Спорт
Паника во Челси, британската виза на Роман Абрамович не е обновена
Визата за престој во Обединетото Кралство на сопственикот на Челси, Роман Абрамович е истечена и британските власти уште му ја немаат продолжено, тврдат руските медиуми.
Рускиот олигарх, кој е 13. најбогат човек во Велика Британија со вредност од над 9…
Визата за престој во Обединетото Кралство на сопственикот на Челси, Роман Абрамович е истечена и британските власти уште му ја немаат продолжено, тврдат руските медиуми.
Рускиот олигарх, кој е 13. најбогат човек во Велика Британија со вредност од над 9.3 милијарди фунти, според „Сандеј тајмс“, имал бизнис-виза за Обединетото Кралство кое истекла пред неколку недели, а и покрај тоа што има поднесено за нова, не е јасно дали ќе ја добие.
Абрамович не присуствуваше на саботното ФА куп финале на „Вембли“, каде што неговите Челси со 1:0 ги совладаа Манчестер јунајтед.
Односите меѓу Британија и Русија се на најниското можно ниво по обвинувањата за труење на поранешниот двоен агент Сергеј Скрипал во Салисбјури, по што Британците протераа 23 руски дипломати во март. Русија го затвори Британскиот совет во нивната земја и британскиот конзулат во Санкт Петербург.
Абрамович го купи Челси во 2003 година и оттогаш го направи гигант во англискиот фудбал, освојувајќи пет титули во Премиер лигата, како и титулата од Лигата на шампионите во 2012 година.
Русинот има дом од 90 милиони фунти во Кенсингтон палас и е сопственик на „Евраз“, најголемиот руски производител на челик и „Норилск никел“, компанијата за производство на никел. Тој останува во добри односи со Владимир Путин, а беше вклучен во финансирањето на Зимската олимпијада во Сочи во 2014, а едно време делуваше и како гувернер на областа Чукотка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.
Спорт
Гасе нема да остане на клупата на Марсеј
Фудбалскиот клуб Олимпик Марсеј нема намера да го задржи актуелниот тренер Жан-Луј Гасе следната сезона.
Гасе беше донесен за да ја спаси сезоната, откако клубот го отпушти Џенаро Гатузо. Тоа му успеа до одреден степен, но како што стојат работите во клубот не се сигурни дека ќе го задржат следната сезона.
Како што пренесува „Лекип“, претседателот на Марсеј, Пабло Лонгорија тргнал по Паоло Фонсека, кој е прва желба на клубот.
Договорот на Фонсека со Лил истекува на крајот од сезоната, а клубот има намера да му понуди нов.
Марсеј веќе се обиде да го доведе во своите редови минатата сезона, но во последен момент трансферот го спречи претседателот на Лил, Оливие Летанг.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.