Спорт
Солари: Во историјата не постои подобар клуб од Реал



Тренерот на Реал Мадрид, Сантијаго Солари, смета дека во историјата нема подобар клуб од неговиот и дека колегата од Манчестер сити, Пеп Гвардиола, направил намерна грешка кога не го ставил на листата на најдобри клубови во изминатата деценија.
Гвардиола пред два дена изјавил дека најдобрите европски клубови во последната деценија се Баерн Минхен, Јувентус и Барселона бидејќи секоја година се борат за трофеите во националните првенства и во Лигата на шампионите.
„Мислам дека направил намерна грешка. Нема сега да дебатираме дали Реал бил најдобар во изминатата декада бидејќи станува збор за најдобриот клуб во историјата“, рекол тренерот на клубот, кој под палката на Зинедин Зидан ги освои последните три титули во Лигата на шампионите.
Реал в четврток во Џирона ќе го одигра четвртфиналниот реванш во Купот на кралот. По првиот меч, Реал има предност 4:2.
„Ние и понатаму се бориме за три трофеи, сакаме да бидеме во игра до самиот крај. Поради тоа, играчите се подготвени да го дадат максимумот, подготвени се го остават срцето на терен. Не постои натпревар што не е тежок. Мораме да играме сериозно“, заклучил Солари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Обамејанг шоу против Гамбија – Постигна четири гола и доби црвен картон

Со убедлива победа на гости против Сејшелите, фудбалерите на Брегот на Слоновата Коска се доближија до пласман на Светското првенство, кое ќе се одржи во САД, Мексико и Канада од 11 јуни до 19 јули следната година.
Брегот на Слоновата Коска се први на табелата во групата Ф, попладнево победија со 7:0 против Сејшелите со головите на Сангаре (7-11м), Агбаду (17), Диаките (32), Гесанд (39), Диоманде (55), Адингра (67) и Кеси (90).
„Слоновите“ сега имаат 23 бода, еден повеќе од Габон, кој ја победи Гамбија со 4:3 како гостин во натпревар полн со пресврти. Габон водеше со 1:0 и 2:1, Гамбија направи пресврт на 3:2, но на крајот Габон сепак победи со 4:3.
Сите четири гола за Габон ги постигна ветеранот Пјер-Емерик Обамејанг (20, 42, 62, 78), но беше исклучен во 85-та минута поради втор жолт картон, додека стрелци за Гамбија беа Минтех (23) и Сидибех (45+2, 47).
За четири дена, Брегот на Слоновата Коска ќе има можност да го обезбеди Светското првенство со победа дома против Кенија, додека Габон, со победа против Бурунди, ќе мора да чека кикс на „Слоновите“, за да го обезбеди своето историско прво патување на Светското првенство.
Спорт
Младата репрезентација со пресврт до победа над Ерменија

Младата македонска фудбалска репрезентација ја забележа првата победа во квалификациите за пласман на Европското првенство во 2027 година.
Попладнево во Скопје, Македонија ја победи соодветната селекција на Ерменија со 2:1. Херој на победата беше стрелецот на двата гола, Димитар Трајков.
Македонските надежи со пресврт во второто полувреме дојдоа до првите бодови во Е групата. Ерменците имаа предност од 38-та минута кога погоди Ховханисијан.
Пресвртот го режираше напаѓачот на Работнички, Трајков, со головите во 54-та и 83-та минута.
Фото/ Фудбалска федерација на Македонија
Спорт
(Видео) Бразил ја декласира Јужна Кореја

Бразилската фудбалска репрезентација ја победи Јужна Кореја со 5:0 во пријателски натпревар одигран во Сеул.
Екипата на Карло Анчелоти ја демонстрираше својата сила против една од најдобрите азиски селекции.
Двојни стрелци за „селесао“ беа Естевао (13, 47) и Родриго (41, 49), додека еден гол постигна Винисиус Жуниор (77).
Со играта, Бразил потсети на најдобрите денови на оваа репрезентација, Родриго, Естевао, Куња, Винисиус правеа што сакаат на теренот.
Foto/ EPA