Спорт
Таксист се „заби“ во руски и мексикански фанови во Москва, за среќа без жртви! (видео)
Таксист се удри во луѓе во близината на шопинг-центарот „Гостини двор“ на улицата „Илјинка“ во центарот на Москва, повредувајќи осум луѓе, меѓу кои и мексикански навивачи.
Според полицијата во Москва, автомобилот прво удрил во знак на патот, по што пом…


Таксист се удри во луѓе во близината на шопинг-центарот „Гостини двор“ на улицата „Илјинка“ во центарот на Москва, повредувајќи осум луѓе, меѓу кои и мексикански навивачи.
Според полицијата во Москва, автомобилот прво удрил во знак на патот, по што поминал во луѓето, и за среќа инцидентот поминал без жртви. Видео на социјалните мрежи покажува како возачот, кој според полицијата направил ненамерна грешка, се обидува да замине од местото на инцидентот, но луѓето во околината успеале да го сопрат. Тој е уаспен.
„Возачот загубил контрола над возилото. Има неколку повредени луѓе кои ја добија потребната медицинска помош“, вели градоначалникот на Москва, Сергеј Собјанин.
Според мексиканската амбасада имало двајца мексикански граѓани кои биле повредени, додека другите биле руски и украински жители.
Локалните медиуми пак, јавуваат дека возачот е со узбекистанско државјанство, но дека не се работи за терористички напад.
Предупредување, видеото е вознемирувачко.
Наезд такси в Москве.. жесть какая-то. pic.twitter.com/09XTwbZNPw
— Борисыч (@Borisich_glass) June 16, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Погачар: Не се гледам себеси во професионалниот велосипедизам уште долго

Словенечкиот велосипедски ас Тадеј Погачар по четвртиот триумф на Тур Д’ Франс предизвика вистински шок во јавноста со своите изјави за „Лекип“. Иако има само 25 години, тој веќе сериозно размислува да се збогува со спортот.
„Нема да се пензионирам веднаш, но не се гледам себеси во професионалниот велосипедизам уште долго. Олимписките игри во Лос Анџелес во 2028 година се мојата голема цел, а по нив сериозно ќе размислувам за пензионирање“, откри Погачар.
Тој се осврна и на историски момент за Словенија – почетокот на Тур Д’ Франс доаѓа во нивната земја во 2029 година. Сепак, Погачар јасно стави до знаење дека тогаш, речиси сигурно, повеќе нема да се натпреварува:
„За мене е неверојатно што Турот ќе започне во Словенија во 2029 година. Ќе бидам таму, тоа е сигурно, дури и да не се натпреварувам“, објасни тој.
Спорт
Џака се врати во Премиер лигата

Швајцарскиот фудбалер Гранит Џака се враќа во Премиер лигата, поточно во Сандерленд.
Ова го објави речиси непогрешливиот фубалски инсајдер Фабрицио Романо.
Романо изјави дека Сандерленд, клубот кој се врати во Премиер лигата минатата сезона, постигнал договор со Леверкузен за трансфер вреден 20 милиони евра.
Џака ќе потпише договор до летото 2027 година.
32-годишниот играч од средниот ред на тој начин ќе се врати во Премиер лигата, каде што претходно играше за Арсенал од 2016 до 2023 година.
Спорт
Капитенот на Рома го напушта клубот

Лоренцо Пелегрини, капитенот на Рома би можел да го напушти кубот до крајот на преодниот рок.
„Калчомеркато“, тврди дека капитенот на „волчицата“ добил зелено светло од тренерот Џанпјеро Гасперини за трансферот.
Милан, Интер и Наполи се заинтересирани за услугите на 29-годишниот фудбалер. Според обложувалниците најголем фаворит за потписот на Пелегрини е Милан.
Пелегрини е дете на Рома. Тој е во клубот од почетокот на својата кариера.
Досега, на 316 натпревари за првиот тим на Рома, постигна 55 голови и забележа 59 асистенции.
Фото/ Принскрин