Спорт
Реал Мадрид со среќна „тринаесетка“, Бејл е неочекуваниот херој (видео)
Реал Мадрид сигурно нема да верува во суеверието дека бројот 13 е несреќен, откако „кралскиот клуб“ уште еднаш докажа дека е владетел на Лигата на шампиони, победувајќи го Ливерпул со 3:1 во големиот меч во Киев.
Креатор на победата беше навистина неоч…
Реал Мадрид сигурно нема да верува во суеверието дека бројот 13 е несреќен, откако „кралскиот клуб“ уште еднаш докажа дека е владетел на Лигата на шампиони, победувајќи го Ливерпул со 3:1 во големиот меч во Киев.
Креатор на победата беше навистина неочекуван – фудбалерот кој речиси цела сезона беше критикуван поради своите чести повреди и слабите игри, Велшанецот Герет Бејл. „Магичниот“ Бејл влезе во игра во 61. минута, а веќе во 64. постигна еден од најубавите голови во историјата на финалињата на ЛШ, за да ја обезбеди големата победа за Реал. Ако тоа не беше доволно во 83. минута Бејл успеа да искористи уште една лоша интервенција на Лорис Кариус за да зголеми на 3:1
Former Spurs star, Gareth Bale. pic.twitter.com/ohHYhcemss
— Andrew Hammond (@ahammsportsgeek) May 26, 2018
Претходно, имаше многу драма и обвинувања за не-фер однос. Клучниот момент за англискиот клуб, секако, дојде во првото полувреме, кога Мохамед Салах, апсолутниот херој на Ливерпул оваа година, мораше да излезе надвор од теренот по незгодната (некои би кажале и не-фер) интервенција на Серхио Рамос. Несреќата ги посака и во „Лос бланкос“, откако Зинедин Зидан мораше да направи замена во 37. минута, кога Карвахал се повреди и на неговото место дојде Начо Фернандез.
And @SergioRamos came to the game with the hand-breaker wrestling tactic. Now @MoSalah will watch like me. SAD. @LFC get a wrestler in too for @Cristiano and make the game great again. #UCLfinal pic.twitter.com/4wLWVnWstP
— Williams O’zina (@Williams_chi) May 26, 2018
Ако првото полувреме донесе израмнета игра и малку вистински шанси за гол, во второто, ситуацијата „експлодираше“. Германскиот голман на Ливерпул, Лорис Кариус му „подари“ гол на Карим Бензема во 51. минута од мечот, во грешка каква што ретко се гледа на големите мечеви.
Ливерпул се понадеваа дека го надминаа овој проблем, откако во 55. минута, одличниот Садио Мане израмни на 1:1.
Тогаш на сцена стапи Бејл. Само три минути откако влезе во игра, на нафрлената топка на Марсело, Бејл постигна фантастичен гол со ножички за да го „убие“ духот во играта на противникот.
Во 83. минута, Бејл стави точка на натпреварот, повторно на „сметка“ на несреќниот Кариус, кој не успеа да го исконтролира неговиот силен удар, и тој заврши во мрежата на Ливерпул.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Спорт Италија: Се подготвуваат револуционерни промени во Наполи
Наполи, минатата сезона ја освои Серија А. Тоа беше трета титула во клупската историја и прва од 1990 година. Сезоната по освојувањето на титулата е вистински кошмар за Наполитанците. Во финишот на сезоната, Наполи се наоѓа на осмото место со 49 бодови, дури 37 помалку од новиот шампион Интер.
„Спорт Италија“, пишува дека Наполи оваа сезона доживеа „огромно разочарување“ поради што во летниот преоден рок ќе „има ревилуционерни промени“. Претседателот на клубот Аурелио Де Лаурентис изјави дека ниту еден играч не е недопирлив, што значи дека сите би можеле да бидат продадени.
„Постои сериозна опасност од револуција која може да ги вклучи дури и клучните играчи кои го освоија Скудетото, како Џовани Ди Лоренцо (30) и Франк Ангуиса (28)“, пишува „Спорт Италија“.
Ди Лоренцо е репрезентативец на Италија и капитен на Наполи, со кого има договор до летото 2028 година. „Трансфермаркт“ неговата вредност ја проценува на 18 милиони евра. Во Наполи е од 2019 година, а претходно во кариерата играше за Кунео, Калабрија, Матера и Емполи.
Ангуиса е камерунски централен играч за врска чиј договор е до 2025 година, но постои опција да се продолжи за уште две сезони. Во кариерата играше во Марсеј, Фулам и Виљареал. Според „Трансфермаркт“ тој е проценет на 30 милиони евра.
„Спорт Италија“, тврди дека главната ѕвезда на Наполи, Виктор Осимхен (25) се поврзува со клубови како ПСЖ и Баерн, а Де Лаурентис неколку пати изјави дека за него ќе бара повеќе од 100 милиони евра. Тој има договор до летото 2026 година, „Трансфермаркт“ го проценува на 110 милиони евра.
Познато е веќе дека Пјотр Зјелински како слободен играч ќе се пресели во Интер.
Спорт
„Бевме пијаници, а потоа дојдоа нутриционистите…“
Легендите на Манчестер Јунајтед, Рој Кин и Гери Невил, во еден подкаст открија дека дека со денови се пијанеле по натпреварите во Премиерлигата. Станува збор за периодот кој некии го нарекуваат и златна ера на тимот кој тогаш го предводеше сер Алекс Фергусон.
„Луѓето велеа дека сум добар професионалец, но некои работи што ги правев беа апсолутно срамни – покајано вели Кин.
Детално опиша како се пијанчел, особено во нефудбалските денови.
„Многу пати одев во сабота по натпреварот, во недела, понеделник, вторник… Да бидам фер, би ја поставил границата во среда“, откри освојувачот на седум Премиер лиги, четири ФА купови и Лигата на шампиони.
Во 2002 година, Ирецот во својата автобиографија „Второто полувреме“ призна:
„Имаше период, во раните 90-ти, кога бев алкохоличар. За среќа, успеав да се извлечам од тој виор. Сега пијам само вода.“
Гери Невил го надополни соиграчот, велејќи дека многу од најдобрите играчи биле озлогласени алкохоличари.
„Причината поради која се извлекувавме е што другите тимови го правеа истото. Сè додека секој можеше да испие десет големи кригли, бевме на исто ниво на кондиција“, раскажа трофејниот десен бек од „Олд Трафорд“.
„Знаете… Јас го анализирам периодот пред сезоната 1995/96 година, сите играчите го правеа истото. Помеѓу 1996 и 2000 година фудбалот стана многу професионален и дојдоа нутриционистите…“
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.