Спорт
Постариот до помладиот Ферстапен: Макс треба да го вклучи мозокот
Таткото на Макс Ферстапен, возачот на Ред бул, Јос го посоветува својот син да размислува повнимателно откако неговите активности на првите три трки од сезоната предизвикаа критики од возачите.
20-годишниот Холанѓанец доби казна од 10 секунди на Кинеск…

Таткото на Макс Ферстапен, возачот на Ред бул, Јос го посоветува својот син да размислува повнимателно откако неговите активности на првите три трки од сезоната предизвикаа критики од возачите.
20-годишниот Холанѓанец доби казна од 10 секунди на Кинеското ГП во неделата откако се судри со лидерот во генерален пласман Себастијан Фетел во Ферари извртувајќи ги двата болиди. Покрај тоа, тој имаше и „блиска средба“, втора во две трки, со актуелниот шампион Луис Хамилтон во Мерцедес.
„Беше невозможно да го претекне Фетел таму. Тоа беше погрешна проценка и во некои ситуации Макс едноставно мора да размислува малку повеќе. Не сакам да го смени стилот на возење, бидејќи помина двајца возачи на стартот и тоа го направи совршено. Тоа сакаат сите да го гледаат. Но, такви обиди за претекнување не се за во Ф1. Мора да размислува“, изјави Јос во интервју за холандската ТВ „Зиго“.

Претходно, од Ред бул посочија дека Ферстапен пропушти победа поради тој обид да го претекне Фетел и поранешниот шампион Нико Розберг вели дека критиките не треба да бидат преостри.
„Направи грешка, го собра лидерот во генерален пласман и неговиот колега победи на неверојатен начин. Ова ќе биде тешко научена лекција и еден од тие денови во кои се забележува неговото неискуство. Меѓутоа, тој е неверојатен возач, кој мора да само да ја намали агресијата и да ги покаже другите квалитети. Вака не може да продолжи“, објаснува Розберг.
Фото: ЕПА
Ферстапен: Виновен сум, но нема да бидам „мирен“ возач (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Арсенал остави два бода кај последно пласираниот Вулверхемптон
Лидерот во Премиер лигата, Арсенал, вечерва, остави два бода кај поседно пласираниот Вулверхемптон. „Топџиите“ водеа 2:0, на крајот „Волците“ дојдоа до 2:2.
Бидејќи Арсенал обезбеди директен пласман во осминафиналето, во Лигата на шампионите, решија порано да го одиграат натпреварот од 27-то коло во Премиер лигата.
Она што за лидерот требаше да биде рутина, на крајот се претвори во кошмар, кога Калафјори во 94-та минута си постигна авто-гол и ги постави конечните 2:2.
Се до 56-та минута се одеше според планот на Милел Артета. Букајо Сака го отвори резултаот во петтата минута. Откако во првиот дел Арсенал не искористи уште неколку добри шанси, предноста ја дуплираше во 56-та минута, преку Инкапије.
„Волците“ се вратија во натпреварот со прекрасниот гол на Уго Буено, во 61-та минута.
Артета се обиде да го затвори натпреварот и погреши. Казната дојде за неговиот тим во судиското продолжение, кога „Волците“ израмнија со многу среќа, по големо недоразбирање во одбраната на гостите, топката се одби од стативата и заврши во ногата на Калафиори, а пото а во мрежата.
Арсенал ега има пет бодови предност пред Манчестер Сити, но доколку „граѓаните“ го добијарт својот дуел од 27-то коло ќе му се доблиѓат на лидерот на само два бода. Вулвс се последни со само 10 поени и тие сигурно наредната сезона ќе играат во Чемпионшип.
Спорт
(Видео) Без победник во дуелот Милан-Комо
Фудбалерите на Милан и Комо одиграа нерешено 1:1 во возбудлив натпревар од 24-то коло од Серија А. Натпреврот беше полн со пресврти, тензии и драма, а го обележа црвениот картон што го доби тренерот на Милан Масимилијано Алегри.
Гостите од Комо го отворија натпреварот подобро и ги искористија грешките на своите ривали. По поништениот гол во 26-та минута поради прекршок, Комо поведе шест минути подоцна. Нико Паз казни една лоша реакција во одбраната на Милан.
Милан имаше неколку шанси за израмнување во првото полувреме. Во 30-та минута, Рафаел Леао се обиде, но голманот Жан Бутез одбрани, четири минути подцна тој се истакна и по обидот на Фикајо Томори.
Серхи Роберто (Комо) потоа имаше можност во 39-та минута, но Мењан не дозволи уште еднаш да биде совлада.
Второто полувреме донесе израмнување. Во 64-та минута, Рафаел Леао ја прими топката на работ од шеснаесетникот и со прецизен удар го совлада голманот Комо.
Како што натпреварот продолжуваше, растеше тензијата на теренот, а судијата Маријани делеше жолти картон, за Нико Паз, Жан Бутез, Јакоб Рамон и Рафаел Леао. Кулминацијата се случи во 81-та минута кога тренерот на Милан, Масимилијано Алегри, беше исклучен поради протест.
Foto/ EPA
Спорт
(Видео) Интер замрзна во Норвешка, Атлетико испушти 0:2 во Бриж, Баер победи кај Олимпијакос
Фудбалерите на Интер доживеаја пораз во Норвешка од Боде/Глимт, Атлетико на „мускули“ извлече реми (3:3) во Бриж, иако водеше со 2:0 и 3:2, а Баер Леверкузен победи во Пиреја кај Олимпијакос (2:0), во трите последни бража натпревари од првиот круг, за пласман во осминафиналето во Лигата на шампионите.
Боде/Глимт не се шегува, откако во последното коло во првата фаза го победи Атлетио во Мадрид и се пласира во баражот, вечерва славеше во дуелот со Интер.
Играчите на Интер не се снајдоа во норвежките услови и на вештачката трева. Изненадувањето го најави Фет во 20-та минута. Интер во мечот го врати Пио Еспозито 10 минути подцна.
Во вториот дел блиц-криг на Норвежаните, два гола за три минути, во периодот од 61-та до 64-та минута. Стрелци беа Хег и Хауге.
Во Бриж, Атлетико делуваше неубедливо, но и покрај тоа имаше два гола предност на полувремето. Алварез погоди од пенал во осмата минута, а Лукман во четвртата минута од судиското надополнување на времето.
Бриж во мечот се врати експресно, преку Оњедика во 52-та и Тресолди во 60-та минута. Атлетико предноста ја врати со авѕо-голот на Ордонез во 79-та минута. Сепак пораз на Бриж спречи Цолис во 90-та минута.
Во Пиреја, Баер Леверкузен го направи клучниот чекор кон осминафиналето. На Олимпијакос му пресуди Чехот, Патрик Шик со головите во 60-та и 63-та минута.
Реванш натпреварите ќе се одиграат наредниот вторник.
Foto/ EPA

