Спорт
Роналдо сам против цела Шпанија! (видео)
Кристијано Роналдо, колку обичните фудбалски фанови го сакале или мразеле, уште еднаш покажа дека е еден од најдобрите во историјата на играта со „бубамарата“, откако со хет-трик успеа да донесе 3:3 реми против соседите Шпанија.
Роналдо постигна гол од…

Кристијано Роналдо, колку обичните фудбалски фанови го сакале или мразеле, уште еднаш покажа дека е еден од најдобрите во историјата на играта со „бубамарата“, откако со хет-трик успеа да донесе 3:3 реми против соседите Шпанија.
Роналдо постигна гол од пенал, гол од игра со удар од надвор од шестнаесетникот, и на крајот гол од слободен удар, за да надополни за реалната предност која ја имаше „фуријата“ под водство на преодниот селектор Фернандо Јеро.
Шпанија, пак, беше репрезентацијата која беше најмногу потресена пред стартот на шампионатот, по отпуштањето на Хулен Лопетеги пред само два дена, но и покрај некои ситни проблеми во играта – некарактеристичните грешки на Давид де Хеа и релативната безопасност на Андрес Иниеста, Јеро може да биде задоволен од играта, ако не и од резултатот.

Роналдо ја „шокираше“ фуријата уште во четвртата минута, кога го навлече Начо да направи фаул за пенал, кој потоа лесно го реализираше за водство на актуелните европски шампиони. Ова беше неверојатно четврто СП на кое постигнува гол Роналдо, за да стане само четврти фудбалер со ваков успех и неверојатно осмо големо натпреварување (СП и ЕП) на кое тој е стрелец.
Диего Коста одговори во 24. минута со прекрасен гол постигнат откако со лакт го удри Пепе, и во историски момент, ВАР системот за помош на судиите оцени дека нема проблем со ситауцијата. Роналдо повторно „удри“ во 44. минута, кога од работ на шестнаесетникот упати удар на кој Давид де Хеа реагираше прилично аматерски (некои би го споредиле со реакцијата на Лорис Кариус во финалето на ЛШ).
Сепак, Шпанија ја презеде контролата на мечот во второто полувреме, доминирајќи во поседот, и за само три минути направи целосен пресврт. Диего Коста прво во 55. минута израмни, пред Начо да постигне фантастичен гол за водство од 3:2.
Кога се мислеше дека мечот е одлучен, во 88. минута од мечот, Жерард Пике прави фаул на работ на шестнаесетникот и мајсторот Роналдо не пропушта шанса да ги „крене“ своите сонародници до одличен резултат.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Лапорта ќе му понуди нов договор на Ханси Флик
Фудбалскиот клуб Барселона планира да му понуди нов договор на Ханси Флик.
Иако Германецот го обнови договорот до 2027 година пред неколку месеци, Џоан Лапорта сака да му понуди соработка за уште една сезона, до летото 2028 година.
Германскиот весник „Билд“ додава и дека Барса сака да го засили тимот на Флик, но дека во моментов сè уште има финансиски проблеми, поради што ќе има големи проблеми да донесе нови играчи. .
Флик е исто така среќен во каталонскиот клуб, што јавно го кажа неколку пати, а продолжувањето на соработката не би требало да биде проблем.
Не е исклучено дека Џоан Лапорта сака да ги заврши овие преговори пред претседателските избори, кои се закажани за 2026 година, но не се знае дали напролет или налето.
Флик целосно ја прероди Барселона откако го наследи Чави Ернандез и во својата прва сезона ги освои Ла Лига, Купот на кралот и Суперкупот на Шпанија, победувајќи го Реал Мадрид во сите три натпреварувања. Во четири „Ел Класико“, Барса постигна 16 гола и имаше максимални 4/4.
За навивачите, ова е најдобриот доказ дека Барса и Флик се совршен пар, па затоа не е изненадувачки што клубот сака да ја продолжи соработката со германскиот тренер.
Foto/ depositphotos
Спорт
(Видео) Нигерија поднесе жалба, бара дисквалификација на ДР Конго
Демократска Република Конго би можела да биде исфрлена од плејофот за пласман на Светското првенство. Нигерија поднесе жалба против ДР Конго. Нигеријците тврдат дека за ДР Конго насташиле фудбалери кои немале право да играат.
ДР Конго неодамна ја елиминираше Нигерија во квалификациите за пласман во интернационалниот. Конгоанците, до дуелот со победникот од Јамајка и Нова Каледонија, дојдоа по подоброто изведување пенали.
Нигеријците тврдат дека дури девет фудбалери на ДР Конго го промениле своето спортско државјанство пред натпреварот со Нигерија. Постапката тогаш не била завршена, па затоа бараат дисквалификација на ДР Конго.
Уставот на ДР Конго не дозволува двојно државјанство, а Нигеријците имаат информации дека некои формално не го отфрлиле претходнто. Доколку тоа се покаже како вистина, ФИФА би можела да ги поништи резултатите…
Аксел Туанзебе, Артур Масуаку, Арон Ван-Бисака итн. се во конкуренција.
Спорт
Сопругата на Рафиња полуде поради ФИФА: Дали мојот сопруг е кошаркар?
Додека Усман Дембеле ја славеше наградата на ФИФА за 2025 година, во Барселона се крена вистинска бура. Сопругата на Рафиња, бразилскиот напаѓач на каталонскиот клуб, јавно го изрази своето незадоволство, затоа што нејзиниот сопруг не е во идеалниот тим на светот.
На церемонијата во Доха, Дембеле од ПСЖ беше прогласен за најдобар фудбалер, додека Луис Енрике стана тренер на годината.
Речиси половина од играчите од ПСЖ беа во идеалните 11, вклучувајќи го и Донарума, кој сега е во Премиер лигата. Во првите единаесет се уште: Нуно Мендес, Хакими и Витиња, а тука се и Педри од Барселона, Белингам од Реал, Палмер од Челзи, Мбапе и Ламин Јамал.
Сепак, отсуството на Рафиња предизвика вистинска бура. Неговата сопруга не го криеше своето незадоволство:
„Како за Рафиња, кој постигна 62 гола на 64 натпревари оваа сезона, нема место во идеалните единаесет? Мислевте дека е кошаркар? Ова е голема неправда“.
Foto/ depositphotos
Natalia Rodrigues Belloli didn’t hide her frustration after Raphinha was left out of The Best FIFA Men’s XI 😡👀
🗣 '62 G/A… But he didn’t deserve to be included in the XI' pic.twitter.com/si9Hqc8YsY
— OneFootball (@OneFootball) December 16, 2025

