Спорт
Со „Среќна 13-ка“ на „Спорт лајф“ секој месец добивки до 120 илјади денари

Во обложувалниците на Спорт Лаиф, во тек е акцијата „Среќна 13-ка“, која може да ви донесе премија и до 120 000 денари. Истата ќе се одвива во месечни етапи сѐ до 30 јуни наредната 2025 година.
Акцијата се однесува на тикетите на кои се типувани и погодени 13 натпревари, со минимален коефициент по натпревар од 1,4 и со минимална уплата од 20 денари.
На крајот на секој месец, ако двајца или повеќе обложувачи имаат погодено 13 натпревари на тикет од исто толку типувани, за победник ќе се смета играчот со повисок погоден коефициент на добитниот тикет. Првопласираниот ќе освои 120.000 денари, додека второ и третопласираните 60.000 и 20.000 денари, за секоја месечна етапа посебно.
Акцијата важи исклучиво за несистемски тикети, односно за тикети со една комбинација, и тоа регистрирани со SL клуб-картичката, а во понудата на натпревари се опфатени и натпреварите „Во живо“ и натпреварите од понудата „Супер тип“.
Резултатите и тековните рангирања на обложувачите од „Среќна 13-ка“, можете да ги следите на веб страницата на Sport Life.
ПР текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
18-годишникот на Мерцедес собори два рекорди на Ферстапен

Големата награда на Јапонија засекогаш ќе ја памети 18-годишниот возач на Мерцедес, Андреа Кими Антонели. Младиот Италијанец на крајот го освои шестото место, но собори и два рекорди кои претходно ги држеше Макс Ферстапен, победникот на Јапонското ГП и актуелен четирикратен шампион во Формула 1.
Првиот рекорд што го собори беше оној за најмлад возач кој водел на трка. Антонели тоа го постигна со влегување во боксот последен од сите возачи од горниот дел од поредокот, па пред да застане да менува гуми беше во водство неколку круга.
Ферстапен за прв пат во кариерата водеше кога имаше 18 години и 228 дена, а Антонели беше четири дена помлад на денешната трка на патеката во Сузука.
Антонели го собори вториот рекорд веднаш по враќањето од боксот со нови гуми.
Италијанецот го постави најбрзиот круг и стана најмладиот возач во историјата со најбрз круг на трка. И тука рекордер беше Ферстапен, со тоа што за прв пат го имаше најбрзиот круг на 19 години.
По првите три трки од дебитантската сезона, Антонели е на петтото место во генералниот пласман со 30 бодови.
Спорт
(Видео) Јанис со трипл-дабл ја реши драмата во Мајами

Милвоки Бакс, по едно продолжение победи Мајами Хит со 121:115. Со оваа победа тимот од Висконсин обезбеди пласман во плеј-офот на НБА лигата, а апсолутен херој беше Јанис Адетокумбо.
„Грик Фрик“ оствари нов трипл-дабл, овојпат со 36 поени, 15 скока и десет асистенции.
Со тоа Адетокумбо му се закани на Никола Јокиќ во трката за МВП, а според некои проекции би можел да го загрози и неговото второ место на таа листа.
Натпреварто беше неизвесен до самиот финиш, а во последната минута беше 109:109.
Потоа Кајл Андерсон им донесе предност на домашните од линијата за слободни фрлања, но Брук Лопес обезбеди продолженија за Милвоки.
Во дополнителното време разликата ја направи серија на Милвоки од 8:0.
Покрај Јанис, 24 поени постигна Кевин Портер Јуниор, а на другата страна најмногу се истакна Бем Адебајо со 31 поен, 12 скока и пет асистенции.
Хит играа без Тајлер Хиро, Ендрју Вигинс и Кевин Лав.
Резултати:
Филаделфија – Минесота 109:114
Детроит – Мемфис 103:109
Мајами – Милвоки 115:121
Клиперс – Далас 135:104
Спорт
Македонските борци во финалето на MFC 21 во Црна Гора – Марко Трајановски и Вања Гавриловски

Шанса за уште две златни медали за Македонија!
Двајцата претставници од Македонија, Марко Трајановски и Вања Гавриловски, се пласираа во финалето на MFC 21 (Montenegro Fighting Championship), кое ќе се одржи на 6 април 2025 година во Бар, Црна Гора.
По доминантната победа на Марко Трајановски против претставникот на Австрија, Франческо Батистата, тој ќе се соочи со домашниот борец Алекса Зујовиќ во категорија до 88.4 кг. Од друга страна, Вања Гавриловски ќе влезе во октагонот против Урош Вучиниќ, исто така од Црна Гора, во категорија до 70.3 кг.
Финалните борби ќе се пренесуваат во живо на Adriatic Sport Live TV, со почеток од 19:00 часот.