Спорт
Нов тркачки викенд на Twingo Cup на Гробник со рекорден број возачи
На патеката Гробник крај Риека лани за првпат македонски возач победи во генерален пласман на CEZ, а викендов ќе биде место на уште еден дуел на македонските „мајстори на четири тркала“ кои се дел од Twingo Cup. Со најголем број пријавени возачи, 38 од шест држави, меѓу кои и деветмина Македонци ќе се возат следните две трки од третиот тркачки викенд сезонава.
Во Хрватска викендов ќе дебитира и Бојан Костовски кој првпат седнува во седиштето на Twingo и ќе се обиде да го стигне па дури и да биде подобар од неговиот брат Мартин Костовски, ланскиот вицепрвак во Twingo Cup.
Со двете трки викендов ќе се означи половина од сезоната во која со поддршка на Automotive Group и АКК Реноспорт првпат на вакви трки учествуваат и возачи од Македонија. Покрај деветтемина Македонци кои ќе возат, има и возачи од Словенија, Италија, Србија, Чешка и од Австрија. Покрај за Twingo Cup истите трки ќе се бодуваат и за FIA CEZ првенството, и за националните првенства на Словенија и на Македонија.
За третиот тркачки викенд на Twingo Eurocup, планиран за сабота и недела каде треба да се возат две трки, пријавени се 38 возачи што е најмногу дсосега. Постои можност на стартот да се појави уште едно возило бидејќи тоа е максималниот број на натпреварувачи. Гробник е првата вистинска тркачка патека на просторите на бивша СФРЈ каде од 1978 година се одржуваат најразлични тркачки манифестации. Патеката е долга 4168 метри и има 18 свиоци.
Лани имаше два тркачки викенди на Гробник на кои се возеше Twingo Cup, и четири трки на кои по двапати победија Давид Малинковски и Марко Блажевски. На последната трка на сезоната Марко Блажевски триумфираше и во генерален пласман, а зад него беше Давид Малинковски, што беше најголем успех на македонските возачи во Twingo Cup дотогаш.
Тие двајца и сезонава се вбројуваат меѓу најсериозните кандидати за победи. Со двете победи во Австрија, Марко Блажевски го презеде лидерското место во генерален пласман во првенството на Македонија и води со 55 бода, пред Давид Малинковски кој има 50 бодови и една победа, во Унгарија. Од третото до петтото место се Владимир Тренески (41 бод), Слободан Трајковски (40 бода) и Ангелче Стојковски (38 бода). На четирите трки досега сезонава имаше тројца различни победници во првенството на Македонија: Владимир Тренески, Давид Малинковски и Марко Блажевски.
На Гробник се враќа и Мурис Хамзиќ кој претходно ја прескокна трката во Австрија, а во Унгарија на стартот двапати беше осмопласиран. Младиот Бојан Костовски ќе го вози автомобилот на Ненад Костовски, кој возеше и во претходните две сезони, и по две трки сезонава поради големи обврски реши да се повлече од трките.
Покрај стандардно пријавените возачи од Словенија и до Македонија, кои ги има во најголем број на Гробник ќе се појават и повеќемина натпреварувачи од Италија, Австрија, Србија, Чешка. Во петок изутрина се квалификациите. Првата трка е во сабота наутро од 11,45 часот, додека втората во недела во 17,20 часот.
Ова е трета сезона од Twingo Cup што се бодува за првенството на Македонија, а севкупниот победник како награда ќе го добие електричното возило Renault Twizzy.
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Де Хеа фати два пенали, Мањан еден – Фиорентина го победи Милан
Фиорентина го победи Милан со 2:1 во неверојатен натпревар, кој ќе се паменти по три одбранети пенали, два во првиот дел и еден на почетокот на вториот дел.
Првиот пенал го одбрани голманот на гостите Мајк Мањан, другите два домашниот голман и Давид Де Хеа.
Во 20. минута, судијата Лука Паирето доби повик од ВАР собата поради спорна ситуација на работ од шеснаесетникот во која беа вклучени Додо од Фиорентина и играчот на Милан, Тео Ернандез.
Пеналот го изведе Мојс Кин, но Мањан излезе како победник, тој фати „жива топка“.
„Виолетовите“ тогаш не постигнаа гол, но постигнаа во 35. минута, а стрелец беше Јасин Адли, фудбалер на Милан испратен во Фиорентина на позајмица.
Екипата на Милан имаше одлична можност да израмни во судиското надополнување на првото полувреме, но Давид Де Хеа успеа да го „прочита“ Тео Хернадес и да го одбрани пеналот.
Во 56. минута нов подвиг на Де Хеа, му одбрани пенал на Тејми Ејбрахам.
Сепак, само четири минути подоцна не можеше ништо: Тео Ернандез асистираше, Кристијан Пулишиќ елегантно ја испрати зад грбот на Де Хеа за 1:1.
Во меѓувреме и двете екипи создадоа неколку добри ситуации, а во 73. минута Алберт Гудмундсон со прецизен удар повторно ја доведе Фиорентина во водство.
Натпреварот беше тензичен, во 85. минута црвен картон доби тренерот на Фиорнетина, Рафаеле Паладино, а на крајот црвендоби и капитенот на Милан, Тео Ернандез.
Милан по поразот е шести на табелата со 11 бодови, Фиорентина е на 11. место со бод помалку.
Во следното коло Фиорентина оди кај Леге, додека Милан го пречекува Удинезе.
Спорт
(Видео) Сомнителен пенал го реши дерби Севилјано
Фудбалерите на Севилја славеа против Бетис во градското дерби со 1:0,
Севилја, со денешниот триумф се изедначи со Бетис, двата тима имаат по 12 бода, колку што има и Селта. Овие три тима се на делба од деветтата до 12.позиција.
Домашните први постигнаа гол во 10. минута, но Ејуке беше во недозволена позиција, па голот беше поништен.
На другата страна, голема шанса пропушти Витор Роке кога неговиот удар со глава успеа да го одбрани Ниланд.
Во средината на првиот дел од играта се обиде и Лукебакио од далечина кога Силва одлично реагираше, а до одморот немаше промена на резултатот.
Почетокот на вториот дел го донесе клучниот момент на натпреварот. Диего Љоренте играше со рака, Севилја доби пенал, а Доди Лукебакио беше сигурен од белата точка во 50. минута од натпреварот.
Пеналот е котраверзен бидејќи топката го погоди Љоренте кога тој беше свртен со грб, на само половина метар беше оддалечен од играчот кој шутираше, раката не беше до телото, но физички не можеше да биде.
По повик од ВАР собата, судијата Хуан Мартинез покажа на белата точка, теоретски имаше основа за пенал, но впечаток е дека сепак одлуката беше престрога.
Главниот судија покажа вкупно десет жолти картони, поради два жолти во финишот на мечот беше исклучен Нијанзу.
Спорт
(Видео) Спектакуларен пресврт на Брајтон против Тотенхем од -:2 до 3:2
Фудбалерите на Брајтон со спектакуларен пресврт славе победа над Тотенхем во 7.коло во Премиер лигата. „Галебите“ губеа на полувреме со 0:2, на крајот славеа победа со 3:2.
Како што покажа резултатото првиот дел апсолутно им припадна на фудбалерите на Тотенхем. Постигнаа два гола преку Џонсон во 23. и Медисон во 37.минута.
Домашните се разбудја во вториот дел и за само 18 минути направиа целосен пресврт. Резултатото го намали Минтех во 48., изедначи Рутер во 58, а целосен пресврт направи Велбек во 66.минута.
Брајтон се шести на табелата со 12 поени, Тотенхем имаат два бода помалку и се на деветтото место.