Спорт
ТдФ: БМЦ со победа на тимската трка на хронометар, Ван Авермет во жолто
Белгиецот Грег ван Авермет е новиот лидер на Тур де Франс, откако неговиот тим БМЦ рејсинг имаше одлична тимска трка на хронометар во должина од 35.5 километри од Ла Венде до Шоле, победувајќи ги фаворизираните Тим Скај и Квик-Степ. Мичелтон-Скот на Ад…
Белгиецот Грег ван Авермет е новиот лидер на Тур де Франс, откако неговиот тим БМЦ рејсинг имаше одлична тимска трка на хронометар во должина од 35.5 километри од Ла Венде до Шоле, победувајќи ги фаворизираните Тим Скај и Квик-Степ. Мичелтон-Скот на Адам Јејтс и Тим Санвеб на Том Думулин го комплетираа топ 5.
БМЦ тимот, во кој лидер е Австралиецот Ричи Порти, ја комплетираше третата етапа на Тур де Франс со 38:46, за четири секунди пред Тим Скај на четирикратниот шампион Крис Фрум и седум секунди пред Квик-Степ.
Порти и Фрум влегоа во етапата со 51 секунди заостанување зад повеќето ривали во генерален пласман, но се вратија во игра откако Роман Барде (АГ2Р), Винченцо Нибали (Бахреин Мерида) и Ден Мартин (УАЕ Тим Емирати) ја загубија предноста на жешкото сонце во северозападна Франција.
Олимпискиот шампион Ван Авермет сега е носител на лидерската жолта маичка откако тимот на светскиот шампион Петер Саган заврши далеку зад лидерите со 50 секунди заостанување. Ван Авермет е израмнет со времето со својот американски колега Тиџеј ван Гардерен, додека трет е Велшанецот Герант Томас (Скај) со три секунди послабо време.
Од конкурентите за титула во генерален пласман, Том Думулин е највисокопласиран со 11 секунди заостанување. Ригоберто Уран е на 35 секунди, Порти на 51 секунда, Алехандро Валверде и Микел Ланда на 53 секунди, а Фрум на 55 секунди од Ван Авермет.
Hot day, team work and high speed. ⏱?♂️?♂️?♂️
➡ Stage 3 in one minute!#TDF2018 pic.twitter.com/mDEYjmbmM7— Le Tour de France (@LeTour) July 9, 2018
? Here is the new GC Top 10!
? Voici le nouveau Top 10 au classement général !#TDF2018 pic.twitter.com/fcbHH6eU6K— Le Tour de France (@LeTour) July 9, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.