минути подоцна кога Милнер се постигна комичен автогол. Георгино Вајналдум во 26. минута донесе водство за „Црвените“.
Надежите не умреа лесно во Рим, откако Един Џеко во 52. минута израмни на 2:2, по што следуваа бранови напад на италијанскиот тим, кои не вродија со плод. Раџа Наинголан во 86. минута обезбеди Рома да се збогува од ЛШ со победа, а во последните секунди од мечот Рома да зголеми на 4:2 преку пенал повторно од Наинголан.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јунајтед стави 11 играчи на трансфер листата
Манчестер Јунајтед игра уште една лоша. Поради тоа Сер Џим Ретклиф и останатите челници на „црвените ѓаволи“ донеле радикална одлука, во летниот преоден рок на продажба ќе биде половина од тимот.
Шестото место, 53 бодови и 24 бодови зад лидерот Арсенал по 33 одиграни натпревари сигурно никого не задоволува на „Олд Трафорд“.
Покрај тоа, клубот го загуби финалето на Лига купот и заврши на четвртото место во групата на Лигата на шампионите во конкуренција на Баерн, Копенхаген и Галатасарај.
Пред неколку дена Манчестер Јунајтед на „мускули“, по изведувањето пенали го елиминираше Ковентри во полуфиналето на ФА Купот. За трофејот ќе игра против Манчестер Сити на 25 мај на Вембли.
Поради тоа во клубот донеле радикална одлука. 11 играчи ќе бидат ставени на трансфер листата и ќе можат да го напуштат клубот во летниот преоден рок.
На списокот има Во него има неколку звучни имиња:
Арон Ван-Бисака
Виктор Линделоф
Хари Мегваер
Рафаел Варан
Касемиро
Кристијан Ериксен
Антони
Дони Ван де Бек
Џејдон Санчо
Ентони Марсијал
Маркус Рашфорд
Спорт
Судењето на Манчестер Сити ќе започне во „блиска иднина“
Првиот човек на Премиер лигата, Ричард Мастерс, изјави дека „во блиска иднина ќе се одржи рочиште за случајот со Манчестер Сити по сите 115 точки“.
Бен Рамсби, истражувачки новинар на англиски Телеграф, ја објави веста на својот профил на мрежата „Х“.
Со коментар дека „ова е најблиску до кое Мастерс дошол да спомне конкретен датум“.
Некои информации кои се појавија во јавноста на крајот на минатата година укажуваа дека судењето би можело да започне есента 2024 година.
Сити е обвинет по 115 точки од обвинението за повеќекратни финансиски прекршоци. Истрагата започна уште во 2018 година и продолжи до почетокот на 2023 година, а беа проверени и одлуките и работењето на клубот од сезоната 2009/10.
Што значи тоа „во блиска иднина“ останува да видиме. Судењето веќе е одложено поради откривање на нови докази и сведоци подготвени да сведочат.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.