Спорт
Ниту Бразил не стартуваше со победа, цврстата Швајцарија како „столб“ (видео)
По ремито на Шпанија и Аргентина, и поразот за Германија, уште еден фаворит за освојување на титулата во Русија не успеа да го стартува Мундијалот со победа. Бразил беше задржан од цврстата Швајцарија за само 1:1 по 90 минути на стадионот во Ростов.
Шв…


По ремито на Шпанија и Аргентина, и поразот за Германија, уште еден фаворит за освојување на титулата во Русија не успеа да го стартува Мундијалот со победа. Бразил беше задржан од цврстата Швајцарија за само 1:1 по 90 минути на стадионот во Ростов.
Швајцарците од почетокот на мечот го имаа на „мета“ Нејмар, не дозволувајќи му на најскапиот фудбалер на светот да се разигра со повеќе фаули уште во првите 10 минути.
Во 11. минута, Нејмар го проигра Паулињо, кој лошо реагираше во сигурна шанса за гол. Габриел Жесус во 17. минута се закани, но Зомер беше сигурен на голот, пред во 20. минута, Филипе Кутињо да прати вистинска „бомба“ од 20-тина метри и да донесе водство за „селесао“ со еден од најубавите голови досега на Мундијалот.
first official #WorldCup goal for Philippe Coutinho. pic.twitter.com/xjLRwZpMvx
— HargraveConsulting (@HargraveGlobal) June 17, 2018
До крајот на полувремето, Бразилците малку го намалија притисокот, иако Тијаго Силва со глава се закани во 47. минута.
Само што почна второто полувреме, Швајцарците покажаа зошто се шесторангирана репрезентација на светот, откако по корнерот на Шаќири, Цубер прво го истурка Миранда а потоа со глава го совлада Алисон. И покрај протестите на Бразилците, голот беше признат.
GOAL!!! ⚽ #SUI are back on level terms thanks to a header from Zuber! #BRASUI #WorldCup pic.twitter.com/mkLXVRfFzp
— TheSportMatrix ?? ? (@TheSportMatrix) June 17, 2018
Во 70. минута Нејмар прати одлична топка до Кутињо, кој веднаш се ослободи од Лихтштајнер, пред да шутира покрај голот. Јужноамериканските фаворити постојано беа во напад во последните 20-тина минути од мечот, но без многу вистински шанси. Роберто Фирмино и Фернандињо од клупата се обидоа да внесат мала свежост, но и тоа беше недоволно.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
ВИДЕО: Романците во последниот напад ја скршија Австрија, победи за Данска, Полска и за Хрватска

Романија го одржа чекорот во трката за баражот за второто место откако на домашен терен ја совлада Австрија со 1-0. Херој на мечот беше Вирџил Гита, кој постигна гол во 95-тата минута, само дваесетина минути откако влезе како замена, донесувајќи значаен триумф за својот тим.
VIRGIL GHITA 🇷🇴🇷🇴🇷🇴🇷🇴🇷🇴🇷🇴
GOOOOOOL ROMANIAAAAA BUZZER BEATER, ASSIST IANIS HAGI
LOCKED IN, CALIFICAREA SE JOACApic.twitter.com/Kmwb0rgdLB
— Foot Roumain 🇷🇴 (@FootRoumain) October 12, 2025
Данска ја реши Грција уште во првото полувреме, славејќи со 3-1. Расмус Хојлунд отвори резултат во 21. минута, а потоа погодоците ги постигнаа Андерсен и Дамсгард. Грците успеаја да постигнат само почесен гол преку Христос Цолис во второто полувреме.</p
>Полска запиша гостинска победа над Литванија со 0-2. Шимански го отвори резултатот уште во 15. минута, а Роберт Левандовски ја потврди победата со погодок во 64. минута.
Хрватска очекувано го победи Гибралтар со 3-0. Деби голот на Фрук донесе предност, а иако Ловро Мајер промаши пенал, Сучиќ и Ерлиќ се погрижија за убедлив триумф на „коцкестите“.
Спорт
Данев: После Ерменија, да jа победиме и Црна Гора

Македонската фудбалска репрезентација до 21 година е во ек на подготовките за новиот квалификациски предизвик, наречен гостински дуел против Црна Гора. По стартните порази од Полска и Италија, Македонија во Битола ја победи Ерменија со 2-1 и ги освои првите бодови во овој квалификациски циклус.
Тоа секако дека е добар знак со оглед на лошиот старт на квалификациите, но ништо не е загубено има уште многу бодови на располагање кои треба да се освојат.
„Триумфот против Ерменија пред домашната публика ни даде „ветар во грб“ што се вели. Победата е во вистински момент, на најдобар начин пред наша публика. Атмосферата сега ни е на највисоко ниво. Нема потреба од еуфорија во нашиот табор, туку сосема спротивно. Концентрирано и одговорно одиме во Црна Гора да одиграме уште еден дуел и да освоиме нови бодови. Што се однесува до противникот, се работи за добар состав, кој како и секој друг ривал има позитивни но и негативни страни. Наше е да ги поправиме техничките грешки во нашата игра, да го подигнеме нивото на уште едно скалило и нормално да ги освоиме бодовите кои ќе ни дадат уште поголем стимул и подобра позиција во овие квалификации“, изјави Димитар Данев за сајтот на ФФМ.
Спорт
Левандовски заминува од Барселона по завршувањето на сезоната

Роберт Левандовски ќе ја напушти Барселона по крајот на оваа сезона, открива каталонски „Спорт“. 37-годишниот полски напаѓач оваа сезона во Ла Лига има седум настапи и четири голови, но сѐ почесто се наоѓа на клупата поради фаворизирањето на Феран Торес.
Во Барселона веќе се разгледуваат потенцијални наследници, а најчесто споменуван е 21-годишниот Карл Ета Ејонг од Леванте.
Левандовски пристигна во Барселона во 2022 година, по одличните настапи во Борусија Дортмунд и Баерн Минхен, со кој во 2020 година освои тројна круна под водство на сегашниот тренер на Барса, Ханси Флик.