Спорт
Со новите победи ШК Алкалоид уште поблиску до одбраната на титулите
Машкиот и женскиот тим на ШК Алкалоид остварија уште по две нови победи на Екипните првенства на Македонија кои се одржуваат во Струмица.
Викендов, машкиот тим имаше уверливи победи против ШК Куманово и ШК Прилеп, два клуба кои имаат долга традиција како прволигаши и секогаш се незгодни противници кои атакуваат на некое од првите три места во елитната дивизија.
Во дуелот со ШК Куманово победата изразена како 5,5:0,5 беше остварена со стрплива игра, која според капитенот ВМ Влатко Богдановски била обележје на дуелот.
– Со зрела и стрплива игра играчите дојдоа до позиции кои им носат предност. Мечот започна со реми на шестата табла, каде што ВМ Јаќимовиќ во цајтнот не успеа да ја доврши започнатата жртва на најпрецизен начин. Сепак, по четири часа игра уследија победите на ВМ Ивиќ, ВМ Недев и ИМ Стојановски, а подоцна и ВМ Инѓиќ и ИМ Панчевски ја покажаа својата класа добивајќи ги завршниците, со што беше извојувана висока победа.
Подеднакво макотрпен беше трудот на „фармацевтите“ и во дуелот со ШК Прилеп.
– Повторно, без одлучена партија во првите три часа, па ВМ Недев ремизираше на третата табла во нешто подобра ситуација, но со мали можности да игра на победа. Противниците парираа во остра и неизвесна борба на првите две табли, па победите почнаа да се нижат откако ИМ Тони Лазов прв го скрши отпорот на противникот благодарение на прецизно и постапно маневрирање. Потоа, ИМ Филип Панчевски кој наиде на сериозен отпор и одлична игра на ветеранот Стевче Георгиевски, ја реши партијата само благодарение на една мала непрецизност на противникот во финишот, по што тој западна во проблеми со времето за игра. Подеднакво високо техничко ниво демонстрираше и ИМ Дејан Стојановски, кој со мала предност влезе во завршница но во негов стил со прецизна игра стигна до уште една победа. Во финишот, ВМ Ивиќ донесе уште еден триумф покажувајќи големо тактичко умеење, додека на првата табла ВМ Инѓиќ по шест часа игра против жилавата одбрана на противникот западна во цајтнот, но успеа сепак успеа да ремизира,- додава ВМ Богдановски.
Во останатите мечеви од 5.коло ШК Шкупи – ШК Штајниц 3:3,. ШК Гамбит Асеко СЕЕ – ШК Анапсан СЕС 5:1 и ШК Гостивар – ШК Куманово 3:3. Слободен беше тимот на ШК Пелагон. На табелата, ШК Алкалоид има 8 бода, но од четири дуели, додека второпласираниот во моментов ШК Гамбит има исто толку, но ќе биде слободен во последното коло.
На мечевите во женска конкуренција ситуацијата е слична, каде што „дамите“ прокнижија две победи над ШК Шах шех од 4:0 и над Гамбит Асеко СЕЕ со 3,5:0,5 Во првиот случај, ЖФМ Стојковска, ЖИМ Коскоска, ЖФМ Секуловска и Ефтовска забележаа заслужени победи, а во вториот меч. Во вториот случај, ВМ Бела Котенашвили и ИМ Саломе Мелиа ги решија првите две табли, додека Секуловска ремизираше, a Ефтовска го прослави роденденот со победа.
ШК Алкалоид има 10 бода по 5 кола, а со подеднаков износ се и шахистките на МШК Центар, па директниот дуел во последното 7. коло во вторник ќе биде пресуден за титулата.
ПР текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал подготвен да плати 150 милиони евр за Вирц
Флорентино Перез наредното лето е подготвен да го урне клупскиот трансфер рекорд. Германските медиуми тврдат дека Реал Мадрид ќе го донесе Флоријан Вирц. Според овие извори, Перез го означил Вирц како следен „галактикос“.
Реал Мадрид за трансферот на Вирц е подготвен да му плати на Баер Леверкузен 150 милиони евра.
Реал Мадрид со овој трансфер би го соборил рекордот, кој се уште го држи Еден Азар. Белгиецот пристигна од Челзи за 120 милиони евра, додека трансферто на Џуд Белингем од Борусија Дортмунд чинеше 113 милиони.
Вирц како момче бил навивач на Барселона, никогаш не криел дека Лионел Меси му е идол, но се чини дека би можел да тргне по патот на Лука Модриќ и Иско, кои исто така во детството биле навивачи на каталонскиот клуб.
Клучна улога би можел да има Чаби Алонсо, кој моментално му е тренер на Вирц во Баер Леверкузен, а наводно и тренерот би можел наредното лето да се пресели во Мадрид доколку замине Карло Анчелоти чии договор истекува во јуни 2025 година.
Спорт
(Видео) Ливерпул за полувреме го реши Борнмут, со пресврт победија Тотенхем и Астон Вила
Ливерпул се врати на победничките патеки во Премиер лигата, полувреме му беше довволно за победа над Борнмут, Тотенхем се пресврт во градското дерби го победи Брентфорд, истото го направи и Астон Вила во локалното дерби против Вулвс, Евертон и Саутемптон ги освоија првите бодови но не и победи во сезоната. Фулам го победи Њукасл.
Резултати:
Астон Вила – Вулверхемптон 3:1 (0:1)
Воткинс 73, Конса 89, Дуран 90+5 – Куња 25
Фулам – Њукасл 3:1 (2:0)
Хименез 5, Смит-Роу 22, Неслон 90+2 – Барнс 46
Лестер – Евертон 1:1 (0:1)
Мавидиди 73 – Ендиа 12
Ливерпул – Бурнемаут 3:0 (3:0)
Диас 26, 28, Нунес 37
Саутемптон – Ипсвич 1:1 (1:0)
Диблинг 5 – Морси 90+5
Тотенхем – Брентфорд 3:1 (2:1)
Соланки 8, Џонсон 28. Медисон 85 – Мбеумо 1
Спорт
(Видео) Баерн среде Бремен го декласира Вердер
Фудбалерите на Баерн Минхен откако во вторникот го демилираа Динамо Загреб со 9:2 во Лигата на шампионите, забележаа убедлива победа и во Бундес лигата. Во рамките на четвртото коло, во Бремен, Баерн го победи Вердер со 5:0.
На „Везер“ стадионот во Бремен, блескаше Мајкл Олисе, засилувањето на Баерн од Кристал Палас. Францускиот репрезентативец, во победата учествуваше со два гола и асистенција. Погоди во 23. и 60.минута.
По гол за Баерн постигнаа Мусијала, Кејн и Гнабри.
🚨🇩🇪 GOAL | Werder Bremen 0-5 Bayern Munich | Serge Gnabry
SERGE GNABRY MAKES IT FIVE !!!!!!!pic.twitter.com/LA5eLhKFCc
— Tekkers Foot (@tekkersfoot) September 21, 2024
Резултати:
Бохум – Кил 2:2 (2:1)
Беро 22, Данер 35 – Пихлер 15, Макино 89
Хајденхајм – Фрајбург 0:3 (0:0)
Доан 54, Грифо 59, 65
Унион Берлин – Хофенхајм 2:1 (2:0)
Рота 4, Џеонг 6 – Битлер 67
Вердер Бремен – Баерн Минхен 0:5 (0:2)
Олисе 23,60, Мусиала 32, Кејн 57, Гнабри 65
18.30 Ајнтрахт Франкфурт – Борусија Мехенгладбах