Спорт
Трагична елиминација на Јапонија, Белгија од 0:2 до 3:2 (Видео)
Белгија се пласира во четврт-финалето на Светското првенство во Русија, откако во трилер натпревар против Јапонија успеа да се врати по негативата од два гола и да слави со погодокот на Шадли во 94.минута. Белгијците во четврт-финалето ќе играат против…
Белгија се пласира во четврт-финалето на Светското првенство во Русија, откако во трилер натпревар против Јапонија успеа да се врати по негативата од два гола и да слави со погодокот на Шадли во 94.минута. Белгијците во четврт-финалето ќе играат против Бразил.
Пресметката во Ростов донесе здодевен фудбал во првиот дел и вистински спектакл во второто полувреме.
Белгија, во првите 45 минути, не успеа да ја наметне својата игра, односно не успеа да го пробие блокот на јапонската одбрана. Компани ја имаше најсериозната шанса за Белгија во овој период од натпреварот, додека Јапонците најблиску до погодок беа по киксот на Куртоа.
Почетокот на вториот дел им припадна на Јапонците. Најпрвин Харагучи, во 48.минута, ја искористи лошата реакција на Вертонген и од контра со прецизен удар го совлада Куртоа.
Веќе во наредниот напад Азар го затресе дирекот од голот на Квашима.
Четири минути по водечкиот гол, нов шок доживеаја Белгијците. Иниу си прецизен удар од 22 метри го натера Куртоа повторно да ја вади топката од својот гол.
По вториот гол Фелаини и Шадли влегоа во игра кај Белгија.
Белгијците ја намалија предноста на Јапонците со среќниот гол на Вертонген во 70.минута, а четири минути подоцна одличната кација на Азар и неговиот центаршут во гол за израмнување го претвори Фелаини.
Следуваше десет минутна опсада на голот на Кавашима, кој на неверојатен начин ги одбрани ударите на Шадли и Лукаку.
Во последните пет минути ритамот на мечот целосно падна, двете репрезентации ги очекуваа продолженијата, кога Белгија изведе молскавичен напад. Јапонија доби корнер, нелогично се решија Јапонците на нафрлување, Куртоа ја собра топката, а потоа му отвори контра на Де Брујне, тој го проигра Муние, а бекот на ПСЖ додаде до Шадли кој од пет метри ја смести во јапонскиот гол за конечни 3:2.
Белгија во четврт-финалето ќе игра против Бразил на 6. јули, во 20 часот на стадионот во Казањ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Родри: За разлика од Арсенал ние имаме победнички менталитет
Манчестер сити вчера ја одбрани титулата во Премиер лигата. Избраниците на Пеп Гвардиола во последното коло влегоа со два бода предност пред Арсенал, а на натпреварот против Вест Хем потврдија дека се најдобри во Англија.
За менаџерот Пеп Гвардиола тоа беше шеста шампионска титула на клупата на англискиот клуб. Сити заврши со два бода повеќе од второпласираниот Арсенал.
Шпанецот Родри беше еден од клучните играчи во тимот на Гвардиола, а по освојувањето на титулата ја објасни разликата помеѓу Сити и Арсенал.
„Кога Арсенал дојде на „Етихад“, почувствував дека тие момци не сакаат да победуваат. Тие сакаа да одиграат нерешено, ние го немаме тој менталитет“.
Родри, вчера против Вест Хем го постигна третиот гол за Манчестер сити.
Спорт
(Видео) Епска катастрофа на Денвер од +20 до елиминација од Минесота
Кошаркарите на Денвер Нагетс загубија од Минесота Тимбервулфс со 98:90 во мајсторката за пласман во финалето во Западната конференција. Минестоа во финалната серија која ќе започне во четврток ќе игра против Далас Маверикас.
Актуелните шампиони загубија и покрај тоа што на стартот од вториот дел имаа предност од 20 поени (58:38), но потоа следеше епски колапс на Нагетс.
Минесота успеа да го направи најголемиот пресврт во историјата на мајсторките и заслужено се пласираше во финалето.
На почетокот на четвртата четвртина Минесота целосно ја презеде контролата врз играта, Нагетс не можеа да затворат ништо, а гостите постојано ја одржуваа предноста.
Руди Гобер се истакна,а одличен придонес дадоа и Таунс, Гобер, МекДаниелс, Конли, Едвардс.
Никола Јокиќ имаше 34 поени, 19 скока и седум асистенции, но интересно само две асистенции во вториот дел. Погоди за 13-28 од поле.
Го следеше Мареј со 35 поени, а останатите потфрлија. Портер постигна седум поени, Поуп пет, а Гордон четири. Неверојатен е податокот дека резервите на Денвер постигнаа само пет поени.
Минесота до победата ја предводеа МекДаниелс и Таунс со по 23 поени, Едвардс постигна 16, Гобер 13.
Спорт
(Видео) Индијана надмоќно ја доби мајсторката во Њујорк
Индијана Пејсерс ќе им се спротивстави на Бостон Селтикс во финалето на Источната конференција во НБА лигата. Пејсерс ја добија мајсторката во Њујорк со 130:109. Финалната серија на Исторкот започнува во среда наутро по средноевропско време.
Пејсерси ги искористија сите проблеми кои го следеа Њујорк, фантастично шутираа и без проблем го добија седмиот натпревар. Индијана во првото полувреме имше реализација од речиси 80 отсто, во првата четвртина стекна двоцифрена предност.
Њујорк се обиде во третиот период разликата од 22 поени ја спуштија Никс на шест, но немаа сили за пресврт.
Повредите ги уништија Никс во оваа серија, Ануноби се обиди, одигра пет минути, а Харт го одигра речиси целиот натпревар, но не беше на очелуваното ниво. Надежите на Никс се урнаа во третата четвртина кога најдобриот играч Брансон се здоби со фрактура на дланката.
Од претходно во Њујорк ги немаше Рендл, Робинсон и Богдановиќ.
Халибартон со 26 поени, четири скока и шест асистенции ја предводеше Индијана, по 20 поени постигнаа Нембхард и Сиакам, 19 додаде Нејсмит со 8-8 од игра.
Кај Никс се истакнаа ДиВинченцо со 39 поени (10 тројки), Буркс додаде 26, а Брансон уфрли 17 поени.