Спорт
Скандалот во Спортинг добива национални димензии
Португалската полиција уапси неколку официјални лица на фудбалскиот клуб Спортинг Лисабон поради корупција, откако навивачите на клубот лути влегоа на тренинг-терените на клубот и ги нападнаа играчите.
Според „Ројтерс“, полицијата истражува „активна ко…


Португалската полиција уапси неколку официјални лица на фудбалскиот клуб Спортинг Лисабон поради корупција, откако навивачите на клубот лути влегоа на тренинг-терените на клубот и ги нападнаа играчите.
Според „Ројтерс“, полицијата истражува „активна корупција во спортот“, а операцијата има кодно име „Кешбол“, а иако не го именува Спортинг како клуб под истрага, локалните медиуми објавија фотографии од полицијата на стадионот „Алваладе“ во Лисабон и додадоа дека има сомнежи за местење на мечеви во ракометот и во фудбалот со нудење на пари на судиите и играчите.
Андре Жералдес, еден од клучните соработници на претседателот на Спортинг, Бруно де Карваљо е меѓу уапсените, кои достигнаа бројка од 21.
Фановите на Спортинг беа лути поради неуспехот да се квалификуваат за Лигата на шампионите и неколку фудбалери и членови на тимот, вклучувајќи го холандскиот интернационалец Баст Дост беа повредени во нападот.
Спортинг, каде што игра и македонскиот репрезентативец Стефан Ристовски, оваа година е мета на неколку скандали. По еден меч од ЛШ, претседателот Карваљо суспендираше 19 членови на првиот тим поради лоши перформанси.
Се јави и претседателот на Португалија, Марсело Ребело де Соуса, кој побара целосно разјаснување на сите скандали во фудбалот, посебно пред Светското првенство во Русија.
Хаос во Спортинг, тренерот суспендиран, играчите со закани кон клубот
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Абрамович: Сакам само едно вистинско збогум со навивачите на Челзи

Поранешниот сопственик на Челзи, Роман Абрамович, изјави дека се надева на „соодветно збогување“ од навивачите на клубот. Вистонското „збогум“ не го доживеа бидејќи беше принудан да го продаде клубот во 2022 година.
Поради неговите блиски врски со рускиот претседател Владимир Путин, англиската влада го означи Абрамович како „персона нон грата“ и повеќе немаше место за него во екосистемот на Премиер лигата.
Абрамович долго време го нема во јавноста, последен пат даде интервју за Форбс во 2021 година и досега ниту еден медиум немаше можност да разговара со рускиот тајкун.
Ова му успеа на Ник Пуревал, кој неодамна ја објави книгата „Санкциониран“, која се занимава со сите досега непознати детали за продажбата на Челзи од страна на Абрамович.
Во еден дел, Роман вели дека не планира никогаш повеќе да инвестира во фудбалски клуб и дека посакува еден ден, доколку се укаже можност, да се збогува со навивачите на Челзи на соодветен начин.
„Можеби еден ден ќе се појави ситуација каде што ќе можам да присуствувам на натпревар на Челзи и да се збогувам со навивачите на Челзи како што треба, но ништо повеќе од тоа“, рече Абрамович.
„Веќе не ме интересира да имам никаква улога во клуб, сигурно не во професионална смисла“, додаде човекот под чие водство Челзи ги постигна најголемите успеси во историјата, вклучително и освојувањето на две титули во Лигата на шампионите.
Спорт
(Видео) Нестварен кош за победа во Аргентина

Во третиот натпревар од четвртфиналето на плејофот од првенството на Аргентина, кошаркарскиот тим Феро ја победи Бока Јуниорс, најдобриот тим во лигашкиот дел од натпреварувањето, со резултат од 76:73, а решавачкиот момент е за приказната.
Гостинските играчи имаа напад за победа, не го реализираа, а по дефанзивниот скок, Емилијано Лескано постигна неверојатна тројка.
Дваесет и четиригодишниот плејмејкер ја фрли топката од својот рекет и таа заврши во кошот на градскиот ривал од Буенос Аирес со звукот на сирената.
Феро води во серијата со 2:1 и во следниот натпревар пред своите навивачи ќе има можност да ја комплетираат сензацијата и да го нокаутираат големиот фаворит.
Have you ever seen a better game-winning shot? 🤯pic.twitter.com/eEI1EgN1og
— BasketNews (@BasketNews_com) June 12, 2025
Спорт
(Видео) Сане во Истанбул пречекан како филмска ѕвезда

Германскиот фудбалер Лерој Сане (29) беше пречекан како холивудска ѕвезда на аеродромот во Истанбул од навивачите на Галатасарај.
На Сане му беше приредена добредојде, како на многу ѕвезди кои досега пристигнаа од еден од двата најголеми турски клуба во последните години.
Пристигнувањето на Сане во Истанбул претходната вечер беше фудбалска вест на денот во Турција.
За навивачите на Галатасарај, пристигнувањето на играчот на Баерн е првокласен спектакл што не треба да се пропушти, а огромен број од нив побрзаа на аеродромот многу порано за да бидат сведоци на пристигнувањето на Сане.
Nearly 1.5 million people tracked Leroy Sane's flight online as he landed in Istanbul ahead of his move to Galatasaray ✈️ pic.twitter.com/EEFTJzwrxH
— Sky Sports News (@SkySportsNews) June 12, 2025
„Санеманија“ го достигна својот врв уште пред слетувањето на германскиот фудбалер, за што најдобро сведочи фактот дека еден и пол милион луѓе го следеа летот на Сане од Германија до Истанбул во живо преку апликацијата „flight radar“.
Официјалниот „YouTube“ канал на Галатасарај ја забележа милионитата посета за време на емитувањето на добредојдето на новото засилување. Сане треба да постигне конечен договор со турскиот гигант во текот на денот.
Баерн сакаше да го задржи, му понуди продолжување на соработката, Винсент Компани дури го вклучи и на списокот на играчи на кои смета за Светското клупско првенство, но Сане имаше други планови.
Тој треба да потпише тригодишен договор со Галатасарај.