Спорт
Официјално: Венсан Компани е нов тренер на Баерн

Венсан Компани, поранешниот менаџер на англискиот премиерлигаш Барнли, е назначен за нов тренер на Баерн Минхен.
Договорот со 38-годишниот Белгиец е потпишан на три години, до летото 2027 година.
Компани го наследи Томас Тухел, со кого Баерн заврши на третото место во Бундеслигата. За прв пат по 12 години, славниот клуб од Минхен не освои ниту еден трофеј во сезоната.
🗨️ Vincent Kompany: “Ich freue mich auf die Herausforderung FC Bayern. Es ist eine große Ehre, für diesen Club tätig sein zu dürfen – der FC Bayern ist eine Institution im internationalen Fußball.” pic.twitter.com/lJozy9UtPH
— FC Bayern München (@FCBayern) May 29, 2024
„Се радувам на предизвикот во Баерн. За мене е голема чест што го претставувам овој клуб – Баерн е институција на светскиот фудбал“, изјави Венсан Компани по повод именувањето.
Компани го донесе Барнли во Премиер лигата пред една година, но оваа сезона тие завршија на 19-то место и испаднаа. Белгиецот претходно беше тренер на Андерлехт.
„Сакам кога мојот тим ја има топката, кога е креативен, но мораме да бидеме агресивни и храбри на теренот. Се радувам за работата со играчите и процесот на градење на тимот. Кога има основа, доаѓа успехот“, изјави Компани за официјалниот сајт на Баерн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Капитенот потврди дека ќе го напушти Леверкузен

Фудбалерот на Баер Леверкузен, Џонатан Та изјави дека на крајот на сезоната ќе го напушти клубот од Леверкузен, пренесува германски „Кикер“.
Та го потврди пишувањето на одредени германски медиуми дека нема да ја продолжи соработката со клубот од Леверкузен. Тој има договор со Баер до 30 јуни годинава.
„Се беше јасно од самиот почеток. Во еден момент донесов одлука да не го продолжам договорот и да не останам во Леверкузен“, изјави фудбалерот на Баер.
Та (29) е член на Баер Леверкузен од 2015 година, а претходно настапуваше за Фортуна Дизелдорф и Хамбургер. За клубот од Леверкузен одигра 397 натпревари и постигна 17 голови. Со Баер освои три трофеи.
За германската репрезентација одигра 35 натпревари.
Се шпекулира дека интерес за него покажале шпанските великани Барселона и Реал Мадрид.
Спорт
Ширер: Кога го гледам Хојлунд, гледам оштетен напаѓач

Легендарниот англиски фудбалер Алан Ширер остро го критикуваше напаѓачот на Манчестер јунајтед, Расмус Хојлунд.
Екипата на Манчестер јунајтед не успеа да го победи Вулверхемптон во Премиер лигата, по епскиот пресврт против Лион во Лигата на Европа, со резултат 5:4.
Избраниците на Рубен Аморим не блескаа на овој меч, а доказ за тоа е фактот што во текот на целиот меч упатија само два удари кон голот, па гостите немаа проблем да ја зачуваат мрежата на „Олд Трафорд“.
„Кога го гледам Хојлунд, гледам оштетен напаѓач. Мислам дека не беше и не е подготвен да го води нападот во клуб каков што е Манчестер јунајтед. Три гола во Премиер лигата, во моментов гледам играч кој навистина не сака да учествува. Неговиот тајминг е целосно погрешен, нема сомнеж дека страда од криза на самодоверба”, истакна најдобриот стрелец во историјата на Премиер лигата.
Данскиот фудбалер е платен дури 74 милиони евра, но моментално не го испроачува она за што е платен.
„Ставен е во исклучително тешка ситуација, но мислам дека во него се крие добар играч. Сепак, големите пари кои се одвоени за него и нереалните барања го ставија под огромен притисок. Тој се уште не е подготвен да го води нападот”.
Спорт
Џеко и Тадиќ ќе го напуштат Фенербахче

Епизодата на Душан Тадиќ и Един Џеко во Фенербахче очигледно е завршена.
Тандемот ветерани на Жозе Мурињо повторно се најде во центарот на трансфер шпекулациите, откако по ремито со Кајзериспор (3:3), Фенер речиси ги загуби шансите за титулата. На шест кола до крајот тимот на Муруњо заостанува пет бода зад лидерот Галатасарај.
Турскиот новинар Бариш Јурдувесен тврди дека знае каде ќе бидат наредната сезона двајцата ветерани.
Според неговите информации, Тадиќ ќе се врати во Ајакс, додека Џеко се сели во Сплит во тимот на Хајдук.
„Не постои силашто ќе ги продолжи договорите на Џеко и Тадиќ. Фенербахче нема ни да седне на маса со двајцата. Јас бев првиот што кажа дека Тадиќ потпиша со Ајакс, па европските медиуми ја искористија веста цитирајќи ме мене и ТРТ Спорт. Сега најавувам дека Џеко потпиша договор со Хадук, исто така мислам дека тој таму има приватен бизнис, мислам дека има хотел“, напиша Јурдувесен на социјалните мрежи.
Двајцата фудбалери оваа сезона одиграа по 48 натпревари. За тоа време Тадиќ собра 13 гола и 18 асистенции, а Џеко 19 гола.