Спорт
Реал ја намалија клаузулата на Роналдо на „само“ 120 милиони евра?
Шпанските медиуми тврдат дека има драматичен развој на настаните околу иднината на Кристијано Роналдо, откако Реал Мадрид решија да ја намалат неговата клаузула за раскин на договорот од 1.000 милиони евра на „само“ 120 милиони евра, со што заминувањет…


Шпанските медиуми тврдат дека има драматичен развој на настаните околу иднината на Кристијано Роналдо, откако Реал Мадрид решија да ја намалат неговата клаузула за раскин на договорот од 1.000 милиони евра на „само“ 120 милиони евра, со што заминувањето станува пореално.
Според „Марка“, ова „спуштање“ е договорено уште на почетокот на февруари, и клаузулата нема да се однесува на Барселона (поради големото ривалство) и на Пари Сен-Жермен (поради нивните пари), кои би требало да ја платат целата сума ако се заинтересирани за Португалецот.
Според „ОК дејли“, пред финалето на Лигата на шампиони во Киев, три клубови од Премиер лигата (Манчестер сити, Арсенал и Челси) и еден од Серија А (Милан) му соопштиле на агентот на Роналдо, Жорге Мендеш, дека се подготвени за трансфер за 120 милиони евра и годишна плата од 40 милиони евра. Според овој извор, Роналдо веќе ја направил конечната одлука да замине од Реал поради неисполнетите ветувања околу подобрувањето на условите на неговиот договор со „Лос бланкос“.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Артета е горд на своите играчи и на она што го покажаа

Пари Сен Жермен се пласираше во финалето на Лигата на шампионите откако во реваншот на „Паркот на принцовите“ го победи Арсенал со 2:1. Со оваа победа, тие го потврдија триумфот од првиот натпревар на „Емирати“ со 1:0 и ќе играат против Интер во Минхен на 31 мај.
Тренерот на Арсенал, Микел Артета, даде изјава за „ТНТ Спортс“ по натпреварот.
„Прво, честитки до Париз за пласманот во финалето. Кога ќе погледнете кој беше нивниот клучен играч во текот на овие два натпревари, јасно е дека тоа беше нивниот голман, Донарума. Тој го реши овој натпревар. Мислам дека бевме многу блиску, многу поблиску отколку што покажуваат резултатите. Горд сум на моите играчи, за сè што покажаа вечерва и како го издржаа притисокот“, рече Артета.
Спорт
(Видео) Роналдо и третата сезона без титула – ги нападна своите соиграчи

Откако пристигна во Ал-Наср (во декември 2022 година), Кристијано Роналдо не успеа да го освои најважниот домашен трофеј.
Вечерва, во најважниот натпревар во овој дел од сезоната, Ал-Наср беше поразен од лидерот во првенството Ал-Итихад (2:3) и покрај водството од 2:0, со што остана и без теоретска шанса да се вклучи во борбата за титулата.
За да ја влоши ситуацијата уште повеќе за Ал Наср, неговите играчи и навивачи, Роналдо ги нападна соиграчите во текот на вечерта.
Со јасна гестикулација што секој во светот можеше да ја види, тој им порача дека спијат за време на играта.
Ronaldo telling his teammates that they are sleeping, meanwhile, he’s the one sleeping! 😭 pic.twitter.com/o0lkA7qSnU
— BeksFCB (@Joshua__Ubeku) May 7, 2025
Да се потсетиме дека тимот на Роналдо неодамна беше елиминиран од борбата за уште еден голем трофеј, Азиската Лига на шампиони.
Ал-Наср загуби во полуфиналето од јапонскиот Кавасаки Фронтале.
Кристијано Роналдо со Ал-Наср, досега го освои само Купот на арапските клубови во 2023 година.
Откако му се приклучи на Ал-Наср, Роналдо постигна 93 гола на 101 натпревар, но не освои ниту еден значаен трофеј.
Спорт
Мундо Депортиво: На Барса и пресуди пријателот на Реал Мадрид

Барселона и Интер во вторникот го завршија еден од најдобрите двомечи во историјата на нокаут фазата од Лигата на шампионите.
Откако двата натпревари завршија со идентичен резултат од 3:3, Интер успеа да постигне уште еден гол во продолжението и да се пласира во финалето. Полскиот судија Шимон Марчинијак исто така беше во фокусот по натпреварот.
Каталонските медиуми потсетуваат дека неговиот однос со Реал Мадрид е „пријателски“, а извлекоа и видео на кое тој има торбичка со логото на „кралскиот клуб“ во соблекувалната.
Марчинијак во корист на Реал го поништи пеналот на напаѓачот на Атлетико Мадрид, Хулијан Алварез, во осминафиналето од овогодинешната Лига на шампиони.
Barca, Bayern, Atletico fans, let us start a petition against Marciniak. We all got robbed by him within a year because he works for Real Madrid. It would be nice if someone started some sort of petition, I‘ll be the first to sign it. pic.twitter.com/dFDkB0HFYu
— – (@MusialaEra) May 7, 2025
Шпанскиот медиум „Мундо Депортиво“, како и тренерот и играчите на Барселона, тврдат дека Марчинијак судел во корист на Интер.
„Секогаш кога имаше спорна ситуација, Полјакот и неговите ВАР асистенти пресудуваа во корист на Интер. Марчинијак, кој има пријателско минато со Реал Мадрид, ја оштети Барса со своите асистенти“, пишува „Мундо Депортиво“.