Спорт
Тимска хуманост на СП: Mozzart и ракометарите собраа 905.000 денари

Македонија настапот на СП во ракомет го заврши со 181 гола, но и со титула шампион на хуманоста. Компанијата Mozzart како дел од кампањата „Повеќе од гол“, донира по 5.000 за секој погодок на македонската ракометна репрезентација, а собрани се 905.000 денари,кои ќе бидат наменети за хуманитарни цели. Нашите ракометари со главниот амбасадор на оваа акција Филип Кузмановски ќе одлучат каде ќе биде упатена оваа донација.
„Честитки за нашите ракометари, за нивната игра,борбеност,за големиот број постигнати голови и за тоа што и овојпат го оставија срцето на терен и ја покажаа силата на нашата репрезентација. Нам ни преставува вистинско задоволство што заедно со нив ја реализираме хуманитарната акција „Повеќе од гол”, преку која ќе помогнеме некаде каде е тоа потребно, изјави Ивана Стефановска Крстевска од Mozzart.
Ова беше трета акција „Повеќе од гол“ на Mozzart. На првата се постигнаа вкупно 70 гола и беа собрани 350.000 денари, на втората 221 гола и собрани 663.000 денари, додека годинава постигнати беа 181 погодоци и највисока собрана сума од 905.000 денари. Лидерот во приредување игри на среќа и натаму продолжува со реализација на вакви проекти каде хуманоста има главна улога и преку кои помош ќе стигнува на голем број адреси.
ПР текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Македонските едриличари настапуваат на Балканското првенство во Несебар

Едриличарската Федерација на Македонија ќе ја претставува нашата земја на 53-тото Балканско првенство во едрење за олимписки класи и Оптимист, што ќе се одржи во Несебар, Бугарија.
Настанот, во организација на Бугарската едриличарска федерација и Општина Несебар, ќе ги собере најдобрите едриличари од балканските земји кои ќе се натпреваруваат во класите Optimist, ILCA 4, ILCA 6 и Finn.
Натпреварите ќе се одвиваат од 17-ти до 19-ти Октомври, планирано е одржување на максимум девет трки во секоја класа, а завршната церемонија и доделувањето на медалите ќе се одржат на 19 октомври.
„Балканското првенство е еден од позначајните настани за нашиот спорт и претставува можност македонските едриличари да ги измерaт своите сили со најдобрите од регионот во конкуренција на голем број светски и европски прваци. Нашата репрезентација се состои од вкупно 13 натпреварувачи во машка и женска конкуренција, како во младинска така и во сениорска конкуренција. Нашата цел е преку вакви настапи да им овозможиме континуиран развој, искуство и меѓународна афирмација“ изјавија од Едриличарската Федерација на Македонија.
Балканското првенство е дел од официјалниот календар на европски и регионални регати, дел од календарот на Светската едриличарска федерација и претставува важен чекор во развојот на младите таленти и афирмацијата на олимписките дисциплини.
Со ова учество, Едриличарската федерација на Македонија го продолжува континуитетот на активно претставување на меѓународната сцена, после Светското Првенство во Словенија и Европоското Првенство во Полска, а со цел унапредување на спортот едрење и промоција на македонските спортисти и нашата земја.
Спорт
Ламин Јамал почна да наплаќа за автограм

Ламин Јамал без конкуренција е првата ѕвезда на шпанскиот фудбал, но не се труди многу да ги избегне светлата на големата сцена и реакциите на јавноста.
Јамал се најде во центарот на вниманието со одлуката дека повеќе нема да дава автограми на деца, освен ако не платат за тоа.
Иако и самиот се уште е момче, 18-годишен тинејџер, под изговор на капитализам и најголем можен профит, реши да ангажира специјализирана страница за колекционери преку која ќе го продава својот потпис.
Тој доби понуда, објавува „Мундо Депортиво“, која ја прифати и ништо повеќе нема да биде бесплатно кај него.
Уште повеќе, тој дури нема да дава премногу автограми, бидејќи колку помалку има, толку се повредни и поскапи.
Ова не е ново во светото на спортот, ново е во Европа. Леброн Џејмс и Лионел Меси го прават тоа во САД.
Наводно, ѕвездата на ЛА Лејкерс, Џејмс, од еден продаден автограм за работува и до 15.000 долар
Спорт
(Видео) Манасков го постигна голот на колото во ЛШ

Поранешниот македонски репрезентативец, Дејан Манасков, го постигна најубавиот гол во петтото коло, во Лигата на шампионите.
Еурофарм Пелистер, во средата загуби од Барселона во Битола со 30:34. Манасков голот на колото го постигна во последната минута. Тоа беше цепелин, додавање од голманот Митревски, а левото крило на Еурофарм Пелистер погоди од невозможен агол.
Foto/ facebook.com/hceurofarmpelister
🔥 𝙏𝙊𝙋 5 𝙂𝙊𝘼𝙇𝙎 – Round 5 powered by Gorenje!
1️⃣ Dejan Manaskov – HC Eurofarm Pelister
2️⃣ Mathias Gidsel – Füchse Berlin
3️⃣ Martim Costa – Sporting Clube de Portugal
4️⃣ Lazar Kukic – OTP Bank-PICK Szeged
5️⃣ Felix Claar – SC Magdeburg#ehfcl #CLM #handball pic.twitter.com/ZVZpxxXnmg— EHF Champions League (@ehfcl) October 17, 2025