Спорт
Рашфорд ги „реши“ Ливерпул (видео)
Маркус Рашфорд како да сакаше да покаже дека треба да биде постојано стартер во тимот на Жозе Мурињо, откако во 10 минути постигна два гола и беше одлучувачкиот човек во 2:0 победата на Манчестер јунајтед над Ливерпул во големото англиско дерби.
Мечот …
Маркус Рашфорд како да сакаше да покаже дека треба да биде постојано стартер во тимот на Жозе Мурињо, откако во 10 минути постигна два гола и беше одлучувачкиот човек во 2:0 победата на Манчестер јунајтед над Ливерпул во големото англиско дерби.
Мечот на „Олд Трафорд“, Мурињо го започна со при замени од претходниот меч – Ерик Баи на местото на Виктор Линделоф, Хуан Мата на местото на повредениот Пол Погба, и можеби најзначајно, Маркус Рашфорд напред заедно со Ромелу Лукаку, додека Џеси Лингард остана на клупата.
Довербата човекот од академијата на Јунајтед ја искористи уште во 14. минута, кога по еден пробив, упати фантастичен удар за да го совлада Кариус и да придонесе за делириум на преполниот стадион.
По двете пропуштени шанси на Садио Мане и Виргил ван Дајк на другата страна на голот, Ромелу Лукаку доби долга топка, која ја упати кон Мата, но по блокирањето од дефанзивците на Ливерпул, топката дојде кај Рашфорд, кој уште еднаш успеа да го совлада Кариус, овојпат со помош на Александер-Арнолд.
Ливерпул второто полувреме го започна многу подобро, креирајќи повеќе шанси со поголем посед на топката, а во 66. минута добија вистински подарок, откако Ерик Баи успеа да постигне еден од најсмешните автоголови во Премиер лигата, целосно збунувајќи го сопствениот голман Давид де Хеа.
Сепак, до крајот на мечот, Ливерпул не успеа да постигне гол и покрај тесните последни шест минути од судиското продолжение. Сега останува лошата статистика – „Црвените“ ги немаат добиено своите најголеми ривали од 2014 година, а сега остануваат и пет поени зад Јунајтед на третото место на табелата.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(ВИДЕО) Среќата е на негова страна
Актуелниот трикратен светски шампион во Формула 1, Холанѓанецот Макс Ферстапен изјави дека и следната сезона ќе вози за Ред Бул.
„ Да, работиме на болидот за следната сезона. А кога сте фокусирани на тоа, значи дека возите за тој тим“, изјави Ферстапен.
Холандскиот возач има договор со Ред Бул до 2028 година.
Некои медиуми објавија дека Ферстапен следната година би можел да го замени Луис Хамилтон во тимот на Мерцедес, кој на крајот од сезоната се сели во Ферари.
„Се разбира, луѓето кажуваат секакви работи, но најважно е што имаме многу конкурентен болид за иднината. Работиме и се фокусираме на следната сезона за да се обидеме повторно да бидеме конкурентни“, изјави возачот на Ред Бул.
Ферстапен моментално е на првото место во генералниот пласман на возачи со 219 бодови. Следната трка во Ф1 шампионатот ќе се вози на 30 јуни за Големата награда на Австрија.
Спорт
Милиони за канадскиот кошаркар Мареј
Канадскиот кошаркар Џамал Мареј доби нов договор од Денвер Нагетс.
Соиграчот на Никола Јокиќ ќе добие 209 милиони долари од поранешниот шампион во НБА во следните четири години.
Тоа е максимален договор за поранешниот студент од Кентаки кој минатата сезоната имаше просек од околу 21 поен, 6 асистенции и 4 скока.
Мареј беше избран од Нагетс на драфтот во 2016 година од седмата позиција и во 2023 година беше дел од тимот кој стана шампион во НБА.
Спорт
Монако со ново засилување
Монако претстави ново засилување, а тоа е Вито Браун, поранешниот кошаркар на Пинар Каршијака.
Браун, кој ги покрива крилните позиции на центарот, потпиша двегодишен договор со тимот на Саша Обрадовиќ, а следната сезона во Евролигата ќе биде негово деби.
Досега имаше искуство само во европските натпреварувања во Лигата на шампионите на ФИБА.
Кариерата ја изгради преку развојната лига во Америка, а потоа замина во Европа, каде играше за Ле Ман, а потоа и за Реал Бетис.
Во Пинар Каршјак пристигна во 2022 година, каде запиша две солидни сезони. Во Лигата на шампионите на ФИБА, тој имаше просек од 13,3 поени со 4,6 скока.
Монако досега го доведе само Ник Калатес, но исто така направи добра работа во тимот бидејќи Мајк Џејмс и Џејрон Блосомгејм потпишаа нови договори.