Спорт
Судијата од натпреварот Интер-Јувентус побарал полициска заштита
Даниеле Орсато, арбитарот кој го судеше дербито Интер-Јувентус, неколку дена по натпреварот се уште трпи критики, особено од навивачите на Интер.
Јувентус победи во Милано, иако Интер до 87.минута имаше водство 2:1. Мислењата, околу арбитражата на Орса…
![](https://makfax.com.mk/wp-content/uploads/2018/05/70a765a735b1dd8d57e5dc9cca2e4178.jpg)
![](https://makfax.com.mk/wp-content/uploads/2018/05/70a765a735b1dd8d57e5dc9cca2e4178.jpg)
Даниеле Орсато, арбитерот што го судеше дербито Интер-Јувентус, неколку дена по натпреварот сè уште трпи критики, особено од навивачите на Интер.
Јувентус победи во Милано, иако Интер до 87. минута имаше водство 2:1. Мислењата за арбитражата на Орсато се поделени, а најголем дел одат во насока дека тој тешко го оштетил Интер.
Незадоволните навивачи на Интер му испраќаат заканувачки пораки поради што тој побарал полициска заштита.
„Моите деца се исплашени и не сакам да бидам загрижен за нивната безбедност“, рекол Орсато за „Кориере дел венето“.
Весникот пишува дека семејството е загрижено дека може да биде нападнато во нивниот дом во близина на Венеција.
„Дали сме исплашени? Па зарем не гледаат во каква состојба сме“, рекла сопругата на Орсато.
Даниеле Орсато во 15. минута му додели директен црвен картон на Матијас Весино поради опасниот старт врз Марио Манџукиќ, а во второто полувреме пропушти да му го покаже вториот жолт картон на Миралем Пјаниќ.
Пресвртот против Интер доби значење ден подоцна кога Фиорентина го порази Наполи со 3:0, а Јувентус ја зголеми предноста во однос на екипата до Неапол на четири бода.
До крајот на сезоната во Серија А остануваат уште три кола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Димитирјевиќ замина од УНИКС, следна станица Милано
![](https://makfax.com.mk/wp-content/uploads/2024/06/maxresdefault-1.jpg)
Македонскиот кошаркар Ненад Димитријевиќ по две години го напушти УНИКС, соопшти рускиот клуб.
Како што соопшти клубот од Казан, 26-годишниот репрезентативец на Македонија е слободен да избере каде ќе ја продолжи кариерата.
Во претходните две сезони Димитријевиќ беше најдобар играч на клубот и во ВТБ лигата. Тој одигра вкупно 50 натпревари во ВТБ лигата со просек од 18,6 поени, 3,6 скока и 1,2 украдени топки на 30 минути игра.
Италијанските медиуми објавија дека Димитријевиќ веќе има договор со челниците на Олимпија и дека до крајот на неделата ќе стане член на клубот од Милано.
Спорт
(Видео) Австрија пресилна за Полска – Прв триумф за Австрија, втор пораз за Полска на ЕП
![](https://makfax.com.mk/wp-content/uploads/2024/06/12317338.jpg)
Австрија ја победи Полска со 3:1, во Д групата на Европското првенство во Германија. Австријците со оваа победа се доближија до осминафиналето, додека на Полска ќе и треба чудо во последното коло за да избори место во нокаут фазата.
Австрија во овој момент е посилна селекција од Полска и тоа го покажа на терент на Олимпискиот стадион во Берлин.
Траунер го постигна првиот гол во деветтата минута, но Полјаците успеаја да изедначат преку Пјонтек по половина час игра.
Конечниот удар Австријците го зададоа во втората половина од второто полувреме. Баумгартнер во 66.минута со гол ја заврши одличната тимска акција,а 12 минути подоцна Сабицер избори пенал. Сигурен реализитор беше Арнаутовиќ.
Во последното коло Австрија ќе игра против Холандија, а Полска против Франција.
Спорт
Легендарниот фудбалер Фалкао има нов клуб
![](https://makfax.com.mk/wp-content/uploads/2024/06/falkao1.jpg)
Иако е во доцните играчки години, Радамел Фалкао не планира да застане.
Откако му истече договорот со Рајо Валјекано, се огласи и неговиот нов клуб.
Тоа е – Милионариос.
И сето тоа 23 години откако го напушти овој клуб како 15-годишник.
Фалкао зад себе има импресивна кариера, играше за Ривер, Порто, Атлетико Мадрид, Монако, Манчестер Јунајтед, Челзи, Галатасарај и Рајо.
За Колумбија, за која уште настапува, одигра 104 натпревари и постигна 36 голови.