Спорт
Окон ја реши трката во Бразил, победи Хамилтон (Видео)
Шампионот Луис Хамилтон е победник на трката за Големата награда на Бразил, на патеката „Интерлагос“. Место на победничкиот пиедестал покрај Хамилтон си обезбедија Макс Ферстапен (Ред Бул) и Кими Раиконен (Ферари). Трката ја реши Естебан Окон кој го сп…
Шампионот Луис Хамилтон е победник на трката за Големата награда на Бразил, на патеката „Интерлагос“. Место на победничкиот пиедестал покрај Хамилтон си обезбедија Макс Ферстапен (Ред Бул) и Кими Раиконен (Ферари). Трката ја реши Естебан Окон кој го спречи Ферстапен да дојде до триумф.
Хамилтон победи меѓутоа возач на денот е Ферстапен кој возеше брилијанта трка, успеа да ги мине двата болиди на Мерцедес и Ферари, а кога успеа да се „одлепи“ од Хамилтон, Окон го исфрли од патеката.
Возачот на Форс Индија, беше премногу агресивен во дуелот со лидерот Ферстапен, во ситуација кога возачот на Ред Бул се обидуваше да го мине за цел круг.
Lap 44, Max is leading the race, then this… #BrazilGP ?? #F1 (Sound ?) pic.twitter.com/FhMgkehVtG
— Formula 1 (@F1) November 11, 2018
Окон доби казна од 10 секунди во боксот, а по завршувањето на трката Ферстапен се обиде физички да се пресмета со него, меѓутоа инцидентот беше спречен.
Video #Verstappen vs #Ocon at Paddock post race #BrazilGP
Verstappen pushes Ocon during the drivers weight#fightclub #lol#f1#FIA pic.twitter.com/1jxvPK7YaC— Antonio Paludo Palux (@Pal_ux) November 11, 2018
Зад најдобрите тројца следуваа Даниел Рикардо (Ред Бул), Валтери Ботас (Мерцедес), Себастијан Фетел (Ферари) кој возеше лоша трка.
Your provisional classification from a chaotic race at @InterlagosTrack!#BrazilGP ?? #F1 pic.twitter.com/cJ7xSMW89X
— Formula 1 (@F1) November 11, 2018
Првото место на Хамилтон (негова 72 победа во кариерата) и петтото на Ботас на Мерцедес му ја обезбедија титулата меѓу конструкторите.
Шампионатот на Формула 1 ќе заврши на 25.ноември во Абу Даби.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.