Спорт
Ристовски и Спортинг сигурни, Динамо извлече реми против Лацио (видео)
Македонскиот репрезентативец Стефан Ристовски одигра 90 минути за Спортинг Лисабон, а португалскиот тим стигна до релативно удобна 2:0 победа над чешкиот Плзењ, за помирен реванш.
Колумбиецот Фреди Монтеро постигна два гола (едниот од пенал), по еден в…


Македонскиот репрезентативец Стефан Ристовски одигра 90 минути за Спортинг Лисабон, а португалскиот тим стигна до релативно удобна 2:0 победа над чешкиот Плзењ, за помирен реванш.
Колумбиецот Фреди Монтеро постигна два гола (едниот од пенал), по еден во двете полувремиња на „Жозе Алваладе“ за победата.
Динамо Киев се враќа во Украина со надеж за пласман во четврт-финалето на Лигата на Европа, откако на гостувањето на „Олимпико“ кај Лацио успеа да извлече реми 2:2.
Најтрофејниот украински клуб поведе на почетокот на второто полувреме преку Виктор Циганков, пред Лацио да се врати со два гола за осум минути за пресврт – прво стрелаше Чиро Имобиле, а потоа Андерсон ја искористи асистенцијата на Сергеј Милинковиќ-Савиќ. Жуниор Мораеш им даде надеж на Украинците дека можат да го елиминираат силниот противник во 79. минута.
Марсеј пак, на домашен терен го победи баскискиот Атлетик Билбао со 3:1. Лукас Окампос постигна гол во првата минута од мечот, по што Димитри Паје зголеми на 2:0 во 14. минута во фуриозниот старт на „Велодром“, пред Атлетик да постигне драгоцен гол на гости од пенал на крајот на првото полувреме, повторно преку Окампос.
Зенит успеа да постигне гол во финишот за на крајот со минимални 2:1 да биде совладан на гостувањето кај Ред Бул Лајпциг. Германскиот вице-шампион имаше одлични 2:0 откако Тимо Вернер намести еден гол, и постигна уште еден, но тимот на Роберто Манчини намали на 2:1 во 86. минута преку Доменико Крискито, откако Италијанецот постигна убав гол од слободен удар.
Фото: ЕПА
ЛИГА НА ЕВРОПА, 1/8 ФИНАЛЕ, ПРВ НАТПРЕВАР
Лацио – Динамо Киев 2:2
Марсеј – Атлетик Билбао 3:1
РБ Лајпциг – Зенит Санкт Петербург 2:1
Спортинг Лисабон – Викторија Плзењ 2:0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Трагичната судбина на Диого Жота: Докторот му рекол да не патува со авион

„Диого Жота патувал со автомобил со својот брат бидејќи му било советувано да не користи авион по операцијата на белите дробови што ја имал“, објавија медиумите во Португалија и Англија.
„Диого и неговиот брат Андре планирале да отпловат за Англија, па поради тоа се упатиле кон Стандандер, а потоа, откако преноќиле, се упатиле кон Бенавенте, каде што требало да се качат на траект за Англија“, објави CNN.
Жота претрпел тешка повреда на ребрата во текот на сезоната и ја искористил паузата помеѓу двете првенства не само за одмор и венчавка, туку и за рутинска операција на белодробно крило кое било малку оштетено од ударот.
Затоа, според португалските медиуми, му било советувано да не користи воздушен транспорт поради разликата во притисокот и можните компликации.
Диого и Андре поради тоа тргнале на пат со автомобил, а набргу потоа се случила трагична несреќа во која двајцата ги загубиле животите.
Гума експлодирала на нивниот автомобил додека престигнувале на патот, ја изгубиле контролата врз возилото кое се превртело и се запалило.
Спортскиот свет се уште е во шок по трагичната вест од Шпанија.
Фото/ EPA/ADAM VAUGHAN
Спорт
Иванишевиќ шокиран од состојбата на Циципас: „Не сум видел понеподготвен играч“

Патувањето на страдањето на Циципас продолжи со неговата елиминација во првото коло на Вимблдон.
Во интервју за „Спортклуб“ во Лондон, Иванишевиќ проговори за соработката со Гркот, за доблестите и недостатоците во играта на неговиот ученик, кој, како што вели, итно треба да реши одредени проблеми што ги има надвор од теренот.
„Едноставно е и не е едноставно. Разговарав со него многу пати. Ако успее да реши некои работи надвор од тенисот, ќе има шанса и ќе се врати таму каде што му е местото, бидејќи е премногу добар играч за да биде надвор од првите десет. Ако не успее тоа, нема шанси. Моја одговорност е да му поправам некои технички детали на теренот, тоа е најлесниот дел, но тој мора самиот да го реши второто. Ако успее, искрено сакам да успее, без разлика дали сум таму или не“, рече Иванишевиќ.
Во првото коло, Циципас загуби од Валентин Ројер, на кого му се предаде по два сета.
„Тој има желба, но не прави ништо. Сè е „ќе биде, ќе биде“, но не гледам никаков напредок. Ако сака да успее, мора да го реши проблемот со грбот. Бев шокиран, никогаш во животот не сум видел играч физички понеподготвен. Јас, со моето колено, сум барем три пати поподготвен од него. Не знам што правеше цела година, но ова е многу лошо“, додаде Горан.
Спорт
Шпански тинејџер е најскапиот играч во историјата на Комо

Шпанскиот крилен играч Хесус Родригез потпиша за Комо до 2030 година во трансфер вреден 22 милиони евра. Родригез стана најскапиот играч во историјата на клубот.
Рекордот што претходно го држеше Мартин Батурина брзо беше срушен. Пред една недела Батурина дојде во Комо од Динамо Загреб за 18 милиони евра.
Хесус Родригез ќе наполни 20 години во ноември, а минатата сезона постигна пет гола на 44 натпревари за Бетис.
Момчето родено во Севилја често се споредува со легендата на клубот, познатиот Хоакин, во однос на неговиот стил на игра.
Foto/ EPA