Спорт
Непалецот Ками Рита по 30-ти пат се искачи на врвот на Еверест соборувајќи го светскиот рекорд

Планинарот од Непал, Шерпа Ками Рита, по 30-ти пат го достигна врвот на Еверест, соборувајќи го сопствениот рекорд за искачување на највисоката планина на светот, објави организаторот на неговата експедиција.
„Ками Рита го достигна врвот утрово. Тој постави нов рекорд од 30 искачувања на Еверест“, изјави за AFP Шерпа Мингма од Seven Summit Treks.
Планински водич повеќе од 20 години, Ками Рита првпат се искачи на врвот Еверест, на височина од 8.849 метри, во 1994 година. Тогаш тоа беше комерцијална експедиција. Оттогаш речиси секоја година се искачува на највисоката планина во светот, а ги предводи клиентите.
„Среќен сум со овој рекорд, но на крајот рекордите се срушени“, изјави Ками Рита за AFP на 12 мај, откако по 29-ти пат стигна до врвот на Еверест.
„Фактот што моите искачувања му помагаат на Непал да биде препознаен во светот ме прави уште посреќен“, рече тој.
Во 2023 година, двапати се искачи на врвот на Еверест, секој пат поставувајќи нов рекорд откако беше престигнат од друг водич, Пасанг Дава. Самиот Ками Рита изјави дека само „работи“ и дека немал цел да поставува рекорди. Непалецот во својата колекција има уште неколку врвови над 8.000 метри, вклучувајќи го и К2 во Пакистан, втората највисока планина во светот.
Оваа година Непал издаде 419 дозволи за искачување на Еверест во пролетната сезона на искачување, која трае од април до почетокот на јуни. Повеќето планинари се искачуваат со непалски водич. Се очекува повеќе од 800 луѓе да се справат со Еверест во текот на сезоната.
Осум од десетте највисоки планини на планетата се наоѓаат во Непал, кој секоја пролет е домаќин на стотици авантуристи, кога условите се поповолни. Во 2023 година, повеќе од 600 алпинисти стигнаа до врвот на Еверест, со рекордни 18 смртни случаи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Македонија У21 и со играч повеќе загуби од Италија

Foto/ EPA/GEORGI LICOVSKI
Фудбалската репрезентација на Македонија, играчи до 21 година, загуби од Италија со 0:1, во квалификациите за пласман на Европското првенство.
Младите македонски фудбалери не успеаја да го избегнат поразот во Битола и покрај тоа што 65 минути имаа играч повеќе на теренот.
Италија остана со фудбалер помалку во 25.минута кога вториот жолт картон го доби Моруци. Десет минути подоцна, младите италијански фудбалери постигнаа гол.
Стрелец беше фудбалерот на шампионот Наполи, Маријанучи.
Во Е групата по две кола, лидерите се Полска и Италија со по шест бода, Македонија е претпоследна без освоен бод.
!function(r,u,m,b,l,e){r._Rumble=b,r[b]||(r[b]=function(){(r[b]._=r[b]._||[]).push(arguments);if(r[b]._.length==1){l=u.createElement(m),e=u.getElementsByTagName(m)[0],l.async=1,l.src=”https://rumble.com/embedJS/u4″+(arguments[1].video?’.’+arguments[1].video:”)+”/?url=”+encodeURIComponent(location.href)+”&args=”+encodeURIComponent(JSON.stringify([].slice.apply(arguments))),e.parentNode.insertBefore(l,e)}})}(window, document, “script”, “Rumble”);
Rumble(“play”, {“video”:”v6wihry”,”div”:”rumble_v6wihry”});
Спорт
Трипл-дабл на Шенгун, Турција се пласира во полуфиналето

Турската репрезентација ја победи Полска во првиот четвртфинален натпревар од Европското првенство во кошарка со 91:77.
Во полуфиналето, Турција ќе игра против победникот од натпреварот помеѓу Литванија и Грција, кој е на програмата од 20:00 часот.
Победничкиот тим го предводеше Алперен Шенгун.
Центарот на Хјустон Рокетс постигна голем успех: го забележа шестиот трипл-дабл во историјата на Евробаскетот, го заврши натпреварот со 15 поени, 11 скока и 10 асистенции.
Дфцифрене ефект кај Турците имаа и Шејн Ларкин (13 поени, 5 скока), Шехмуз Хазер (13 поени) и Ерџан Османи и Џеди Осман, кои го завршија натпреварот со по 10 оени.
Кај Полска се истакнаа Матеуш Понитка (19 поени, 5 скока, 6 асистенции) и Џордан Лојд (19 поени, 3 скока).
Михал Соколовски го заврши натпреварот со 13 поени и 3 асистенции, а Александар Дзиева со 11 поени.
Турција клучната предност ја стекна во втората четвртина која ја доби со 27:13, откако по првиот период беше 19:19. Во последната четвртина Турција водеше и со 21 поен, но Полјаците успеаја да намалат на осум разлика, тој налет на Послка Турција го одби со две тројки.
Foto/ EPA
Спорт
Исак за трансферот во Ливерпул: Не знате што сè се случуваше

Фудбалерот на Ливерпул, Александар Исак, изјави дека е среќен што го засилил шампионот на Англија по долгата сага, но дека медиумите и навивачите не знаат што се се случувало.
За Швеѓанецот, сагата успешно заврши, откако го уцени клубот. Њукасл неволно, но сепак, ја послуша неговата желба да се пресели на Енфилд.
Замените пристигнаа на „Сент Џејмс Парк“, тоа се Јоан Виса од Брентфорд и фудбалерот на Штутгарт, Ник Валтемаде, а Исак беше претставен како нов член на „Црвените“ на последниот ден од преодниот рок.
По шокантниот пораз на Шведска од Косово, 25-годишникот за прв пат проговори за околностите на трансферот.
Исак одби да игра за Њукасл во предсезоната и на почетокот на новата сезона.
Напаѓачот влезе од клупата во второто полувреме од поразот на Шведска од Косово со 2-0 во квалификациите за Светското првенство во Приштина. Исак го замени играчот на Њукасл, Ентони Еланга, кон крајот на натпреварот кога Шведска губеше со два гола.
„Не се позанти сите околности, но тоа е тема за друг ден“, изјави Исак за шведските медиуми и додаде:
„Не можам да контролирам сè што е кажано или напишано. Но, среќен сум што станав играч на Ливерпул.“
За време на поразот во Приштина, Исак упати три удари, два кон голот и доби жолт картон.
Швајцарија е прва во групата, Косово е на второто, а Шведска на третата позиција.
Foto/ EPA