Спорт
Торонто ја сопре низата на Рокитс, Никси пак загубија (видео)
Кајл Лаури постигна 30 поени за Торонто репторс да го издржат фуриозниот кам-бек на Хјустон рокитс и да стигнат до 108:105 победа во „Ер Канада“ центарот, ставајќи крај на низата од 17 победи на гостите.
Џејмс Харден постигна тројка за израмнување, но …


Кајл Лаури постигна 30 поени за Торонто репторс да го издржат фуриозниот кам-бек на Хјустон рокитс и да стигнат до 108:105 победа во „Ер Канада“ центарот, ставајќи крај на низата од 17 победи на гостите.
Џејмс Харден постигна тројка за израмнување, но Демар Дерозен го врати водството за Торонто на 1:49 пред крајот. Лаури и Јонас Валанчиунас потоа постигнаа поени од слободно фрлање за печат на победата.
Хјустон губеше со дури 19 поени пред да се вратат во игра – Харден замина од Канада со 40 поени, Дерозен имаше 23 за Торонто.
Крис Мидлтон имаше 30 поени со 11-од-16 од поле, Јанис Антекумбо додаде 28 поени и 10 скокови за Милвоки бакс да ги совладаат Њујорк никс со 120:112.
Тим Хардавеј Јуниор имаше 26 поени, а Трој Вилијамс додаде 18 поени до клупата за Никс, но не успеаја да спречат шести пораз во низа и 14-ти пораз во последните 15 натпревари.
НБА РЕЗУЛТАТИ
Торонто – Хјустон 108:105
Милвоки – Њујорк 120:112
Њу Орлеанс – Вашингтон 116:97
Мемфис – Јута 78:95
Индијана – Атланта 112:87
Детроит – Чикаго 99:83
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мењан во Челзи, во Милан доаѓа Милинковиќ-Савиќ

Францускиот репрезентативен голман Мајк Мењан (29) ќе ја продолжи кариерата во Челзи. „Сините“ за услугите на голманот на Милан ќе му платата 18 милиони евра отштета, објавија италијанските медиуми.
Мењан пристигна во Милан летото 2021 година од Лил, а неговиот договор важеше до јуни следната година.
Милан се согласи да го продаде бидејќи не можеше да се договори за продолжување на договорот, па овој летен преоден рок беше последна шанса да заработи нешто од неговиот трансфер.
Мењан треба да биде заменет на голот на Милан со српскиот голман Вања Милинковиќ-Савиќ (28), чиј договор со Торино истекува за една година.
Спорт
Седум играчи го засилија Алкалоид

Фото/ rkalkaloid.mk
РК Алкалоид останува на својата определба и во следната сезона да биде клуб составен во најголем дел од македонски ракометари кои ќе добијат врвни услови за тренинг, ќе работат според професионална програма и ќе имаат простор за напредок преку настапите на домашната и на европската сцена.
Неколку ракометари со голем потенцијал и за клубот и за сениорската репрезентација на Македонија доаѓаат следната сезона во клубот.
Алкалоид кој ја освои титулата во Европскиот куп, за следната сезона ангажира седум нови играчи, шестмина се Македонци, странец е само Србинот, Урош Борзаш. Покрај него нови играчи на Алкалоид се: Ненад Костески, Емилијан Ѓорговски, Михаил Аларов, Михаил Иваноски, Ѓорѓи Николовски и Давид Трајкоски,
Спорт
Пукна љубовта, Мурињо ќе го напушти Фенербахче

Жозе Мурињо и Фенербахче ќе го објават прекинот на соработката во следните неколку дена, тврдат турските медиуми.
Ова е епилогот од средбата во Лондон помеѓу познатиот тренер и Али Коч, претседателот на клубот од Истанбул. Мурињо бара 15 милиони евра за предвремен раскин на договорот.
Португалецот го презеде тимот минатото лето, но Фенербахче под негово водство не освои ниту еден трофеј. Во првенството на Турција, тие беа втори зад нивниот најголем ривал Галатасарај.
Покрај тоа, Мурињо беше во постојан конфликт, со судиите, со службените лица од другите клубови, што предизвика гнев кај навивачите и новинарите и му наштети на угледот на турскиот фудбал.