Спорт
Рамос: Иниеста да беше Андресињо ќе имаше две „Златни топки“
Серхио Рамос смета дека неговиот репрезентативен колега Андрес Иниеста требало да освои најмалку две „Златни топки“, за најдобар фудбалер во светот.
Иниеста по завршувањето на сезоната, по речиси две децении, ќе ја напушти Барселона и шпанскиот фудбал….
Серхио Рамос смета дека неговиот репрезентативен колега Андрес Иниеста требало да освои најмалку две „Златни топки“, за најдобар фудбалер во светот.
Иниеста по завршувањето на сезоната, по речиси две децении, ќе ја напушти Барселона и шпанскиот фудбал. Следна негова дестинација ќе биде Кина.
Иако, во изминатата деценија беше еден од најдобрите во светот, Иниеста никогаш не ја доби престижната „Златна топка“, за она што го прокажуваше на теренот.
„Да се викаше Андресињо, а не Иниеста, сигурно досега ќе освоеше најмалку две Златни топки“, рекол Серхио Рамос, алудирајќи на прекарите што ги носат бразилските фудбалери.
Многумина сметаат дека Иниеста требаше да ја добие „Златната топка“ во 2010 година кога на Шпанија и ја донесе титулата светски првак. Меѓутоа таа година тој беше втор во изборот, а наградата ја освои Лионел Меси.
Интересно, во средата, францускиот магазин „Франс фудбал“ официјално му се извини на Андрес Иниеста што никогаш во неговата кариера не му ја доделиле „Златната топка“.
„Франс фудбал“ официјално му се извини на Иниеста бидејќи не му дале „Златна топка“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ливерпул ја одредил цената за Дарвин
Дарвин Нуњез неодамна ги шокираше навивачите на Ливерпул со тоа што на Инстаграм ги избриша сите свои фотографии во дресот на клубот. За многумина Ургваецот со овој потег го најавил своето заминување од „Енфилд“.
Шпанските медиуми тврдат дека Нуњез ќе го апушти клубот во летниот преоден рок. Овие извори не ја исклучуваат можноста тој да ја засили Барселона. Наводно и ЛИверпул веќе ја одредил цената за напаѓачот.
Нуњез пристигна во Ливерпул во сезоната 2022/23, за клупски рекорд од 85 милиони евра. Со бонусите трансферот може да дојде и до 100 милиони евра. Уругваецот потпиша договор до летото 2028 година.
Сумата за која Ливерпул би бил подготвен да се откаже од Нуњез е 85 милиони евра.
Барселона во моментов ги нема тие пари, но би можела да ги заработи со прдожбата на неколку играчи во преодениот рок.
Спорт
Феникс Санс го отпушти Франк Вогел
Феникс Санс го отпуштија тренерот Френк Вогел, 11 дена откако беа поразени во првото коло од плеј-офот од Минесота.
„По внимателен преглед на сезоната, заклучивме дека ни треба поинаков тренер за нашиот тим. Ја цениме напорната работа и посветеноста на Френк“, рече генералниот директор на Санс, Џејмс Џонс.
Вогел ја плати цената за катастрофалната серија на Санс во плејофот, бидејќи тие беа поразени од Минесота со 4:0.
Феникс забележа 49 победи во регуларниот дел од сезоната, но сето тоа пропадна со раната елиминација во НБА плејофот.
Вогел на почетокот на сезоната дојде во тимот од Аризона, а претходно работеше со Лејкерс, Орландо и Индијана.
Поранешниот тренер на Милвоки Бакс, Мајк Буденхолцер, како што тврди ЕСПН е најсеризен кандидат за нов тренер на франшизата од Аризона.
Спорт
Борусија ќе заработи повеќе ако загуби од Реал во финалето
Борусија Дортмунд и Реал Мадрид ќе се сретнат на 1.јуни на „Вембли“ во финалето на Лигата на шампионите.
Реал во своето 18.финале ќе се обиде да го освои 14. трофеј, додека Борусија трет пат ќе се бори за титулата во ЛШ. „Милионерите“ имаат една титула.
Сепак, ако на дуелот во Лондон се гледа само од финансиска перспектива, на Борусија повеќе и се исплати да загуби!
УЕФА победникот ќе го награди со 20 милиони евра, додека поразениот клуб ќе заработи 15,5 милиони евра.
Доколку загуби Борусија ќе добие дополнителни 25 милиони евра, но не од УЕФА туку од Реал.
Џуд Белингем, минатото лето за сума од 103 милиони евра, од Борусија се пресели во Реал. Во неговиот договор има клаузула според која Реал мора да и исплати на Борусија дополнителни 25 милиони евра доколку Белингем со Реал ја освои Лигата на шампионите во наредните пет години.