Спорт
Супер-менаџерот Рајола под истрага во Холандија?
Мино Рајола, еден од најпознатите фудбалски менаџери на светот, е под истрага на холандските власти поради шема за затајување данок и измама, тврди италијанскиот весник „Ил фато квотидијано“.
Рајола, наводно, преку својата компанија „Мегвајр текс &…


Мино Рајола, еден од најпознатите фудбалски менаџери на светот, е под истрага на холандските власти поради шема за затајување данок и измама, тврди италијанскиот весник „Ил фато квотидијано“.
Рајола, наводно, преку својата компанија „Мегвајр текс & лигал“ со седиште во Амстердам, затаил данок од 2014 до 2017 година, пријавувајќи помали суми на трансферите. По трансферот на Пол Погба од Јувентус во Манчестер јунајтед, кој вредел 105 милиони евра, тој заработи околу 30-тина милиони евра, додека пријавил приход помалку од половина од реалната сума.
„Тоа не е моја работа. Ако моите клиенти користеле даночни олеснувања, тоа не значи дека јас ги принудував да го прават тоа. Не сум воопшто загрижен. Јас не сум холандски државјанин, живеам во Монако и немам компанија во Амстердам“, изјави Италијанецот.
Рајола под „контрола“ има околу 60-тина фудбалери, меѓу кои имиња како Златан Ибрахимовиќ, Погба, Ромелу Лукаку, Марко Верати, Џанлуиџи Донарума, Хенрик Мхитарјан и Марио Балотели.
Italian papers today claim Dutch authorities are investigating agent Mino Raiola and his clients for potential tax fraud https://t.co/f4SSvmd4ht #MUFC #ACMilan #Juventus #SerieA #OGCNice pic.twitter.com/uql9aJgXYn
— footballitalia (@footballitalia) March 16, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Брајтон платија 35 милиони за 18-годишниот Костулос

Англискиот фудбалски клуб Брајтон го договори трансферот на 18-годишниот напаѓач на Олимпијакос, Хараламбос Костулос за 35 милиони евра.
Костулас во четвртокот помина медицински прегледи и се очекува да потпише петгодишен договор што ќе стапи на сила на 1 јули, објави Би-Би-Си.
Овој трансфер го сруши претходниот рекорд за износот на надоместокот што еден грчки клуб го доби за својот играч, кој го држеше Олимпијакос кога Вулверхемптон плати 16,6 милиони фунти за Даниел Поденс во 2020 година.
Костулас, кој игра за младинската репрезентација на Грција (до 21 година), го имаше своето деби за првиот тим на Олимпијакос во 2024 година, откако помина низ младинската академија на клубот од Пиреја.
Минатата година, тој беше стандарден првотимец во тимот на Олимпијакос кој ја освои престижната младинска Лига на шампиони на УЕФА, победувајќи ги Интер и Баерн на патот до финалето, а во мечот за титулата го совладаа Милан.
Во текот на последната сезона во грчкото првенство, тој постигна седум гола во 22 лигашки натпревари.
Спорт
Тудор го потпиша договорот со Јувентус

Игор Тудор го потпиша новиот договор со Јувентус. Хрватот успеа да избори пласман во Лигата на шампуионите, што беше единствената цел кога го презеде тимот од Тијаго Моа.
Тудор потпиша договор со Јувентус до 2027 година. Но, со опција за продолжување за уште една година.
Игор Тудор е поранешен играч великанот од Торино, во минатото тој беше на клупата, но како помошник на Андреа Пирло.
Останува надежта дека со Тудор ќе се обезбеди некаков вид стабилност, со оглед на тоа што Јувентус смени четири тренери во претходните шест години.
Спорт
Севилја има нов тренер

Аргентинскиот тренер Матијас Алмеида е новиот шеф на стручниот штаб на фудбалскиот клуб Севилја.
Клубот од Андалузија минува низ турбелентен период. Смени седум тренери за три години, а тоа се одрази и на резултатите, бидејќи во тие три сезони, Севиља не беше пласирана подобро од 12-то место, а минатата сезона на две кола пред крајот обезбеди опстанок.
Затоа, не е ни чудо што клубот се одлучи за нов тренер, за Аргентинецот Матијас Алмеида. Еден од најдобрите задни играчи за врска во еден период, кој во богата кариера играше за шампионите Лацио, Парма, Интер, а европската кариера ја започна во Севилја.
Ученикот на Даниел Пасарела ја започна својата тренерска кариера каде што ја започна и заврши својата кариера како игра, во Ривер Плата.
Во меѓувреме, тој ги водеше Банфилд, Гвадалахара, Сан Хозе, а последните три години беше на клупата на АЕК, со кој ја освои двојната круна веќе во првата сезона