Спорт
Снајдер: Ја заслужив Златната топка, но историјата не може да се повтори
Познатиот холандски фудбалер Весли Снајдер смета дека бил ограбен пред 14 години и дека требало да ја добие Златната топка.
Во таа позната сезона 2009/2010, Интер на Жозе Мурињо ја освои „тројката“ – Лигата на шампионите, Серија А и Копа Италија.
Снајдер беше еден од главните играчи на „неро-аѕурите“, исто како и холандската репрезентација со која стигна до финалето на Светското првенство во Јужна Африка.
Потоа со голот на Андрес Иниеста во второто продолжение Шпанија ја освои единствената титула светски првак.
Поради сите овие напори многумина очекуваа Снајдер да ја освои „Златната топка“, но таа сепак му припадна на Лионел Меси.
Снајдер не беше ниту во првите тројца, бидејќи таму беа Иниеста и Чави Ернандез.
„Да, ја заслужив Златната топка, но сега тоа веќе не е важно. Историјата не може да се промени. Сепак, една работа е многу важна. Постојано ме прашуваат за тие работи. Поминаа повеќе од десет години, а луѓето се уште се разочарани од одлуката и ме сожалуваат. Тоа само по себе е веќе голем израз на благодарноста на навивачите кон мене. Огромен комплимент бидејќи тоа значи дека за фановите и новинарите ова прашање не е мртво, но сепак актуелно“, изјави Холанѓанецот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ибрахимовиќ: Јас сум лидерот, сите други работат за мене
Златан Ибрахимовиќ зборуваше за италијанските медиуми во пресрет на отворањето на новата сезона од Лигата на шампионите. Милан во новата сезона влезе со пораз од Ливерпул (1:3).
Ибрахимовиќ зборуваше за многу теми, а во еден момент му одговори на Звонимир Бобан, кој пред неколку дена изјави дека не му е јасна улогата што ја има Ибрахимовиќ во клубот.
„Моето отсуство? Кога лавот не е тука мачињата се главни. Кога лавот ќе се врати, мачињата исчезнуваат. Нивото е многу ниско, премногу се зборува, но јас мислам само на работа. Бев отсутен од лични причини. но јас сум тука од првиот ден Мојата улога е едноставна: јас сум лидерот, а сите други работат за мене“, рече Ибрахимовиќ.
Да потсетиме, Златан Ибрахимовиќ по завршувањето на кариерата стана советник во Милан.
Спорт
Ристовски: Ова е недозволиво, мораме што поскоро да го заборавиме овој пораз
Дебаклот на Динамо Загреб во Минхен е една од главните теми во фудбалските кругови, откако беа одиграни првите шест натпревар во новата сезона во Лигата на шампионите. .
Динамо загуби во Минхен од Баерн со 9:2, што е првпат една екипа да прими девет гола во најсилното натпреварување.
Стефан Ристовски беше особено депресивен по дебаклот. Тој е еден од најомилените играчи меѓу навивачите на Динамо не само поради неговите играчки квалитети, туку и поради неговата борбеност.
„Најпрво би сакал да им се извинам на сите навивачи на Динамо, се надевам дека ќе ни простат и ќе бидат со нас. Не е лесно да се биде пред новинарите и да се коментира по ваков пораз. Мора да бидеме свесни дека ние не го претставуваме само Динамо, туку и хрватскиот фудбал. Сега е најлесно да се впери прст во некого и да се каже дека некој е виновен. Само сплотени, заедно можеме да се извлечеме од оваа ситуација“, им изјави поранешниот македонски репрезентативец на новинарите и дополни.
„Што и да кажам сега е премногу и премалку. Кога губиш и примаш девет парчиња… Ние сме искусни и долго време играме заедно, ова е недозволиво. Динамо со години го гради својот имиџ и ова е неприфатливо за сите нас. Имам само едно барање, да останеме сплотени, само така можеме да одиме напред, се надевам дека ова нема да остави трага на домашното првенство. Менталниот фактор е тука, но соблекувалната мора што поскоро да заборави. Но, тешко е да се заборави. Времето не ни дозволува да размислуваме премногу за ова. Имаме натпревар во домашното првенство во сабота и се надевам дека ќе се покажеме во вистинско светло“.
Спорт
Дебакл – Динамо е првиот клуб кој примил девет гола во ЛШ
Фудбалерите на Динамо Загреб, синоќа во Минхен, го претрпеа најтешкиот пораз во својата богата историја. „Модрите“, во првото коло од Лигата на шампионите загубија од Баерн со 9:2.
По првите 45 минути на „Алијанц Арена“ беше 3:0 за Баварците и во тој момент беше јасно дека Баерн ќе слави убедлива победа. Во 50.минута Динамо постигна два гола, а потоа до крајот на мечот Баварците беа немилосрдни и сместија уште шесет топки во голот на Невестиќ.
Досега, играчите на Барселона постигнале осум гола на еден натпревар, кој го доби Баерн со 8:2 пред четири години, Монако го победи Депортиво со 8:3 во сезоната 2003/04, Реал го победи Малме со 8:0 во 2015 година, а Ливерпул во 2007 година. со ист скор славеше против Бешикташ.
Ова е исто така втор најефикасен натпревар во историјата на ЛШ. Рекордот го држи натпреварот помеѓу Борусија Дортмунд и Легија, кој заврши со резултат 8:4 во 2016 година.