Спорт
СЕХА-лигата се проширува со Стеауа
Извршниот одбор на СЕХА Газпром лигата одлучи да ја прошири регионалната ракометна лига со уште еден 10-ти клуб, ЦСА Стеауа од Букурешт, инаку актуелни вице-шампиони на Романија.
„Многу сме задоволни што го избравме и десеттиот учесник на СЕХА-лигата. …


Извршниот одбор на СЕХА Газпром лигата одлучи да ја прошири регионалната ракометна лига со уште еден 10-ти клуб, ЦСА Стеауа од Букурешт, инаку актуелни вице-шампиони на Романија.
„Многу сме задоволни што го избравме и десеттиот учесник на СЕХА-лигата. Стеауа е двократен европски шампион со богата историја и се надевам дека натпреварите во главниот град на Романија ќе привлечат многу фанови“, Михајло Михајловски, претседателот на Лигата.
Ова е осма сезона на регионалното натпреварување на кое редовни учесници се македонските Металург и Вардар, а лигата почнува на 28 август, иако распоредот уште не е утврден.
СЕХА-ЛИГА, 2018/19
Вардар (Мкд)
Металург (Мкд)
Извиѓач (БиХ)
Мешков Брест (Блр)
Нексе (Хрв)
ППД Загреб (Хрв)
Стеауа Букурешт (Ром)
Татран Прешов (Свк)
Војводина (Срб)
Железничар (Срб)
It’s official! #SEHALeague is welcoming #SteauaBucuresti in it’s 8th season! #Gazprom ???
Read more about it here: https://t.co/oZK13skq82— SEHA-GAZPROM LEAGUE (@SEHALeague) August 14, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шефот на Мекларен: Ферстапен е во право

Андреа Стела, шефот на Мекларен во Ф1, рече дека Макс Ферстапен бил во право кога зборувал за „папаја“ тимот.
Оваа сезона, како што сите очекуваа, Мекларен е најдоминантниот тим со 11 победи во 14 одржани трки и тие имаат значителна предност и во битката за титулата кај возачите и конструкторите.
Со десет трки што остануваат до крајот на сезоната, Мекларен се чини дека има сè во свои раце за двојна круна, а Ферстапен неодамна тврдеше дека „папаја тимот“ има голема предност во кривините.
„Тоа е едноставно лесен одговор кога ќе ги погледнете податоците. Само споредете ги брзините на кривините (ниски и средни брзини) и ќе видите колку е брз Мекларен. Значи, Макс Ферстапен е во право“, рече Андреа Стела.
И покрај нивната доминантна позиција, шефот на Мекларен вели дека до успехот нема да дојдат по пократок пат.
„Сè уште имаме слаби точки. Да ги погледнеме кривините каде што влегувате со голема брзина, како Копс во Силверстоун или Пуон во Спа. Не сме најбрзи. Сепак, ги знаеме кривините каде што се освојуваат титули и таму сме најбрзи“, рече Стела.
Спорт
Манчестер јунајтед го отпиша Хојлунд

Манчестер јунајтед го отпиша Расмус Хојлунд (22), данскиот напаѓач кого го донесе од Аталанта пред две години за речиси 80 милиони евра.
Данецот не беше во составот за вчерашниот натпревар против Арсенал во Премиер лигата. На овој начин менаџерот Рубен Аморим и клубот му испратија јасна порака дека за него нема место на „Олд Трафорд“.
Јунајтед е отворен и за перманентен трансфер и за позајмица, а Хојлунд ќе ги разгледа достапните опции, известува Лори Витвел. На 95 настапи, тој постигна 26 гола за Јунајтед.
Најголем интерес за Хојлунд покажува Милан, а според некои медиуми не се исклучува можноста тој да се врати во Аталанта.
Спорт
(Видео) Дебакл на Сантос, Нејмар со плачење го напушти теренот

Синоќа, Сантос претрпе тежок пораз од Васко де Гама со 0:6 на домашен терен, 20-то коло од елитниот ранг на бразилското првенство. Резултатот влезе во историјата како највисока победа на Васко над Сантос и најголема гол-разлика во речиси сто години од натпреварите на овие клубови.
Гостите од Рио де Жанеиро поведоа во 18-та минута со голот на Лукас Питон. Домашната одбрана потоа се распадна: Давид постигна гол во 52-та, Филипе Кутињо во 54-та и 61-та, Рајан постигна гол од пенал во 59-та, а Тче Тче ги постави конечните 0:6 во 67-та минута.
Победата го извлече Васко од зоната за испаѓање, а Сантос остана два бода над нив. Нејмар, најголемата ѕвезда на Сантос на теренот не можеше да ги скрие солзите.
По натпреврот, Сантос го отпушти тренерот Клебер Ксавиер,
Васко му го расипа посебниот ден на Нејмар. Имено, ова беше 250-ти натпревар на 33-годишната ѕвезда за Сантос, клубот каде што ја започна својата кариера. Нејмар постигна три гола на 11 лигашки настапи оваа сезона.
Фото/ Принтскрин