Спорт
Раул Гонзалес го одреди тимот за Јапонија
Македонската ракометна репрезентација, попладнево во Минхен, ќе го одигра првиот натпревар на 26.Светско првенство. Прв противник на Македонија, во Б-групата, ќе биде Јапонија.
Во пресрет на дуелот со „самураите“, селекторот Раул Гонзалес го одреди кои…
Македонската ракометна репрезентација попладнево во Минхен ќе го одигра првиот натпревар на 26.Светско првенство. Прв противник на Македонија, во Б-групата, ќе биде Јапонија.
Во пресрет на дуелот со „самураите“, селекторот Раул Гонзалес одреди кои играчи ќе ја бркаат првата победа на мундијалот.
Од 18 играчи кои допатуваа во Минхен, дуелот од трибините ќе го следат голманот Златко Даскаловски и пикерот Милан Лазаревски.
Селекторот Гонзалес реши за дуелот со Јапонија да има двајца голмани, поради што во конкуренција на Борко Ристовски и Никола Митревски, отпадна Даскаловски, додека одлуката Лазаревски да остане на трибините е очекувана бидејќи овој играч во последен момент се најде на спискот откако поради повреда отпадна Димитар Димитриовски.
Составот на Македонија: Борко Ристоски, Никола Митревски, Дејан Манасков, Гоце Георгиевски, Мартин Поповски, Филип Лазаров, Филип Талевски, Филип Кузмановски, Филип Чурлевски, Горан Крстевски, Мартин Серафимов, Кире Лазаров, Стојанче Стоилов, Жарко Пешевки, Велко Маркоски и Марио Танкоски.
Натпреварот Македонија-Јапонија ќе почне во 15:30 часот. Покрај овој натпревар, во Б-групата денес ќе играат уште и Хрватска и Исланд (18 часот), односно Шпанија и Бахреин (20:30 часот)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.