Официјално започна ерата на Новак и Енди, судејќи според сликите кои кружат на социјалните мрежи објавени од Австралија опен.

Српскиот тенисер, во понеделникот пристигна во Мелбурн, на својот омилен Грен слем, откако неодамна беше поразен во Бризбејн, во средата го одработи првиот тренинг со својот нов тренер.

Поранешниот британски тенисер не беше во „боксот“ на Новак за време на турнирот во Бризбејн, бидејќи беше на одмор и сега е подготвен да му помогне на Ѓоковиќ во „ловот“ на 25. Грен слем титула.

Објективот на камерата ги сними Ѓоковиќ и Мареј за време на нивниот прв тренинг во Мелбурн, а официјалните канали на Австралија опен ја споделија снимката и открија поглед од почетокот на соработката меѓу двајцата големи пријатели, додека од другата страна на мрежата, во улога на спаринг партнер беше Џејк Дрејпер.

Отвореното првенство на Австралија се игра од 12. до 26. јануари.

What we have all been waiting for…

Andy Murray has arrived in Melbourne to begin his partnership with Novak Djokovic 🤝#AO2025 pic.twitter.com/sk8tf4CwiM

— #AusOpen (@AustralianOpen) January 7, 2025

Луис Суарез, легендарниот уругвајски фудбалер, покажа дека не е само херој на теренот.

Големиот ас направи восхитувачки подвиг во приватниот живот. Спречи маж да си го одземе животот.

Суарез, кој моментално настапува за Интер Мајами, ја искористи паузата за да замине на одмор во родниот Уругвај. Наишол на човек кој закачил јаже од дрво и се подготвувал да се обеси.

Рекол дека ќе се самоубие доколку не се појави неговата девојка. На местото случајно се појавил Суарез и по неколкучасовно убедување заедно со сопругата и неколку полицајци успеале да го одвратат мажот од намерата.

Суарез за репрезентацијата на Уругвај одигра 143 натпревари и постигна 69 голови. Во блескавата кариера во Европа ги носеше дресовите на Ајакс, Ливерпул, Барселона и Атлетико Мадрид.

🙏Luis #Suárez colaboró en el rescate de un hombre que intentó quitarse la vida en Uruguay 🇺🇾

📌El delantero y su esposa Sofia Balbi, dialogaron y lograron persuadir al sujeto junto a las fuerzas de seguridad

📌El hombre se encontraba colgado en un árbol a seis metros de altura… pic.twitter.com/ajA36FKKD9

— doble amarilla ⭐️⭐️⭐️ (@okdobleamarilla) January 5, 2025

Девет натпревари се одиграа изминатата ноќ во НБА лигата. Вистински трилер одиграа Сакраменто и Мајами, славеа домќините по две продолженија со 123:118. Јанис Адетокмбо забележа трипл-дабл против Торонто, а Далас без Лука Дончиќ доживеа нов пораз.

Адетокумбо, во првиот дел го повреди малиот прст на раката, замина во соблекувалната, доби три конци и се врати на теренот. Гркот мечот го заврши со 11 поени, 12 скока и 13 асистенции.

Инаку, Милвоки во Торонто победи по едно продолжение со 128:104.

Можеби најинтересниот натпревар ко одиграа Минесота и Лос Анџелес Клиперс, кој заврши со резултат 108:106.

За гостинскиот тим добар натпревар одигра хрватскиот центар Ивица Зубац со 16 поени и 16 скока.

Покрај Зубац, кај поразениот тим најефикасен беше Норман Пауел со 25 поени и шест скока, додека Џејмс Харден постигна 22 поени.

За победничкиот тим Ентони Едвардс имаше неверојатна партија со 37 поени, Нез Рид постигна 18 поени, додека Донте Дивиченцо натпреварот го заврши со 18 поени и девет скока.

Кошаркарите на Далас Маверикс ја продолжија серијата порази по натпреварот против Мемфис Гризлис со резултат 119:104.

Покрај Дончиќ, отсуствуваше и Кајри Ирвинг, па во нивно отсуство најефикасен беше Вашингтон со 17 поени и десет скока, а Маршал постигна поен помалку.

Кај Мемфис, Џеред Џексон Јуниор беше најрасположениот играч на теренот и натпреварот го заврши со 35 поени и 13 скока, Скоти Пипен постигна 18 поени.

Чикаго Булс славеа во дуелот со Сан Антонио Спарс 114:110. Никола Вучевиќ имаше уште една добра партија, постигнувајќи 24 поени и 11 скока во победата на Чикаго. Најдобар играч беше Зек Левин со 35 поени и десет скока, а Коби Вајт постигна 23 поени.

За Сан Антонио, Виктор Вембањама постигна 23 поени и 14 скока, додека Крис Пол додаде 18 поени и девет скока.

Во најинтересниот натпревар на вечерта Сакраменто Кингс го совлада Мајами Хит со 123:118 по две продолженија. Мајами имаше 17 поени предност (95:78) на осум минути до крајот на натпреварот, но Кралевите успеаја да израмнат на 102:102 и да изборат дополнителни пет минути кошарка.

ДеМар Дерозан со 30 поени го предводеше победничкиот тим, Домантас Сабонис постигна 21 поен, 18 скока и 11 асистенции, додека Малик Монк постигна 23 поени.

Кај Мајами Тајлер Херо постигна 26 поени, а Хамес Јакез Јуниор имаше трипл-дабл учинок со 16 поени, 12 скока и 10 асистенции.