Спорт
Бензема е неочекуваниот „спасител“ на Реал за ново големо финале (видео)
Карим Бензема, толку оспоруваниот напаѓач на Реал Мадрид, го дочека денот да биде херој на „Лос бланкос“, откако двапати го казни голманот на Баерн Минхен, Улрајх за со 2:2 реми во интересен меч да ги однесе домаќините до големото финале од Лигата на ш…
Карим Бензема, толку оспоруваниот напаѓач на Реал Мадрид, го дочека денот да биде херој на „Лос бланкос“, откако двапати го казни голманот на Баерн Минхен, Улрајх за со 2:2 реми во интересен меч да ги однесе домаќините до големото финале од Лигата на шампионите во Киев.
Баерн дојде на „Бернабеу“ да се надигрува со носителот на последните две титули од ЛШ по негативата од 1:2 од првиот меч, и во реваншот имаше повеќе од топката, повеќе од шансите, но не и повеќе од головите.
„Кралевите“ уште еднаш покажаа дека оваа сезона во ЛШ подобро играат на гости отколку дома, така што можеби е добро за нив што финалето е во далечниот Киев, каде што противник ќе им биде подобриот од дуелот Ливерпул-Рома (Англичаните имаат 5:2 од првиот натпревар).
Од друга страна Баерн скапо плати за грешките во одбраната, посебно при вториот гол на Бензема, а секако ќе жалат и за пропуштените шанси пред голот на одличниот Кејлор Навас, кој неколку пати спасуваше сигурен гол.
Мечот започна според посакувањата на Баварците, откако Џошуа Кимих уште во третата минута ја затресе мрежата на Реал, искористувајќи ја несмасната реакција на капитенот Серхио Рамос. Но, Реал бргу се созема и во 11. минута по одличните долги топки на Матео Ковачиќ и Марсело, Бензема се најде на вистинското место за да израмни на 1:1.
Двата тима играа атрактивно и израмнето со неколку шанси на двете страни до крајот на полувремето, oд која најопасна беше таа на Хамес Родригез, кој имаше шанса која беше потешко да се промаши.
Студен туш за Баерн по само една минута игра во второто полувреме, катастрофална реакција на Свен Улрајх, која Бензема ја казнува за да донесе 2:1 водство и да ги постави Баерн во позиција да им се потребни два гола за пласман во финалето.
Не дека, Баварците не се трудеа. Кејлор Навас неколку пати имаше одлични интервенции, а на нападот на Баерн му недостасуваше малку „острина“. Хамес Родригез успеа да врати еден гол за гостите во 63. минута, гол против својот поранешен тим, кој не го прослави. Голот кој значеше финале, сепак, не дојде, иницијативите на Баварците завршуваа лошо, за уште едно исфрлување од Реал Мадрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Турски милионер го купува Марибор
Турскиот милионер Ацун Иликали наскоро ќе го заврши преземањето на словенечки Марибор.
„Ги почитувам и другите клубови, Мура е успешен клуб, Олимпија е добро познато име во Европа, исто така и Марибор“, изјави тој за Спортклу Словенија“.
„На крајот морате да донесете одлука, баравме и размислувавме два месеци, но сега мислам дека тимот и јас одлучивме дека ова е вистинскиот проект со одлични навивачи, одлични луѓе и голем град. Ми беше многу важно да имам аеродром во близина бидејќи постојано патувам. Мал аеродром да доаѓам и заминувам, а работа да не трпи. Јас сум луд по фудбал и сакам да гледам што повеќе натпревари“.
Ова значи дека Марибор за прв пат во својата историја ќе има странски инвеститор.
Марибор 16 пати беше шампион на Словенија, освои девет Купа и четири словенечки Суперкупа, а три пати играше во групната фаза од Лигата на шампионите. Сезонава не им оди баш најдобро, се само третопласирани зад Целје и Олимпија.
Иликали веќе е сопственик на англиски Хал Сити, а претходно раководеше со холандската Фортуна Ситард и ирскиот Шелбурн.
Сопственик е на ТВ каналите TВ8 и TВ8.5, како и на турската дигитална платформа „Ексен“. Од 2018 до 2021 година тој беше на листата на 500 највлијателни бизнисмени во медиумскиот и забавниот сектор.
Спорт
Литванија со НБА ѕвезди во напад на олимписката виза
Домантас Сабонис и Јонас Валанчиунас сакаат да играат за Литванија на квалификацискиот турнир за Олимписките игри во Париз, изјави селекторот на кошаркарската репрезентација на оваа земја, Казис Максвитис.
„Имаа тешка сезона во НБА. Разговарав со двајцата, ме побараа планови за подготовка. Националниот Сојуз ги усогласува сите услови околу осигурувањето. Ветија дека ќе играат“, изјави Максвитис.
Сабонис и Валанчиунас последен пат заедно играа за Литванија на ЕП 2022 година. Валанчунас играше, додека Сабонис го пропушти СП минатат година.
Сабонис е член на Сакраменто кој не успеа да се пласира во НБА плеј-офот. Литванскиот кошаркар сезонава во НБА лигата имаше просек од 19,4 поени, 13,7 скока и 8,2 асистенции по натпревар.
Валанчиунас е кошаркар на Њу Орлеанс кој беше елиминиран од Оклахома во првото коло од НБА плеј-офот. Оваа сезона имаше просек од 12,2 поени и 8,8 скока по натпревар.
Литванија ќе игра во групата А на олимпискиот квалификациски турнир во Порторико против Мексико и Брегот на Слоновата Коска. Во групата Б ќе играат Порторико, Бахреин и Италија.
Турнирот ќе се игра од втори до седми јули, а на ОИ ќе се квалификува само победникот на турнирот.
Победникот на турнирот на Олимписките игри во Париз ќе игра со селекциите на Србија, Соединетите Американски Држави и Јужен Судан.
Спорт
Клаузула од милијарда евра за еден од најголемите светски таленти
Пау Кубарси (17) е новиот супер талент клупската академија на Барселона, Ла Масија. Шпанскиот стопер оваа сезона забележа 30 настапи за тпрвиот тим.
Кубарси има договор со Барселона до јуни 2026 година, а трансфер инсајдерот, Фабрицио Романо најави дека клубот сака што е можно побргу фудбалерто да потпише нов договор.
Деко, спортскиот директор на Барселона, ги договорил условите со менаџеорот на Кубарси пред две недели. Романо откри дека моментално се средуваат деталите и дека
тинејџерот наскоро треба да потпише договор кој ќе има вградена откупна клаузула од една милијарда евра.
Секако, Барселона не мисли дека некој ќе ја плати таа сума за играчот, туку сака да го заштити за да не може некој да му и „украде“ во случај да стави помала клаузула.
„Трансфермаркт“, веб-страница специјализирана за вредноста на фудбалерите, го проценува Кубарси на 25 милиони евра.