Спорт
Суарез Наваро ја елиминираше Шарапова
Карла Суарез Наваро, втор пат во кариерата успеа да слави против Марија Шарапова и се пласираше во четврт-финалето на Флешинг Медоуз. Шпанката со победа над петкратната победничка во Њујорк го прослави својот 30.роденден.
Суарез Наваро, од почетокот го…
Карла Суарез Наваро вторпат во кариерата успеа да слави против Марија Шарапова и се пласираше во четврт-финалето на Флешинг Медоуз. Шпанката со победа над петкратната победничка во Њујорк го прослави својот 30. роденден.
Суарез Наваро, од почетокот го наметна својот ритам, играше многу агресивно, бргу стигна до предност од 5:2, а иако Шарапова успеа да врати еден брејк, сепак Шпанката го заврши сетот со 6:4.
Во вториот сет Суарез Наваро прва направи брејк, потоа возврати Шарапова, но тоа беше сè од Русинката на овој меч. Суарез Наваро до крајот уште еднаш и го одзеде сервисот и успеа да ја заврши работата во два сета.
Противничка на Суарез Наваро ќе и биде финалистката од минатата година, Медисон Киз. Американката за само 77 минути успеа да ја декласира Доминика Цибулкова од Словачка со 6:1, 6:3.
Уште една четврт-финална двојка формираа Наоми Осака и Лесија Цуренко. За двете пласманот во четврт-финалето е најголемиот успех на гренд-слем турнирите.
Осака, во осмина-финалето ја победи Белорусинката Сабаленка со 6:3, 2:6, 6:4, а три сета одигра и Цуренко против Вондрусова. Украинката на крајот победи со пресврт 6:7, 7:5, 6:2.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Победата на Реал во сенка на повредата на Карвахал
Реал Мадрид го победи Виљареал со 2:0 во деветотот коло, во Примера. Со овој триумф Реал се изедначи на првото место со Барселона, која утре му гостува на Алавес.
Реал ја потона „жолтата подморноца“ со две торпеда, на Валверде во 14. и Винисиус Жуниор во 73.минута. Виљареал имаше свои шанси кои не ги искористи. Пеп во првото полувреме веднаш по голот на Валверде ја погоди гредата. Во финишот добија пенал, но судијата го поништи откако ВАР покажа дека на пеналот му претходел офсајд.
Интересно Реал на овој натпревар упати само три удари во рамките на голот, два од нив завршија зад грбот на Кунде.
Реал победи, но прашање е колку скапо ја плати победата. Винисиус Жуниор во 78.минута поради повреда на рамото го напушти теренот, а во самиот финиш на натпреварот се повреди и Карвахал, кој мораше да биде изнесен од теренот.
Спорт
(Видео) Три гола на Турам, Интер го победи Торино
Интер го победи Торино с 3:2 во последниот натпревар од саботната програма во Серија А. Интер ја забележа четвртата победа сезонава, а Торно вториот пораз.
Победата на Интер му ја донесе Маркус Турам кој го постигна првиот хет-трик во Серија А. Работата на актуелниот пампион му ја олесни Марипан кој во 20.минута доби црвен картон.
Пет минути подоцна предноста од играч повеќе Интер ја искористи кога Турам го постигна првиот гол. 11.минути подоцна францускиот репрезентативец го постигна вториот гол. Асистент за двата гола беше Бастони.
Само што тргнаа од центарот гостите успеаја да намалат на 2:1 преку Колумбиецот Дуван Запата. По еден час игра Тирам го комплетираше хет-трикот. До крајот на натпреварот, Торино преку Влашиќ од пенал го намали резултатот.
Спорт
(Видео) Јокиќ им одржа говор на играчите на Мега по победата над Дубаи
Дубаи во саботата беше местото за повторното обединување на Никола Јокиќ и клубот во кој за него започна се во неговата кариера.
Кошаркарите на Мега направија мало изненадување, во драматичен натпревар го победија Дубаи со 83:80, а сведок на овој натпревар беше центарот на Денвер, Никола Јокиќ.
Српскиот репрезентативец во Емирсти е со Денвер на мини-турнеја во претсезоната, а во „Кока-кола“ арената му се придружија и неговите соиграчи Дарио Шариќ и Влатко Чанчар До Јокиќ седеше првиот човек на Мега, еден од најмоќните менаџери во кошарката, Ражнатовиќ.
По натпреварот Јокиќ во соблекувалната им одржа краток говор на младите играчи на Мега, кои беа воодушевени од присуството на официјално најдобриот играч во НБА лигата.
„Задоволство ми беше да ве гледам, посакувам уште да ја имам таа желба и таа радост што вие ја имавте денес“.
Овој момент КК Мега го сподели на своите социјални мрежи.
“I wish I still had that joy and enthusiasm that you showed today” 😂🩷 pic.twitter.com/aIgM2R6D8I
— KK Mega (@KKMegaBasket) October 5, 2024