Бразилскиот фудбалер Нејмар изјави дека бил на прагот да потпише договор со Флуминенсе, но на крајот решил да остане во Сантос до истекот на договорот.

Нејмар има договор со Сантос до 30 јуни оваа година. Бразилските медиуми објавуваат дека Нејмар има понуди од неколку клубови, но дека сè уште не одлучил каде ќе ја продолжи кариерата.

„Бев блиску до потпишување за Флуминенсе за Светското клупско првенство. Решив да останам во Сантос и да се опоравам бидејќи сè уште не сум 100 проценти подготвен. Сакам да бидам во најдобра форма што е можно поскоро“, изјави Нејмар за бразилскиот ESPN.

Нејмар (33) пристигна во Сантос на 30 јануари оваа година од Ал Хилал. Пред Ал Хилал, тој играше за Пари Сен Жермен, Барселона и Сантос.

Нејмар одигра 12 натпревари за Сантос оваа година и постигна три гола.

Флуминенсе игра во групата Ф на Светското клупско првенство со Улсан, Мамелоди и Борусија Дортмунд.

Шампионот на Македонија, фудбалскиот клуб Шкендија, дозна против кого ќе игра во второто квалификациско коло во Лигата на шампионите. За да дојде до втората рунда, Шкендија најпрвин ќе треба да го елиминира ТНС од Велс во првото коло.

Доколку Шкендија го мине ТНС, во втората рунда ја очекува исклучително тежок противник ФЦСБ (поранешна Стеауа).

Романскиот тим е апсолутен фаворит во првата рунда против тимот од Андора, Ескалдес.

Второто квалификациско коло ќе се игра на 22/23, односно 29/30 јули.

Лига на шампиони, 2.коло:

Левадија/РФС – Иберија/Малме
Жалгирис/Хамрун Спартанс – Динамо Киев
Пафос – Макаби Тел Авив
Викингур/Линколн – Црвена звезда
Ное/Будуќност – Ференцварош
Лех Познањ – Игнација/Брајдаблик
Копенхаген – Диферданж/Дрита
Риека – Лудогорец/Динамо Минск
КуПС/Милсами – Олимпија/Каират

Бран – Салцбург
Викторија Плзен – Сервет
Ренџерс – Панатинаикос

Само еден ден откако од Босна пристигна веста дека нема да играат во АБА лигата следната сезона, се случи (не)очекуван пресврт и политичка реакција.

Босна беше најдобра во АБА 2 лигата оваа година избори директен пласман во елитната група. Сепак, клубот, призна дека нема средства за да се натпреварува во АБА лигата.

Министерот за култура и спорт на кантонот Сараево, Кенан Магода изјави дека е постигнат договор, а на состанокот одржан во вторникот присуствуваше и премиерот на Федерацијата на Босна и Херцеговина, Нермин Никшиќ.

Босна ќе добие финансиска помош од политичката елита и нема да игра во Скендерија – нејзин нов дом ќе биде салата Зетра.

„Крунската инвестиција од претходните две години беше освојувањето на АБА 2 лигата и пласманот во елитата. Денес, на инсистирање на премиерот Нермин Никшиќ, имавме успешен состанок во зградата на Владата на Федерацијата на Босна и Херцеговина и ги отстранивме сите сомнежи. Сомнежот беше спортската сала каде што ќе се играат натпреварите. Владата на кантонот Сараево одвои историска сума, а Владата на БиХ ќе го продолжи трендот преку компаниите што ги поседува. Босна сигурно ќе биде сериозен играч на регионалната кошаркарска сцена, ќе славиме и ќе тагуваме заедно“, изјави Магода.

Најавата дека Босна нема да игра во АБА лигата непријатно ги изненади не само навивачите, туку и институциите што силно го поддржуваа клубот. Меѓу нив беше и министерот Магода, кој веќе имаше договор вреден 1,2 милиони марки (600.000 евра) подготвен да го поддржи клубот во неговото враќање на регионалната сцена.

Следната сезона, АБА лигата би можела да има дури 20 екипи, но форматот на натпреварувањето сè уште не е официјално објавен, како и клубовите што ќе имаат можност да се натпреваруваат.