Спорт
Работнички го „прати“ Скопје во Втора лига, Вардар ја заврши сезоната со тежок пораз
Пред последното коло од македонската Прва лига останаа малку неразјаснети прашања, кои се решија на мечот на „Филип Втори“ меѓу Работнички и Скопје.
И покрај тоа што Скопје двапати водеше, Работнички стигна до 4:2 победа за да го обезбеди третото место…

Пред последното коло од македонската Прва лига останаа малку неразјаснети прашања, кои се решија на мечот на „Филип Втори“ меѓу Работнички и Скопје.
И покрај тоа што Скопје двапати водеше, Работнички стигна до 4:2 победа за да го обезбеди третото место на табелата и место во квалификациите за Лигата на Европа, и во исто време да го прати тимот од Автокоманда директно во Втора лига, откако Победа со 1:0 ја совлада Ренова и заврши пред Скопје на табелата.

Вардар сезоната во која требаше да ја брани титулата ја завршува со низа порази и ремија, откако беше декласиран со 4:1 на гостувањето кај Шкупи во Чаир. Јашаровски постигна два гола, Илијоски и Шабани по еден за импресивна победа на Шкупи на радост на бројните навивачи.
И покрај победата, Шкупи не е сигурен во европските купови, односно во Лигата на Европа – за тоа му е потребно Шкендија да го победи Пелистер во финалето на Купот на Македонија.
Шампионот Шкендија фантастичната сезона ја заврши со уште една лесна победа, овојпат со 4:0 против уште еден иден второлигаш, Пелистер. Двапати Ферхан Хасани и по еднаш Жуниор и Алими и донесоа на Шкендија фантастична 29 победа во 36 кола оваа сезона, сигурно најдобрата во историјата на клубот од Тетово, во која ја надминаа „магичната“ граница од 100 голови.
ПРВА ЛИГА, 36. ПОСЛЕДНО КОЛО
Академија Пандев – Силекс 1:2
Победа – Ренова 1:0
Работнички – Скопје 4:2
Шкендија – Пелистер 4:0
Шкупи – Вардар 4:1
КОНЕЧНА ТАБЕЛА, СЕЗОНА 2017/18
1.Шкендија 91 – ЛИГА НА ШАМПИОНИ
2.Вардар 56 – ЛИГА НА ЕВРОПА
3.Работнички 52 – ЛИГА НА ЕВРОПА
4.Шкупи 51
5.Силекс 50
6.Академија Пандев 42
7.Ренова 41
8.Победа 38 – БАРАЖ ЗА ОПСТАНОК
9.Скопје 35 – ВТОРА ЛИГА
10.Пелистер 34 – ВТОРА ЛИГА
Фото: ФК Работнички, ФК Шкупи, ФК Шкендија
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Нереални сцени на натпреварот од Младинската лига на УЕФА во Келн
Младинската лига на УЕФА влезе во нокаут фазата, познати се сите учесници во осминафиналето.
Натпреварите одиграни во рамките на 1/16-финалето ги обележа дуелот во Келн.
Германскиот тим таму беше домаќин на Интер, а атмосферата беше неверојатна. Клубот ги распродаде сите 50.000 билети за натпреварот на младинскиот тим, а атмосферата беше еднаква на онаа што ја гледаме во најдобрите натпревари од Лигата на шампионите.
Cologne sold 50,000 tickets for today's UEFA Youth League game vs. Inter, setting a new competition attendance record 😲
Immense support. What an experience for those youngsters 👏pic.twitter.com/dU1OzIhtiO
— Men in Blazers (@MenInBlazers) February 4, 2026
Ова не му помогна на Келн да го елиминира Интер, иако домашниот тим беше блиску да се избори за пенал-рулетот. На крајот, загуби со 3:1, со два гола во судиското продолжение, Зарате Идалго постигна во 90+7, а Кукулис во 90+8 минута, во двата наврати асистент беше младиот Црногорец Вукоје.
Оваа фаза донесе и неколку големи изненадувања, Манчестер Сити и Барселона беа елиминирани од понатамошниот тек на натпреварувањето. ХЈК беше подобар од „граѓаните“, во Хелсинки победија по изведување на пенали – 3:3, 4:3.
Шпанскиот тим исто така немаше среќа по изведувањето на пенали, Макаби Хаифа беше подобар од Барселона во Унгарија – 2:2, 3:1. Резултатот од Варшава исто така беше изненадување, каде Легија го победи Ајакс – 2:1.
Претходно, во вторниотк, Жилина го победи Ливерпул со 2:1 пред 10.500 гледачи.
Плајсман во осминафиналето изборија: Атлетико Мадрид, ПСЖ, Бенфика, Виљареал, Спортинг, Бетис, Челзи, Бриж, Реал Мадрид, Ајнтрахт, АЗ Алкмар и Жилина.
Спорт
Порзингис „трејдуван“ во Голден Стејт
Летонецот Кристапс Порзингис ја продолжува кариерата во Голден Стејт Вориорс.
Претходната вечер тој беше дел од размената, која во Атланта Хокс ги донесе Бади Хилд и Џонатан Куминга.
Со оваа зделка, Атланата стави крај на возбудлив период во кој, да потсетиме, го разменија и лидерот Тре Јанг (во Вашингтон).
Доаѓањето на Порзингис меѓу „воините“ значи и дека франшизата од Сан Франциско официјално се откажа од обидите да го ангажира Јанис Адетокумбо, кој беше првата „мета“.
Американските медиуми објавуваат дека Вориорс испратиле неколку понуди за Јанис во последните недели, но од друга страна, добиле јасни сигнали дека Адетокумбо не е опција за размена.
За Голден Стејт, најважното прашање сега е здравјето на Прзингис, кој во последно време се мачи со повредите. Тој одигра само 17 натпревари за Хокс оваа сезона, а 42 во целата сезона 2024/2025 што ја помина со Селтикс.
Од таборот на „Воините“ се надеваат дека искусниот кошаркар, кој го одигра својот последен натпревар на 7 јануари, ќе може да се врати во форма навреме.
Според последните информации, Порзингис треба да се појави на теренот во следните натпревари.
Голден Стејт моментално е осми во Западната конференција со скор од 27-24.
Спорт
Гвардиола: Плативме многу, а лигата не му дозволува да игра
Манчестер Сити ќе се обиде да ја убеди Англиската фудбалска лига (ЕФЛ) да ги смени правилата на ЕФЛ Купот, за да може големото засилување, Марк Гуехи да настапи во финалето. Тренерот Пеп Гвардиола изрази големо незадоволство од фактот што централниот бек, платен 20 милиони фунти, нема право да игра против Арсенал на Вембли на 22 март.
Шефот на Сити откри дека веќе побарал од раководството на клубот да контактира со челниците на лигата за да му се дозволат на англискиот репрезентативец да игра.
Проблемот се појави поради одредено правило.
Правилата се променети оваа сезона, така што играчот може да игра за два различни клуба во истата куп сезона. На пример, Антоан Семењо играше за Сити во двата полуфинални натпревари против Њукасл и покрај тоа што штотуку пристигна во клубот.
Сепак, Семењо потпиша пред првиот натпревар на Сент Џејмс Парк, додека Гуехи пристигна по таа победа од 2:0. Затоа, тој немаше право да настапи на реваншот, а според постојните правила, дури ни во финалето.
„Се надеваме дека Марк ќе може да игра во финалето. Плаќата многу пари за да донесете фудбалер, а потоа не можете да го користите. Не разбирам зошто не можеме да го користиме во финалето. Се надевам дека ќе можеме да ги убедиме. Понекогаш е тешко да се разбере. Јасно е дека Марк не можеше да игра во реваншот затоа што не беше регистриран за првиот натпревар. Но, сега е финале, зошто не може да игра? Зошто? Ние го плаќаме, тој е наш играч. Тоа е логично“, рече Гвардиола.
Сепак, тој не е оптимист. Кога го прашаа дали мисли дека правилото ќе се промени.
Foto/ EPA

