Спорт
Толку „бучава“, за на крајот Милинковиќ-Савиќ да си остане во Лацио
Како и минатото лето, и во јануари, српскиот играч од средниот ред на Лацио, Сергеј Милинковиќ-Савиќ беше еден од играчите околу кого се вртеа неверојатни суми (од 100 милиони евра нагоре), за по крајот на преодниот рок во Италија, тој да си остане во …
Како и минатото лето, и во јануари, српскиот играч од средниот ред на Лацио, Сергеј Милинковиќ-Савиќ беше еден од играчите околу кого се вртеа неверојатни суми (од 100 милиони евра нагоре), за по крајот на преодниот рок во Италија, тој да си остане во Лацио.
Реал Мадрид, Манчестер јунајтед, Пари Сен-Жермен и на крајот Милан, имаа неофицијални понуди за популарниот СМС, со последната од Милано за неверојатни 40 милиони евра за едногодишна позајмица. На крајот, ништо.
Спортскиот директор на Милан, Леонардо, кој неодамна изјави дека нормално дека би го сакал Милинковиќ-Савиќ во тимот но едноставно нема пари, сега вели дека тие воопшто не дале понуда за Србинот, кому сега му претстои уште една сезона на „Олимпико“.
Контроверзниот претседател на Лацио, Клаудио Лотито, се гордее со тоа што е „најтешкиот преговарач“ во Италија, во спротивност на соседите Рома, кои во последните сезони мораа да се бранат дека не се „супермаркет“ по продажбата на фудбалери како Мо Салах и Раџа Наинголан. Лотито уште е во конфликт со македонскиот репрезентативец Горан Пандев, кој мораше со арбитража да бара да биде ослободен од договорот со „лацијалите“.
Милинковиќ-Савиќ е несомнено талентиран фудбалер, но сумата од 150 милиони евра, и покрај денешниот „напумпан“ пазар едноставно е нереална. За него речиси сигурно ќе биде добро да остане уште една година на „Олимпико“ за да ги подобри своите способности, но една година е многу во светот на фудбалот, и кој може да гарантира дека СМС ќе привлече исто внимание и во 2019, за Лацио да може убаво да „искешира“?
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.