Спорт
Тухел: Уште ќе бев тренер на БВБ да не беше бомбашкиот напад
Поранешниот тренер на Борусија Дортмунд, Томас Тухел верува дека би останал на кормилото на БВБ да не беше бомбашкиот напад на нивниот автобус минатиот април, по што дошло до проблеми во односите со Ханс-Јоаким Вацке.
Дортмунд патуваа на четврт-финалет…


Поранешниот тренер на Борусија Дортмунд, Томас Тухел верува дека би останал на кормилото на БВБ да не беше бомбашкиот напад на нивниот автобус минатиот април, по што дошло до проблеми во односите со Ханс-Јоаким Вацке.
Дортмунд патуваа на четврт-финалето од ЛШ против Монако на нивниот „Сигнал Идуна парк“, кога автобусот им беше оштетен од три експлозии. Дефанзивецот Марк Бартра беше повреден и беше на операција на зглобот на раката, а мечот беше одложен 24 часа. Монако победи со 3:2, по што на домашен терен уште еднаш ги победи БВБ со 3:1.
По презакажувањето на натпреварот, Тухел изјави дека ниту тој, ниту неговите играчи не биле консултирани околу презакажување на мечот само 24 часа, нешто што извршниот директор Вацке го демантираше.
2.1 – @TTuchelofficial had the best points per game ratio of all BVB coaches in the @bundesliga_de (2.1). Farewell. pic.twitter.com/0MBTMnyDa3
— OptaFranz (@OptaFranz) May 30, 2017
Зборувајќи на судењето на напаѓачот (според германските закони идентификуван само како Сергеј В), Тухел изјави дека би останал да не бил инцидентот. Тој си замина по освојувањето на ДФБ купот по 2:1 победата над Ајнтрахт Франкфурт.
„Претпоставувам дека ќе останев. Аки Вацке веќе јавно кажа дека имало големи несогласувања, што беше точно. Проблемот беше што јас бев во тој автобус, а не Аки. Затоа имаше поинаков пристап за решавање на проблемите. Се обидов да го подготвам тимот, но јасно беше дека не бевме подготвени за игра“, изјави Тухел, кој во последно време се поврзува со тренерското место во Баерн Минхен по повлекувањето на Јуп Хајнкес на крајот на сезоната.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Реал прими четири гола, но избори пласман во финалето на Купот на кралот

Фудбалерите на Реал Мадрид и Реал Сосиедад одиграа спектакуларен натпревар во реванш полуфиналето на Купот на кралот, По 120 минути игра натпреварот заврши без победник 4:4.
„Кралскиот“ клуб“ се пласира во финалето, благодарение на минималниот триумф (1:0) во првиот натпревар одигран во Сан Себастијан.
Мадриѓаните беа над амбисот во финишот на регуларниот дел, имаа минус од два гола, но успеаја да се вратат во рок од четири минути. Сепак, капитенот на гостите Микел Ојарзабал во судиското надополнување (93.минута) обезбеди продолженија за баскискиот тим.
Херој на домашниот тим беше Антонио Ридигер, кој постигна гол во 115. минута и со тоа му обезбеди финале на Реал, кој таму ќе го чека победникот од пресметката Барселона-Атлетико (4:4).
Андер Баренечеа со гол во 16. минута најави фантастичен натпревар на стадионот „Сантијаго Бернабеу“, а Ендрик го израмни резултатот пред паузата.
Сосиедад притискаше за ново водство и за краток период постигна два гола, пред се благодарение на Давид Алаба.
Австрискиот репрезентативец си постигна автогол во 72. минута, додека во 80. минута кога шутираше Микел Ојарзабал, топката удри во неговата нога и го измами Андриј Луњин.
На Реал не му требаше многу време да возврати. Во 82. минута Винисиус одлично мина по левата страна, го пронајде Џуд Белингем, кој само ја постави ногата и ја затресе мрежата на гостите. Резултатот го изедначи Чуамени, кој во 86. минута со глава погоди поцентаршутот на Родриго и благодарение на кастрофалната реакција на Алекс Ремиро.
Драмата не заврши тука. Петтиот гол за само 21 минута го постигна капитенот на Сосиедад, Микел Ојарзабал, по центаршутот на Серхио Гомеш.
Реал можеше да ги избегне продолженијата, Белингем шутираше со глава, но Ремиро со одлична парада ја надомести лошата реакција кога го прими третиот примен гол.
Сосиедад некако одолеа на нападите на Реал во првото продолжение, но не и во второто. Антонио Ридигер со глава ги постави конечните 4.4 по корнерот на Арда Ѓулер во 115. минута.
Финалето на Купот на кралот е закажано за 26 април на „Картуха“ стадионот во Севилја.
Спорт
(Видео) Болоња со една нога е во финалето на Купот

Фудбалерите на Болоња го совладаа Емполи како гости во првиот натпревар од полуфиналето на Купот на Италија со резултат 3:0.
Јасно е дека реваншот ќе биде само формалност по ваквата демонстрација на силата на тимот на Виченцо Италијано. Болоња игра феноменално во последно време, ова за нив беше шеста последовна победа во сите натпрварувања.
Двоен стрелец за гостите на стадионот „Карло Кастелани“ беше Холанѓанецот Тијс Далинга во 29. и 51. минута.
Претходно, уште еден гол сезонава постигна и најдобриот стрелец на тимот Рикардо Орсолини.
Многу поголема неизвесност се очекува во второто полуфинале, в среда градските ривали Интер и Милан го играат првиот натпревар.
Болоња го освои Купот двапати во својата историја, вториот пат во 1974 година.
Спорт
(Видео) Еланга како брз воз го реши Јунајтед, Арсенал го победи Фулам

Нотингем Форест продолжи таму каде што застана пред репрезентативната пауза. Избраниците на Нуна Еспирито Санто го совладаа Манчестер Јунајтед со резултат 1:0 во 30. коло од Премиер лигата.
„Шумарите“ поведоа во петтата минута со голот на поранешниуот играч на Јунајтед, Ентони Еланга. Репрезентативецот на Шведска, како брз воз претрча речиси 60 метри и го совлада Онана.
Јунајтед од тој момент имаше апсолутна доминација на теренот. Форест намерно им ја препушти иницијативата на „црвените ѓаволи“, но избраниците на Рубен Аморим немаа одговор на одличната одбрана.
Диого Дало имаше две шанси во првиот дел, а во второто полувреме неколку пати се закани Гарначо. Најдобрата шанса не ја искористи Мегваер чии удар од 97.минута од гол линијата го исфрли Мурило.
Избраниците на Артета не блескаа, но ја исполнија целта, со освојување на нови три бода ја намалија предноста на Ливерпул на девет бода, со натпревар повеќе од „црвените“.
Стрелец на водечкиот гол беше Микел Мерино во 37. минута по асистенција на младиот Итан Енванери.
На овој натпревар Букајо Сака се врати на теренот за прв пат од декември. Тој во 66. минута го замени младиот Енванери, а во 73. минута постигна гол. Габриел Мартинели овојпат забележа асистенција по уште еден добар потег на Микел Мерино.
Конечниот резултат го постави Родриго Муниз во четвртата минута од судиското надополнување. Доцна за Фулам, освен да го ублажи ударот. Можеби ќе беше поинаку за гостите доколку истиот играч претходно ја искористеше големата шанса во 81. минута кога практично промаши празен гол.
Вечерва играа Вулверхемптон и Вест Хем. „Волците“ беа подобри и славеа пред своите гледачи со резултат 1:0. Стрелец на голот беше Јерген Странд Ларсен во 21. минута.