Спорт
Томас Тухел е новиот тренер на ПСЖ!
Пари Сен-Жермен потврдија дека поранешниот тренер на Борусија Дортмунд, Томас Тухел е новиот кормилар на тимот од „Паркот на принцовите“ со двегодишен договор. Германецот ќе го замени Унаи Емери во францускиот клуб со големи амбиции.
„Се приклучувам на…


Пари Сен-Жермен потврдија дека поранешниот тренер на Борусија Дортмунд, Томас Тухел е новиот кормилар на тимот од „Паркот на принцовите“ со двегодишен договор. Германецот ќе го замени Унаи Емери во францускиот клуб со големи амбиции.
„Се приклучувам на големиот глобален клуб Пари Сен-Жермен со голема радост, гордост и амбиција. Едвај чекам да почнам да работам со едни од најдобрите фудбалери на светот. Со мојот тим ќе направиме сè да го кренеме тимот на интернационално ниво. Имаме огромен потенцијал и ова е најголемиот предизвик кој можев да го прифатам“, вели Тухел.
Paris Saint-Germain are delighted to announce that Thomas Tuchel will be the new first-team coach next season !
The German tactician has signed a two year contract with the French champions ?? pic.twitter.com/JoeU0jMqFC
— Paris Saint-Germain (@PSG_English) May 14, 2018
44-годишниот Тухел беше наследник на Јирген Клоп на клупата на Борусија Дортмунд во 2015, и минатата година го освои ДФБ купот, пред да си замине поради конфликт со челните луѓе на клубот. Претходно, тој беше пет години на чело на Мајнц, каде што работеше и со поранешниот македонски репрезентативец, Николче Новески.
Емери помина две години на „Паркот на принцовите“, и оваа година ја донесе двојната титула за „Светците“, но загуби во осминафиналето на Лигата на шампионите од Реал Мадрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Абрамович: Сакам само едно вистинско збогум со навивачите на Челзи

Поранешниот сопственик на Челзи, Роман Абрамович, изјави дека се надева на „соодветно збогување“ од навивачите на клубот. Вистонското „збогум“ не го доживеа бидејќи беше принудан да го продаде клубот во 2022 година.
Поради неговите блиски врски со рускиот претседател Владимир Путин, англиската влада го означи Абрамович како „персона нон грата“ и повеќе немаше место за него во екосистемот на Премиер лигата.
Абрамович долго време го нема во јавноста, последен пат даде интервју за Форбс во 2021 година и досега ниту еден медиум немаше можност да разговара со рускиот тајкун.
Ова му успеа на Ник Пуревал, кој неодамна ја објави книгата „Санкциониран“, која се занимава со сите досега непознати детали за продажбата на Челзи од страна на Абрамович.
Во еден дел, Роман вели дека не планира никогаш повеќе да инвестира во фудбалски клуб и дека посакува еден ден, доколку се укаже можност, да се збогува со навивачите на Челзи на соодветен начин.
„Можеби еден ден ќе се појави ситуација каде што ќе можам да присуствувам на натпревар на Челзи и да се збогувам со навивачите на Челзи како што треба, но ништо повеќе од тоа“, рече Абрамович.
„Веќе не ме интересира да имам никаква улога во клуб, сигурно не во професионална смисла“, додаде човекот под чие водство Челзи ги постигна најголемите успеси во историјата, вклучително и освојувањето на две титули во Лигата на шампионите.
Спорт
(Видео) Нестварен кош за победа во Аргентина

Во третиот натпревар од четвртфиналето на плејофот од првенството на Аргентина, кошаркарскиот тим Феро ја победи Бока Јуниорс, најдобриот тим во лигашкиот дел од натпреварувањето, со резултат од 76:73, а решавачкиот момент е за приказната.
Гостинските играчи имаа напад за победа, не го реализираа, а по дефанзивниот скок, Емилијано Лескано постигна неверојатна тројка.
Дваесет и четиригодишниот плејмејкер ја фрли топката од својот рекет и таа заврши во кошот на градскиот ривал од Буенос Аирес со звукот на сирената.
Феро води во серијата со 2:1 и во следниот натпревар пред своите навивачи ќе има можност да ја комплетираат сензацијата и да го нокаутираат големиот фаворит.
Have you ever seen a better game-winning shot? 🤯pic.twitter.com/eEI1EgN1og
— BasketNews (@BasketNews_com) June 12, 2025
Спорт
(Видео) Сане во Истанбул пречекан како филмска ѕвезда

Германскиот фудбалер Лерој Сане (29) беше пречекан како холивудска ѕвезда на аеродромот во Истанбул од навивачите на Галатасарај.
На Сане му беше приредена добредојде, како на многу ѕвезди кои досега пристигнаа од еден од двата најголеми турски клуба во последните години.
Пристигнувањето на Сане во Истанбул претходната вечер беше фудбалска вест на денот во Турција.
За навивачите на Галатасарај, пристигнувањето на играчот на Баерн е првокласен спектакл што не треба да се пропушти, а огромен број од нив побрзаа на аеродромот многу порано за да бидат сведоци на пристигнувањето на Сане.
Nearly 1.5 million people tracked Leroy Sane's flight online as he landed in Istanbul ahead of his move to Galatasaray ✈️ pic.twitter.com/EEFTJzwrxH
— Sky Sports News (@SkySportsNews) June 12, 2025
„Санеманија“ го достигна својот врв уште пред слетувањето на германскиот фудбалер, за што најдобро сведочи фактот дека еден и пол милион луѓе го следеа летот на Сане од Германија до Истанбул во живо преку апликацијата „flight radar“.
Официјалниот „YouTube“ канал на Галатасарај ја забележа милионитата посета за време на емитувањето на добредојдето на новото засилување. Сане треба да постигне конечен договор со турскиот гигант во текот на денот.
Баерн сакаше да го задржи, му понуди продолжување на соработката, Винсент Компани дури го вклучи и на списокот на играчи на кои смета за Светското клупско првенство, но Сане имаше други планови.
Тој треба да потпише тригодишен договор со Галатасарај.