Спорт
Пред „Дерби д’Италија“, Роналдо се потсети на „срамотата“ од 1998 (видео)
Вечерва во Торино се игра „Дерби д’Италија“, големата пресметка меѓу Јувентус и Интер, и тоа беше доволна причина за бразилската легенда Роналдо да се потсети на „срамотното“ недоделување пенал против Јуве во 1998 година.
Пред 20 години, двата клуба бе…
Вечерва во Торино се игра „Дерби д’Италија“, големата пресметка меѓу Јувентус и Интер, и тоа беше доволна причина за бразилската легенда Роналдо да се потсети на „срамотното“ недоделување пенал против Јуве во 1998 година.
Пред 20 години, двата клуба беа вклучени во борба за скудетото, но мечот имаше друг главен актер – судијата Пјеро Чекарини, кој не додели пенал кога Роналдо падна по стартот на Марк Јулијано.
„Бјанконерите“ веднаш по инцидентот поводеа со 1:0 благодарение на голот на Алесандро дел Пјеро, а потоа утнаа пенал, но ги освоија трите поени. Јуве стана шампион во Серија А, и навивачите на „бенеамата“ уште жалат за тој спорен момент. Роналдо зборуваше за ривалството во интервју за „Газета дело спорт“.
„Споредбите со Кристијано Роналдо секогаш ме смеат. Зошто? Бидејќи нема смисла, ние сме различни фудбалери, а покрај сѐ има разлика од 9 години меѓу нас. Игравме во различни ери на фудбалот, кој се менува многу бргу. Не сакам да кажам дека моето време беше потешко, но имавме различни ситуации. Јуве-Интер беше еден од тие мечеви каде што се добиваше многу повеќ од поени. Во 1998 година одевме на скудетото и сакавме да ја покажеме нашата зрелост и храброст. Поминаа 20 години, цел живот, но останува фактот дека тоа што се случи беше срамота. Го кажав тоа и тогаш, но тоа беше една поинаква ера на италијанскиот фудбал“, вели Роналдо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.